MATHAÏOS 6:24 - KA BAIBL

²⁴ “Ym don uba lah ban shakri ar ngut ki kynrad; naba un isih ïa uwei, bad un ieit ïa uwei; lane un bat ïa uwei, bad un lyndet ïa uwei. Phim lah ban shakri ïa U Blei bad ïa ka spah.”

Khasi CL Bible (BSI)

²⁴ “Ym don uba lah ban long u mraw jong ar ngut ki kynrad; un isih ïa uwei bad ieit ïa uwei pat; un long uba kohnguh ïa uwei bad ñiewbeiñ ïa uwei pat. Phim lah ban shakri ïa baroh ar, ïa U Blei bad ïa ka pisa.

MATHAÏOS 6:24 ပူးပေါင်းရင်းမြစ်များ

JENESIS 47:17

Ynda kumta, ki la wallam ïa la ki jingri ha u Joseph: bad u Joseph u la ai ïa u kpu ha ki na ka bynta ki kulai, bad na ka bynta ki kynhun langbrot, bad na ka bynta ki kynhun masi, bad na ka bynta ki kadda de: bad u la bsa ïa ki da ka jingbam na ka bynta ki jingri baroh jong ki ha kata ka snem.

1 SYIEM 18:21

Te haba u Elijah u la wan hajan uta u paidbah baroh, u la ong, “Sa katno pat phin ïeng lyngngoh hapdeng ar ki jingmut? lada U Trai u long U Blei, to bud ïa u: hynrei, lada u Baal, te to bud ïa uta.” U paidbah te um shym jubab ïa u shikyntien ruh.

2 SYIEM 17:41

Kumta, kine ki jaid bynriew ki la sheptieng ïa U Trai, bad ki la shakri ruh ïa ki durblei ba la thaw; ki khun jong ki ruh kumjuh, bad ki khun ki khun jong ki, kumba la leh ki kpa jong ki, kumta hi ki leh haduh kane ka sngi.

ESEKIEL 20:39

Hynrei, ïa phi, ko ka ïing Israel, kumne u ong U Trai U Blei: “To khie, uwei uwei baroh shakri ïa la ki bleithaw, bad lashai lashisngi ruh, lada phim shahshkor ïa nga: hynrei, ïa ka kyrteng jong nga phin ym lehbeiñ sang shuh da ki jingai sngewbha jong phi, bad da ki bleithaw jong phi.

SEPHANAÏAH 1:5

bad ïa kita kiba mane halor ki neng ïing ïa u paidbah ka bneng; bad ïa kita kiba mane, kiba smai ha U Trai bad kiba smai da u Malkam;

MATHAÏOS 4:10

Ynda kumta, U Jisu u la ong ha u, “Khie leit noh, me u Soitan: naba la thoh: “ ‘Men mane ïa U Trai uba U Blei jong me, tang ïa u hi ruh men shakri.’ ”

LOUKAS 16:11

Namar kata, lada phim shym la long kiba lah ban shaniah shaphang ka spah bymhok, uei u ban shaniah ha phi ïa ka spah kaba shisha?

LOUKAS 16:13

Ym don u shakri uba lah ban shakri ar ngut ki kynrad: naba lane un isih ïa uwei, bad un ieit ïa uta uwei pat; lane un bat ïa uwei, bad un lyndet ïa uta uwei pat. Phim lah keiñ ban shakri ïa U Blei bad ïa ka spah.”

LOUKAS 16:9

Nga ong ruh ha phi: To pynlong ïa lade ki lok da ka spah bymhok, ba ynda la poi ka bakut, kin pdiang ïa phi sha kita ki ïing bymjukut.

GALATIA 1:10

Namar hato mynta nga bhoh ïa ki briew, ne ïa U Blei? lane nga wad ïa ka ban pynsngewbha ïa ki briew? lada nga dang pynsngewbha ïa ki briew, ngam shym long u shakri U Khrist.

1 TIMOTHI 6:17

To hukum ïa kita ki bariewspah ha kane ka pyrthei ban ym sngewmeng, lane ban ym kyrmen ha ka jingbymthikna ka spah, hynrei, ha U Blei, u ba ai kyrhai ha ngi ïa kiei kiei baroh ïa ka ban pyndonkam sngewbha ïa ki;

2 TIMOTHI 4:10

namar u Demas u la iehnoh ïa nga, bad u la ieit ïa kane ka pyrthei, bad u la leit noh sha Thessaloni; u Kresen sha Galatia; u Titos sha Dalmatia.

JAKOB 4:4

Phi kiba klim, hato phim tip ba kata ka jingïalok bad ka pyrthei ka long ka jingshun ïa U Blei? namar kata, uno uno ruh uba mon ban long u lok ka pyrthei, u pynlong ïa lade uba shun ïa U Blei keiñ.

JOSHUA 24:15

Bad lada kam idei ïa phi ban shakri ïa U Trai, to jied phi ha kane ka sngi ïano phin shakri; ïa kita kiba ki kpa jong phi ki la shakri kiba la don sha shiliang kata ka Wah, lane ïa kita ki blei ki Amor, kiba phi shong ha ka ri jong ki: hynrei, ma nga bad ka ïing jong nga ngin shakri ïa U Trai.”

1 SAMUEL 7:3

Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”