MATHAÏOS 6:20 - KA BAIBL

²⁰ hynrei, phin kynshew ki spah ïa lade ha bneng, ha kaba kam bam lymne ka khñiang lymne ka sarang, bad sha kaba ki nongtuh kim pynpei lymne kim tuh:

Khasi CL Bible (BSI)

²⁰ Hynrei, to kynshew spah na ka bynta ïa lade ha bneng, ha kaba ki khñiang bad ka sarang kim lah ban pynjot, bad ki nongtuh kim lah ban prong bad tuh.

MATHAÏOS 6:20 ပူးပေါင်းရင်းမြစ်များ

ISAÏAH 33:6

Te kan long ka jingskhem ha ki por jong me, ka jingdap kyrhai ka jingpynim, ka jingstad bad ka jingtip: ka jingsheptieng ïa U Trai ka long ka jingkynshew jong u.

MATHAÏOS 19:21

U Jisu u la ong ha u, “Lada me mon ban long janai, to khie leit noh, die noh ïa kiei kiei ruh kat kiba me don, to ai ruh ha ki baduk, men ïoh ka jingkynshew te ha bneng; to wan bud ruh ïa nga.”

MATHAÏOS 6:19

“Wat kynshew ki spah ïa lade ha ka khyndew, ha kaba bam ka khñiang bad ka sarang, bad sha kaba ki nongtuh ki pynpei, ki tuh ruh:

MARKOS 10:21

U Jisu te haba U la khmih ha u, U la sngewieit ïa u, bad U la ong ha u, “Kawei ka dang duna ïa me: to khie leit, die noh katba me don, ai ruh ha ki baduk, te men ïoh ka jingkynshew ha bneng: te ale, da rah ïa ka diengphna, to bud ruh ïa nga.”

LOUKAS 12:33

To die noh ïa kiei kiei ki jong phi, to ai jingai isynei ruh; to thaw ïa lade ki jingpan ki ban ym man rim, ka jingkynshew keiñ ha ki bneng ka ban ym lut noh, sha kaba u nongtuh um wan hajan, lymne ka khñiang kam pynjot.

LOUKAS 18:22

U Jisu te haba U la ïohsngew ïa kine kiei kiei ruh, U la ong ha u, “Sa kawei me dang duna. To die noh ïa kiei kiei baroh katba me don, to sam ruh ha ki baduk, te men ïoh ka jingkynshew keiñ ha bneng; bad to wan bud ïa nga.”

1 TIMOTHI 6:17

To hukum ïa kita ki bariewspah ha kane ka pyrthei ban ym sngewmeng, lane ban ym kyrmen ha ka jingbymthikna ka spah, hynrei, ha U Blei, u ba ai kyrhai ha ngi ïa kiei kiei baroh ïa ka ban pyndonkam sngewbha ïa ki;

1 TIMOTHI 6:19

kiba kynshew ïa lade ïa ka nongrim babha ïa ka por lawei, khnang ba kin ïoh bat khak ïa kata ka jingim kaba long ka jingim kaba shisha.

HEBRU 10:34

Namar phi la sngewlem bad kita kiba shah ha ki jingkhum, bad phi la ïashah da kaba kmen ïa ka ban lute ïa kita kiei kiei kiba phi don, da kaba tip skhem ba phi hi, phi don ka bynta kaba kham bha, bad kaba neh.

HEBRU 11:26

u da ñiew ïa ka jingkrenbeiñ ïa U Khrist ka spah ba kham khraw ban ïa ki jingkynshew ka Ijipt; namar u la khmih keiñ sha kata ka jingïoh bainong.

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

1 PETROS 1:4

sha ka jingïoh kynti ka bympyut, bad ka bymbit-tngit, bad ka bymsep noh, ïa kaba la ri ha ki bneng khnang ïa phi;

1 PETROS 5:4

Te ynda la pynpaw ïa U Nongaplangbrot Rangbah, phin ïoh pdiang ïa kata ka pansngiat ka burom ka bymsep noh.

JINGPYNPAW 2:9

“ ‘Nga ithuh ïa ka jingshahshitom jong pha, bad ïa ka jingduk jong pha (hynrei, pha long ka bariewspah), bad ïa ka jingkrenbeiñ jong kita kiba ong ba ki long ki Jiw, bad kim long, hynrei, ki long ka synagog jong u Soitan.