MATHAÏOS 6:6 - KA BAIBL

⁶ Hynrei, me, haba me duwai, to leit rung sha la ka pulit, bad haba me la khang ïa la ka jingkhang, to kyrpad ïa U Kpa jong me uba ha kaba rieh; te U Kpa jong me uba ïohi ha kaba rieh un ai nong ha me ha kaba paw.

Khasi CL Bible (BSI)

⁶ Hynrei haba phi duwai, to leit sha ka kamra jong phi, khang ïa ka jingkhang, bad duwai sha U Kpa jong phi, ïa uba ym lah ban ïohi. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

MATHAÏOS 6:6 ပူးပေါင်းရင်းမြစ်များ

2 SYIEM 4:33

Namar kata, u la rung shapoh, bad u la khyrdep ïa ka jingkhang tang ma ki ar ngut hi, bad u la duwai ha U Trai.

SALM 34:15

Ki khmat U Trai ki don sha u bahok, bad ki shkor jong U ba la plie ïa ka jingkyang jong ki.

PROBERB 25:22

naba men kynton ïa ki rnga ding barhem halor ka khlieh jong u, bad U Trai un ai nong ïa me.

ISAÏAH 26:20

Ale, ko paidlang jong nga, to bsut ha la ki pulit, bad khang la ki jingkhang baroh sawdong jong me: buhrieh ïa lade shi por, haduh ban da wai ka jingkhih bitar.

ISAÏAH 65:24

Te kan jia ruh haba kim pat khot kyrpad, ngan phai ktien; bad katba ki dang kren, ngan sngew.

MATHAÏOS 14:23

Te haba u la pyllait noh ïa ki paidbah, u la kiew sha u lum weibriew ban duwai; bad haba ka la janmiet ruh, u la don hangta weibriew.

MATHAÏOS 6:18

ba kumta men ym pynpaw ha ki briew ba me shah jingit, hynrei, ha U Kpa jong me uba ha kaba rieh; bad U Kpa jong me uba ïohi ha kaba rieh un ai nong ha me ha kaba paw.”

MATHAÏOS 6:4

ba kata ka jingai isynei jong me kan ïoh long ha kaba rieh: bad U Kpa jong me uba ïohi ha kaba rieh un ai nong ha me ha kaba paw.”

ÏOANNIS 1:48

U Nathanael u kylli ïa U, “Nangno me ithuh ïa nga?” U Jisu u la ïathuh bad U la ong ha u, “Shuwa ba um pat khot u Philip ïa me, mynba me la don hapoh uto u dieng Dumbur, nga la ïohi ïa me.”

ÏOANNIS 20:17

U Jisu u ong ha ka, “To wat ktah ïa nga; namar ngam pat leit kiew sha la U Kpa; hynrei, to khie leit sha ki para jong nga, bad to ong ha ki: Ngan sa leit kiew sha U Kpa jong nga, bad U Kpa jong phi, bad U Blei jong nga, bad U Blei jong phi.”

KI KAM 10:30

U Kornilios te u la ong, “Mynta la saw sngi haduh kane ka por, haba nga dang duwai ïa ka jingduwai kaba khyndai baje ha ka ïing jong nga, ha khmih, uwei u briew u la ïeng ha khmat jong nga ha ka jaiñkup baphyrnai,

KI KAM 10:9

Te kum lashai, katba kita ki dang ha lynti, bad ba ki la poi hajan kata ka shnong, u Petros u la leit kiew shalor ïing ban duwai, hamar kaba hynriew baje.

KI KAM 9:40

Hynrei, u Petros, u la pynmih noh shabar ïa ki baroh, bad u la dem khohsiew, bad u la duwai; bad haba u la phai sha kata ka met, u la ong, “Ko Tabitha, to ïeng.” Te ka la khyllie ïa la ki khmat; bad haba ka la ïohi ïa u Petros, ka la khie shong.

Ka Shithi U Paul Sha Ki Nong Rom 8:5

Namar kita kiba long katba kum ka doh ki ïaimut brai ïa kiei kiei ruh ki jong kata ka doh; hynrei, kita kiba long katba kum U Mynsiem ïa kiei kiei ruh ki jong uta U Mynsiem.

EPHESOS 3:14

Namar kane te, nga pyndem ïa la ki khohsiew ha U Kpa,