MATHAÏOS 5:7 - KA BAIBL

⁷ “Suk ki ba-isynei: naba yn isynei ïa ki.

Khasi CL Bible (BSI)

⁷ Suk kito kiba isynei ïa kiwei pat; U Blei un isynei ïa ki!

MATHAÏOS 5:7 ပူးပေါင်းရင်းမြစ်များ

2 SAMUEL 17:28

ki la ïawallam ki jingthiah, bad ki khuri, bad ki khiew khyndew, bad u Kew, bad u Kew Barli, bad u moida, bad u khaw shira, bad ki bin, bad u dai, bad u pyrthiew,

2 SAMUEL 22:26

“Ïa uba isynei men leh isynei, ïa u briew u bajanai men leh janai;

SALM 112:4

Ha u bahok ka mih ka jingshai ha ka ba-dum: u long uba aiei, bad uba dap ka jingisynei, bad u bahok.

SALM 112:9

U la pynphriang, u la ai ha ki baduk; ka hok jong u ka neh junom: yn pynkyntiew ïa ka reng jong u ha ka burom.

SALM 18:25

Bad uba isynei men leh isynei; bad u briew u bajanai men leh janai;

SALM 37:26

Baroh shi sngi u leh isynei, bad u ai kylliang; te ïa u symbai jong u la kyrkhu.

PROBERB 11:17

U briew uba isynei u leh bha ïa la ka jong ka mynsiem: hynrei, uta uba dom u pynshitom ïa la ka jong ka doh.

PROBERB 11:25

Ïa ka mynsiem kaba kylluid yn pynsngaid: bad uta uba ai um, ïa u hi ruh yn ai um.

PROBERB 14:21

Uta uba ñiewbeiñ ïa la u paramarjan u leh pop: hynrei, uba isynei ïa u baduk, suk uta keiñ.

PROBERB 19:17

Uta uba isynei ïa u baduk u ai kylliang ha U Trai, bad ïa ka kam babha jong u un sa siew pat ïa u.

ISAÏAH 57:1

Ki bahok ki duh noh, te ym don ba buh ha la ka dohnud; bad ïa ki briew ba-isynei la shim noh, te ym don uba pyrkhat ba la shim noh ïa u bahok na ka jingsniew ka ban sa wan.

DANIEL 4:27

Namar kata, ko syiem, to pdiang ïa ka jingkyntu jong nga, bad to pynduh noh ïa ki pop jong me da ka jinglehhok, bad ïa ki jingbymhok jong me da kaba leh isynei ïa ki baduk; lehse don ka jingpynslem ïa ka jingsuk jong me.”

HOSIA 1:6

Ka la pun pat ruh, bad ka la kha ka khun. Te U Trai u la ong ha u, “Khot kyrteng ïa ka, ‘Lo-ruhamah’: namar ngan ym isynei shuh ïa ka ïing Israel ba ngan dang map ïa ki.

HOSIA 2:1

“To ong ha la ki para shynrang, ‘Ammi’; bad ha la ki para kynthei, ‘Ruhamah’.

HOSIA 2:23

Bad ngan bet ïa ka ha nga ha ka khyndew; te ngan isynei ïa ka bym shym la ïoh jingisynei; ngan ong ruh ha kita ki bym shym la long u paidlang jong nga, ‘Me long u paidlang jong nga;’ ki te kin ong, ‘Me long U Blei jong nga.’ ”

MIKAH 6:8

U la pyni ha me, ko briew, kaei ka babha; te U Trai u wad aïu na me, hynrei, tang ban leh hok, bad ban ieit ïa ka jingisynei, bad ban ïaid leh rit bad U Blei jong me?

MARKOS 11:25

Haba phi da ïeng kyrpad ruh, to map, lada phi bat sngewsih ïano ïano ruh, ba U Kpa jong phi ruh uba ha bneng un map ïa phi ïa ki ryngkang jong phi:

LOUKAS 6:35

Hynrei, to ieit ïa ki nongshun jong phi, to leh bha ruh, bad to ai kylliang, khlem da duh jingkyrmen satia; te ka nong jong phi kan long kaba khraw, bad phin long ki khun U Bahakhlieh Tam Eh; naba U long uba sbun ïa ki bymnguh bad ïa ki bymman.

Ka Shithi U Paul Sha Ki Nong Rom 11:30

Namar kumba ma phi ruh mynno mynno ruh phi la ju long ki bymkohnguh ïa U Blei, hynrei, mynta, phi la ïoh ka jingisynei da kata ka jingbymkohnguh jong ki;

1 KORINTH 7:25

Shaphang ki theisotti ngam don ka hukum na U Trai; hynrei, nga pyni ïa la ka jingkut jingmut, kum uba la ïoh isynei na U Trai ïa ka ban long uba dei ban shaniah.

2 KORINTH 4:1

Naba kumta, ba ngi don kane ka jingshakri 'tien Blei kat kumba ngi la ïoh isynei, ngim man thait shuh;

EPHESOS 4:32

bad to phin long ruh kiba leh sbun paralok, kiba jemnud, kiba ïamap paralok, kumba U Blei ruh ha U Khrist u la map ïa phi.

KOLOSSAI 3:12

Namar kata, kum kiba la jied, ki bakhuid bad ba-ieit eh jong U Blei, to phin ïakup ïa ka dohnud ka jingsngewsynei, ka jingsbun, ka jingsngewrit, ka jingjemnud, ka jingïaishah-slem;

1 TIMOTHI 1:13

la nga la long mynshuwa uba krenbeiñ, bad uba behbeiñ, bad uba pynsniew: hynrei, la leh isynei ïa nga, naba nga la leh da ka jingbymtip ha ka jingbymngeit keiñ,

1 TIMOTHI 1:16

La kumta ruh, na ka bynta kane nga la ïoh ka jingisynei, ba ha nga uba kongsan, U Jisu Khrist un ïoh pyni shynna ïa ka jingshahslem jong u baroh, ïa ka ban long ka rukom ïa kita ki ban sa ngeit hadien ha u sha ka jingim bymjukut.

HEBRU 4:16

Namar kata te, to ngin ïawan hajan da ka jingshlur ha ka khet ka jingaiei, ba ngin ïoh pdiang ka jingisynei, bad ba ngin ïoh shem ka jingaiei ïa ka ban ïarap ïa ngi ha ka por ba-donkam.

HEBRU 6:10

namar U Blei um long u bymhok ba un klet ïa ka jingleh jong phi bad ïa kata ka jingieit kaba phi la ïa-pyni sha ka kyrteng jong u, ha kaba phi la shakri ïa ki riewkhuid, bad ba phi ïaishakri ruh.

JAKOB 2:13

Namar ka jingpynrem ba khlem leh isynei kan long ha uta u bym ju la leh isynei; hynrei, ka jingisynei ka leh risa halor ka jingbishar.

JAKOB 3:17

Hynrei, kata ka jingstad kaba na jrong ka long nyngkong ka bakhuid, ynda kumta, kaba suk, kaba shah jemnud, kaba ngeit eh, kaba dap da ka jingisynei bad da ki soh babha, kaba khlem ñiew shiliang khmat, bad kaba khlem arsap.

1 PETROS 2:10

kiba mynno mynno ruh kim long u paidlang, hynrei, mynta, ki long keiñ u paidlang U Blei: ïa kiba ym shym la isynei, hynrei, mynta, la isynei ïa ki.