MATHAÏOS 6:34 - KA BAIBL

³⁴ “Namar kata, wat khuslai na ka bynta kaba lashai, naba kata kaba lashai kan khuslai na ka bynta la ka jong. Ïa ka sngi ka biang la ka jong ka basniew.”

Khasi CL Bible (BSI)

³⁴ Kumta wat khuslai ïa kaba lashai; kan don bun ki jingkhuslai ki jong ka hi. Ym donkam ban kynton halor ki jingjynjar ba kawei pa kawei ka sngi ka wallam.

MATHAÏOS 6:34 ပူးပေါင်းရင်းမြစ်များ

SNGEWSYNEI 3:23

Ki long ki bathymmai man ka step; kaba khraw ka jingïaineh jong me.

MATHAÏOS 6:11

To ai ha ngi mynta ka jingbam jong ngi kaba ha la ka sngi ka sngi.

MATHAÏOS 6:25

“Namar kata, nga ong ha phi, wat khuslai ïa la ka jingim, kaei ba phin bam, lane kaei ba phin dih; lymne ïa ka met jong phi, kaei ba phin kup. Ka jingim kam long kaba kham kor ïa ka jingbam, ka met ruh ïa ka jaiñkup?

MATHAÏOS 6:27

Uno te na phi, haba u da khuslai ruh, uba lah ban pyntam shi pruh ïa la ka rynïeng?

LOUKAS 10:41

Hynrei U Trai u la ïathuh bad u la ong ha ka, “Ko Martha, Martha, pha khuslai, bad pha pynshitom sat ïa lade shaphang bun kiei kiei ruh;

LOUKAS 11:3

Ai ha ngi ha la ka sngi ka sngi ïa ka jingbam jong ngi kaba biang.

LOUKAS 12:11

Te ynda kin ïalam ïa phi ha khmat ki synagog bad ki nongbishar bad ki nongsynshar, wat sngewkhuslai phi, kumno lane kaei ba phin ïasaid-da, lane kaei ba phin ong:

LOUKAS 12:22

Bad u la ong ha ki synran jong u, “Namar kata, nga ong ha phi: Wat khuslai shaphang ka jingim jong phi, kaei ba phin bam, lymne shaphang ka met ruh, kaei ba phin kup.

ÏOANNIS 14:27

Ïa ka jingsuk nga iehnoh ha phi, ïa ka jingsuk ka jong nga, nga ai ha phi, ym kumba kata ka pyrthei ka ai, nga ai ma nga ha phi. Wat khih khuslai na ka dohnud jong phi, lymne wat sheptieng.

ÏOANNIS 16:33

Nga la kren ïa kine kiei kiei ruh ha phi, ba phin ïoh ka jingsuk ha nga; ha kata ka pyrthei phin ïoh ka jynjar, hynrei, to long shlur phi! nga, nga la jop ïa kata ka pyrthei.”

KI KAM 14:22

ki da pynskhem ïa ki mynsiem jong ki synran, da kaba sneng ïa ki ban ïaineh ha kata ka jingngeit, bad ba ka dei ïa ngi ban bsut shapoh ka hima U Blei lyngba shibun ki jynjar.

DEUTERONOMI 33:25

Ki juti jong me kin long u nar bad ka rnong; kumba ki sngi jong me, kumta keiñ kan long ka bor jong me.

PHILIPPI 4:6

Wat khuslai ïa kaei kaei ruh; hynrei, ha kaei kaei baroh da ka jingduwai bad ka jingkyrpad lem bad ka jingainguh, to phin pyntip ïa ki jingpan jong phi sha U Blei.

1 PETROS 5:7

da kaba bred halor jong u ïa ka jingkhuslai jong phi baroh, naba u sumar sukher ma u shaphang jong phi.