MATHAÏOS 5:8 - KA BAIBL

⁸ “Suk ki bakhuid ha ka dohnud: naba kin ïohi ïa U Blei.

Khasi CL Bible (BSI)

⁸ Suk kiba khuid ha ka dohnud; kin ïohi ïa U Blei!

MATHAÏOS 5:8 ပူးပေါင်းရင်းမြစ်များ

JENESIS 32:30

Bad u Jakob u la khot kyrteng ïa kata ka jaka “ ‘ka Peniel’: naba nga la ïohi ïa U Blei markhmat, bad ïa ka mynsiem jong nga la pyllait im putet.”

2 SAMUEL 22:27

ïa u bakhuid men leh khuid; bad ïa uba mutlop men leh mutlop.

SALM 15:2

Uta uba ïaid beit, bad uba leh hok, bad uba kren ïa kaba shisha ha la ka dohnud.

SALM 18:26

bad u bakhuid men leh khuid; bad u bamutlop ruh men leh mutlop.

SALM 24:4

Uta u bakhuid ki kti, bad u bakhuid ka dohnud; u bym shym la kyntiew ïa la ka mynsiem sha ka jingthala, bad u bym shym la smai shukor.

SALM 51:10

To pynlong ka dohnud ka bathymmai hapoh jong nga, A U Blei: bad to pynthymmai ïa ka mynsiem kaba beit hapoh jong nga.

SALM 51:6

Ha khmih, me kwah ïa ka jingshisha ha kaba shapoh; bad ha ka bynta kaba rieh men pynlong ba ngan tip ïa ka jingstad.

SALM 73:1

Da shisha U Blei u long u babha ïa u Israel, kata ïa ki bakhuid la ka dohnud.

PROBERB 22:11

Uta uba ieit ïa ka jingkhuid ka dohnud, namar ka jingaiei ki rmiang shyntur jong u, u syiem un long u lok jong u.

KI KAM 15:9

te um shym la pynïapher ei ei ruh hapdeng jong ngi bad jong ki, ba u da pynkhuid ïa ki dohnud jong ki da ka jingngeit.

1 KORINTH 13:12

Namar mynta ngi ïohi tang kumba ha ka ïit babyrngut ha ka ba-dum byrngut byrnget; hynrei, hangta markhmat markhmat; mynta nga tip tang katto katne, hynrei, hangta ngan ithuh biang, kumjuh kumba la ithuh biang ruh ïa nga.

2 KORINTH 7:1

Namar kata, haba ngi don kine ki jingkular, ko ki hep, to ngin ïapynkhuid noh ïa lade na ka jingbit-tngit ka doh bad ka mynsiem baroh, da kaba pynjanai ïa ka jingkhuid ha ka jingsheptieng ïa U Blei.

TITOS 1:15

Kiei kiei baroh ki long khuid ha kita ki bakhuid: hynrei, ha kita ïa kiba la pyntngit bad ki bymngeit, kaei kaei ruh em kam long khuid; hynrei, la pyntngit ïa ka jingmut bad ïa ka jingïatiplem jong ki.

HEBRU 10:22

to ngin ïawan hajan da ka dohnud bashisha ha ka jingsngewskhem bha ka jingngeit, ba la synreit ïa ki dohnud jong ngi na ka jingïatiplem basniew, bad ba la sait ïa ki met jong ngi da ka um bakhuid:

HEBRU 12:14

To beh brai ïa ka jinglong suk bad ki briew baroh, bad ïa ka jingpynkhuid, khlem kata, uno uno ruh un ym ïohi ïa U Trai:

HEBRU 9:14

da katno tam ka snam U Khrist, uba da U Mynsiem bymjukut u la ainguh ïa lade ba khlem jingduna ha U Blei, kan pynkhuid ïa ka jingïatiplem jong phi na ki jingleh baïap, ïa ka ban shakri ïa U Blei ba-im?

JAKOB 3:17

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

JAKOB 4:8

To wan hajan ïa U Blei, te un wan hajan ïa phi. To thet noh ïa la ki kti, ko phi ki bapop, bad to pynkhuid noh ïa la ki dohnud, ko phi kiba synrop mynsiem.

1 PETROS 1:22

Haba phi la pynkhuid ïa ki mynsiem jong phi ha kaba kohnguh ïa ka jingshisha da U Mynsiem, ïa ka ban ïa-ieit parabangeit khlem arsap, to phin da ïa-ieit shitrhem paralok hi naduh ka dohnud:

JINGPYNPAW 22:4

bad kin ïohi ïa ka khmat jong u; bad ka kyrteng jong u kan long halor ki shyllangmat jong ki.