MATHAÏOS 6:12 - KA BAIBL

¹² To map ruh ïa ngi ïa ki ryngkang jong ngi, kumba ngi ruh ngi map ïa kiba leh sniew ïa ngi.

Khasi CL Bible (BSI)

¹² To map ïa ngi ïa ki jingpalat kiba ngi la leh, kumba ngi map ïa ki jingpalat kiba kiwei ki la leh ïa ngi.

MATHAÏOS 6:12 ပူးပေါင်းရင်းမြစ်များ

1 SYIEM 8:30

Bad to sngew ïa ka jingkyrpad u shakri jong me, bad ki jong ki briew jong me ki Israel, haba kin duwai sha kane ka jaka: to men sngew ruh ha bneng ka jaka shongneh jong me; bad haba me sngew, to map.

1 SYIEM 8:34

te to sngew ma me ha bneng, bad to map ïa ka pop ki briew jong me ki Israel, bad to wallam pat ïa ki sha ka ri kaba me la ai ha ki kpa jong ki.

1 SYIEM 8:39

te to sngew ma me ha bneng ka jaka shongneh jong me, bad to map, bad to leh, bad to ai ha u briew baroh katba kum ki lynti jong u baroh, uba ka dohnud jong u me tip; (naba me, tang ma me hi keiñ, me tip ïa ka dohnud ki khun bynriew baroh;)

1 SYIEM 8:50

bad to map ïa ki briew jong me kiba la leh pop ïa me, bad ïa ki jingpalat jong ki baroh ha kiba ki la leh palat ïa me; bad to ai kin shem jingisynei ha khmat kita kiba la ring mraw ïa ki, ba kita kin leh isynei ïa ki:

SALM 130:4

Hynrei, ha me don ka jingmap, khnang ban ïoh sheptieng ïa me.

SALM 32:1

Suk uta uba la ïohmap noh ïa ka jingpalat jong u, uba la ïoh tyllep noh lin ïa ka pop jong u.

EKSODOS 34:7

uba bat ka jingisynei ïa ki hajar, uba map ïa ka jingpalat, bad ïa ka jingryngkang, bad ïa ka pop: bad un ym pynksan da lei lei ïa u bymman; uba pynwan ïa ka jingpalat jong ki kpa ha ki khun, bad ha ki khun jong ki khun, haduh ka balai bad ka basaw pateng bynriew.”

ISAÏAH 1:18

“Ale te, to ngin ïasaid nia lem,” ong U Trai: “la ki pop jong phi ki long ki basaw hain hain, kin lieh kat ka ïor; la ki la saw bthuh, kin long kum u 'ñiuh langbrot.

DANIEL 9:19

A Trai, to sngew; A Trai, to map; A Trai, to shahshkor to leh ruh; wat pyntud; na ka bynta ïa lade, A U Blei jong nga, namar ïa ka nongbah jong me bad ïa ki briew jong me la khot da ka kyrteng jong me.”

MATHAÏOS 26:28

naba kane ka long ka snam jong nga, kaba ka jong ka jutang bathymmai, ïa kaba yn sa pynmih noh na ka bynta kiba bun, ïa ka ban map ki pop.

MATHAÏOS 9:2

Ha khmih ruh, ki la ïawallam ha u ïa u bapang ïapshiliang, uba thiah ha ka jingthiah: te haba U Jisu u la ïohi ïa ka jingngeit jong ki, u la ong ha uta u bapang ïapshiliang, “To kyrmen, ko khun; la map noh ïa me ïa ki pop jong me.”

MARKOS 11:25

Haba phi da ïeng kyrpad ruh, to map, lada phi bat sngewsih ïano ïano ruh, ba U Kpa jong phi ruh uba ha bneng un map ïa phi ïa ki ryngkang jong phi:

LOUKAS 11:4

To map ruh ïa ngi ïa ki pop jong ngi; naba ngi hi ruh ngi map ïa baroh kiba leh sniew ïa ngi. To wat ïalam ïa ngi sha ka jingpynshoi ruh, hynrei, sumar ïa ngi na ka basniew.”

LOUKAS 13:4

Lane kita ki khatphra ngut, ha kiba la hap ka ïing phira kaba ha Siloam, kaba la pynïap noh ruh ïa ki, phi mut ba kita ki la long kiba kham pop ban ïa ki briew baroh kiba shong sah ha Jerusalem?

LOUKAS 6:37

“Wat bishar ruh, te yn ym bishar ïa phi; wat pynrem, te yn ym pynrem ïa phi; to map noh, te yn map ïa phi;

KI KAM 13:38

Namar kata, to tip phi, A ki para, ba da une u briew keiñ, ïa kaba map ki pop la ïalap ha phi:

EPHESOS 1:7

ha uba ngi ïoh ka jingsiewspah da ka snam jong u, ka jingmap ïa ki jingpalat jong ngi, katba kum ka jingkynrei ka jingaiei jong u;

EPHESOS 4:32

bad to phin long ruh kiba leh sbun paralok, kiba jemnud, kiba ïamap paralok, kumba U Blei ruh ha U Khrist u la map ïa phi.

KOLOSSAI 3:13

da kaba ïaishah paralok, bad da kaba ïamap paralok, lada uno uno u don ka jingmudui ïano ïano; kumba U Trai u la map ïa phi, kumta ruh, to leh ma phi;