MATHAÏOS 6:1 - KA BAIBL

¹ “To sumar ban ym leh ïa ka babha jong phi ha khmat ki briew, khnang ba kin khmih ïa phi: lymda kumta, phim don nong ha U Kpa jong phi uba ha bneng.

Khasi CL Bible (BSI)

¹ “Da pynthikna ba phin ym leh ïa ki kam niam jong phi ha kaba paw khnang ba ki briew kin ïohi ïa kaei kaba phi leh. Lada phi leh ïa kine kiei kiei ha kaba paw, phin ym ïoh kano kano ka nong na U Kpa jong phi uba ha bneng.

MATHAÏOS 6:1 ပူးပေါင်းရင်းမြစ်များ

2 SYIEM 10:16

Bad u la ong, “To wan bad nga, bad to khmih ïa ka jingshitrhem jong nga na ka bynta U Trai.” Kumta, ki la pynshong ïa u ha ka kali jong u.

2 SYIEM 10:31

Hynrei, u Jehu um shym sumar ban ïaid ha ka hukum U Trai, U Blei ki Israel, da ka dohnud jong u baroh: um shym kynriah noh na ki pop u Jeroboam, da kiba u la pynleh pop ïa ki Israel.

SALM 112:9

U la pynphriang, u la ai ha ki baduk; ka hok jong u ka neh junom: yn pynkyntiew ïa ka reng jong u ha ka burom.

ESEKIEL 33:31

Te ki ïawan ha me kumba wan ki paidbah, bad ki ïashong ha khmat jong me kumba shong ki paidbah jong nga, bad ki shahshkor ruh ïa ki ktien jong me, hynrei, kim leh satia ïa ki: namar da ki shyntur jong ki, ki pyni shibun ka jingieit, hynrei, ka dohnud jong ki ka ïabeh ïa ka jingmyntoi jong ki.

DANIEL 4:27

Namar kata, ko syiem, to pdiang ïa ka jingkyntu jong nga, bad to pynduh noh ïa ki pop jong me da ka jinglehhok, bad ïa ki jingbymhok jong me da kaba leh isynei ïa ki baduk; lehse don ka jingpynslem ïa ka jingsuk jong me.”

SEKHARAÏAH 13:4

“Te kan jia ha kata ka sngi, ba ki nongïathuhlypa kin lehrain uwei uwei baroh ïa la ka jingithuhpaw, haba u ïathuhlypa; lymne kin ym phong ïa ka jaiñkup shñiuh ban shukor;

SEKHARAÏAH 7:5

“To kren ha u paidbah ka ri baroh, bad ha ki lyngdoh, to ong, ‘Mynba phi la shah jingit bad phi la ïam sngewsih ha u bnai u basan bad ha u bahynñiew, kine ki hynñiewphew snem, phi la shah jingit ha nga, ha nga keiñ?

MATHAÏOS 16:27

Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

MATHAÏOS 16:6

U Jisu te u la ong ha ki, “To sumar, to kiar na u thiat ki Pharisi bad ki Saddusi.”

MATHAÏOS 23:13

“Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.

MATHAÏOS 23:5

Hynrei, ïa ki jingleh jong ki baroh, ki leh khnang ïa ka ban ïohi da ki briew: namar ki pynpyiar ïa la ki philakteri, bad ki pynkhraw ïa ki rmiang ki jaiñ jong ki,

MATHAÏOS 25:40

Uta U Syiem te un ïathuh bad un ong ha ki, ‘Shisha nga ong ha phi, ha kaba phi la leh ïa ka ha uwei u barit tam na kine ki para jong nga, phi la leh keiñ ha nga.’

MATHAÏOS 5:16

To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

MATHAÏOS 5:46

Naba, lada phi shu ieit ïa kiba ieit ïa phi, phi ïohnong aïu? Hato ki nongkhrong kim leh kumjuh?

MATHAÏOS 5:48

Namar kata, phin ïalong kiba janai, kumba U Kpa jong phi uba ha bneng u long uba janai.”

MATHAÏOS 6:16

“Haba phi shah jingit ruh, wat long kiba 'matsngewsih kum ki nongarsap; naba ki pynkynriang ïa ki khmat jong ki, ba kin pynpaw ha ki briew ba ki shah jingit. Shisha nga ong ha phi, ki la ïoh ïa la ka nong.

MATHAÏOS 6:9

Namar kata, phin duwai kumne: “Ko Kpa jong ngi uba ha bneng, long bakhuid ka kyrteng jong me.

MARKOS 8:15

Te u la hukum ïa ki, u da ong, “To sumar, to kiar na u thiat ki Pharisi, bad na u thiat u Herod.”

LOUKAS 11:35

Namar kata, to sumar ïoh ba kata ka jingshai kaba ha me ka long ka jingdum!

LOUKAS 12:1

Mynkata haba la ïalum lang bun hajar u paidbah, kat ban ïaïuh paralok hi, U la sdang ban ong ha ki synran jong U nyngkong eh, “To kiar noh phi na u thiat ki Pharisi, uba long ka jingarsap.

LOUKAS 12:15

U la ong ruh ha ki, “To sumar, to kiar ruh na ka jingkwah lalot baroh: namar ka jingim u briew kam shong satia ha ka jingdap kyrhai jong kiei kiei kiba u don.”

LOUKAS 16:15

Te u la ong ïa ki, “Phi long kita kiba pynksan ïa lade ha khmat ki briew, hynrei, U Blei u ithuh ïa ki dohnud jong phi, naba kata ïa kaba la ñiewkor ha ki briew, ka long kaba ijli ha khmat U Blei.

ÏOANNIS 12:43

Naba ki la ïa-ieit ïa ka jingïaroh jong ki briew kham tam ban ïa ka jingïaroh ka jong U Blei.

ÏOANNIS 5:44

Kumno phi lah ban ngeit, phi kiba ïakhmih burom paralok hi, bad phim ïawad ïa kata ka burom kaba na U Blei uba tang ma u hi?

KI KAM 3:12

Haba u Petros te u la ïohi, u la ong ha uta u paidbah, “Ko ki rangbah Israel, balei phi sngewphylla ïa kane? lane balei phi ïakhmih shaiñ ïa ngi, kumba da ka bor lane da ka jingriewblei jong ngi hi, ba ngi la pynïaid ïa une u briew?

GALATIA 6:12

Kat kiba ïakwah ban paw bha habar ha ka doh, kita ki pynbor ban otsher ïa phi, khnang ba yn ym lehbeiñ ïa ki na ka bynta ka diengphna U Khrist.

DEUTERONOMI 24:13

haba kumno kumno ruh, men ai pat ha u ïa kata ka bynda, haba sep ka sngi, ba un ïohthiah ha la ka jaiñkup hi, bad un kyrkhu ïa me: te ïa kane, yn ñiew ka hok ïa me ha khmat U Trai uba U Blei jong me.

HEBRU 11:26

u da ñiew ïa ka jingkrenbeiñ ïa U Khrist ka spah ba kham khraw ban ïa ki jingkynshew ka Ijipt; namar u la khmih keiñ sha kata ka jingïoh bainong.

HEBRU 2:1

Naba kumta, ka dei ïa ngi ban ïakham pynshahshkor ïa kita kiei kiei ruh ïa kiba la ïohsngew, ïoh ba kumno re kumno ngi tuid noh na ki.

HEBRU 6:10

namar U Blei um long u bymhok ba un klet ïa ka jingleh jong phi bad ïa kata ka jingieit kaba phi la ïa-pyni sha ka kyrteng jong u, ha kaba phi la shakri ïa ki riewkhuid, bad ba phi ïaishakri ruh.

2 ÏOANNIS 1:8

To phin ïasumar ïa lade hi, khnang ba phin ym duh noh ïa kita kiei kiei ruh ïa kiba ngi la lah leh minot, hynrei, ba phin pdiang ïa ka nong babiang.