MATHAÏOS 6:5 - KA BAIBL

⁵ “Haba me duwai ruh, wat long kum ki nongarsap: naba ki ieit ban ïeng kyrpad ha ki synagog bad ha ki dong ki lad, ba kin ïoh pynpaw ha ki briew. Shisha nga ong ha phi, ki la ïoh ïa la ka nong.

Khasi CL Bible (BSI)

⁵ “Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:5 ပူးပေါင်းရင်းမြစ်များ

SALM 5:2

To sngew ïa ka ktien ka jingkyang jong nga, ko Syiem jong nga bad U Blei jong nga: naba ha me nga duwai.

SALM 55:17

Janmiet, bad mynstep, bad shiteng sngi, ngan khñium, bad ngan ud: te un ïohsngew ïa ka ktien jong nga.

PROBERB 15:8

Ka jingkñia u bymman ka long ka jingijli ha U Trai: hynrei, ka jingduwai jong uba beit ka long ka jingsngewbha jong u.

PROBERB 16:5

U briew baroh uba sarong ka dohnud, u long ka jingijli ha U Trai: la ki ïaksoh para kti, un ym lait na ka jingpynshitom.

ISAÏAH 1:15

Te haba phi kner la ki kti, ngan buhrieh la ki khmat na phi: shisha keiñ, haba phi pynlong shibun ki jingduwai, ngan ym sngap: ki kti jong phi ki dap da ka snam.

JEREMAÏAH 29:12

Te phin khot kyrpad ïa nga, bad phin ïoh leit ban duwai ha nga, nga ruh ngan shahshkor ïa phi.

DANIEL 6:10

Te haba u Daniel u la tip ba la soi ïa kata ka jingthoh, u la leit sha la ïing; (te ki jingkhang ïit jong u ki la plie rynghang ha ka pulit jong u shaphang Jerusalem;) bad u la dem la ki khohsiew lai sien shi sngi, bad u la duwai, bad u la ainguh ha khmat U Blei jong u, kumba u la ju leh mynshuwa.

MATHAÏOS 21:22

Bad ïa kiei kiei baroh kat kiba phin pan ha ka jingduwai da kaba ngeit, phin pdiang.”

MATHAÏOS 23:13

“Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.

MATHAÏOS 23:5

Hynrei, ïa ki jingleh jong ki baroh, ki leh khnang ïa ka ban ïohi da ki briew: namar ki pynpyiar ïa la ki philakteri, bad ki pynkhraw ïa ki rmiang ki jaiñ jong ki,

MATHAÏOS 23:6

ki ieit ruh ïa ki jaka ba-donnam tam ha ki jingkhawai, bad ïa ki jingshong bakor tam ha ki synagog,

MATHAÏOS 6:1

“To sumar ban ym leh ïa ka babha jong phi ha khmat ki briew, khnang ba kin khmih ïa phi: lymda kumta, phim don nong ha U Kpa jong phi uba ha bneng.

MATHAÏOS 6:16

“Haba phi shah jingit ruh, wat long kiba 'matsngewsih kum ki nongarsap; naba ki pynkynriang ïa ki khmat jong ki, ba kin pynpaw ha ki briew ba ki shah jingit. Shisha nga ong ha phi, ki la ïoh ïa la ka nong.

MATHAÏOS 6:2

“Namar kata, haba me leh ka jingai isynei, wat put ka ronsing ha shuwa jong me, kumba leh ki nongarsap ha ki synagog bad ha ki lynti shnong, ba kin ïoh burom na ki briew. Shisha nga ong ha phi, ki la ïoh ïa la ka nong.

MATHAÏOS 9:38

namar kata, to kyrpad ïa U Trai ka jingot, ba un phah noh ïa ki nongtrei sha ka jingot jong u.”

MARKOS 11:25

Haba phi da ïeng kyrpad ruh, to map, lada phi bat sngewsih ïano ïano ruh, ba U Kpa jong phi ruh uba ha bneng un map ïa phi ïa ki ryngkang jong phi:

MARKOS 12:38

U la ong te ha ki ha ka jinghikai jong u: “To kiar na kita ki nongthoh, kiba kwah ban ïaid kai ha ki jaiñkup bajynsur, bad ïa ki jingnguh ha ki ïew,

LOUKAS 11:43

Kordit ïa phi ki Pharisi! Naba phi ieit ïa ki jingshong bakor tam ha ki synagog bad ïa ki jingnguh ha ki ïew.

LOUKAS 18:1

Te u la kren ka pharshi ha ki shaphang ba ka dei ïa ki ban ïaiduwai, bad ban ym man thait shuh.

LOUKAS 18:13

Hynrei, uta u nongkhrong, u da ïeng na jngai, um nud wat ban khmied da la ki khmat sha bneng, hynrei, u la ïaithab ïa la ka shadem, u da ong, ‘A U Blei, to isynei ïa nga u bapop!’

LOUKAS 20:47

kiba bam duh ïa ki ïing ki riewkynthei, bad kiba duwai jlan ruh khnang ban tyllep; kine kin ïoh diang ïa ka jingshitom kaba kham khraw.”

LOUKAS 6:24

“Hynrei, kordit ïa phi, ki bariewspah! naba phi la ïoh pdiang la ka jingtngen.

ÏOANNIS 16:24

Haduh mynta, phim pat ju pan ei ei ruh em ha ka kyrteng jong nga; to pan, te phin sa ïoh diang, ba kata ka jingkmen jong phi kan ïoh long kaba dap.

EPHESOS 6:18

da kaba duwai ha la ka sngi da ka jingduwai bad ka jingkyrpad baroh ha U Mynsiem, bad da kaba sumar shaphang kane da ka jingminot bad ka jingkyrpad baroh na ka bynta ki riewkhuid baroh;

1 THESSALONI 5:17

To duwai khlem da pud.

JAKOB 4:6

Hynrei, u ai ïa ka jingaiei ba kham bun: naba kumta la ong: “U Blei u ïaleh pyrshah ïa kiba sngewkhraw, hynrei, ha kiba sngewrit u ai ka jingaiei.”