MATHAÏOS 5:6 - KA BAIBL

⁶ “Suk ki bathngan bad ki basliang ïa ka hok: naba yn pyndap ïa ki.

Khasi CL Bible (BSI)

⁶ Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

MATHAÏOS 5:6 ပူးပေါင်းရင်းမြစ်များ

SALM 107:9

Naba u pynkdang ïa ka mynsiem ka bathrang, bad ïa ka mynsiem ka bathngan u pyndap da ka babha.

SALM 145:19

Un pyndap ïa ka jingkwah jong kiba sheptieng ïa u; un sngew ïa ka jinglynñiar jong ki ruh, bad un pynim ïa ki.

SALM 17:15

Nga te, ngan ïoh khmih ïa ka khmat jong me ha ka hok: yn pynhun ïa nga, ynda nga la peit, da ka dur jong me.

SALM 63:5

Ïa ka mynsiem jong nga yn pynkdang kum da ka khleiñ shyieng bad ka khleiñ; bad ka shyntur jong nga kan ïaroh ïa me da ki rmiang shyntur kiba kmen;

SALM 65:4

Suk uta u briew ïa uba me jied, bad uba me pynjan ha me, ba un ïoh shong ha ki phyllaw jong me: yn pynkdang ïa ngi da ka jingbha ka ïing jong me, ka jaka ka bakhuid ka templ jong me.

SALM 84:2

Ka mynsiem jong nga ka sngewkynmaw, ho-oid, ka thrang ïa ki phyllaw jong U Trai; ka dohnud jong nga bad ka doh jong nga ki ïakyang ïa U Blei u ba-im.

PROBERB 10:24

Ka jingsheptieng jong u bymman, kan wan ngat ha u: bad ïa ka jingkwah jong u bahok, yn ai.

PROBERB 21:21

Uta uba beh ïa ka hok bad ka jingisynei u shem ïa ka jingim, ïa ka hok, bad ka burom.

JINGRWAI SOLOMON 5:1

Nga la wan ha la ka kper, ko ka para jong nga, ko ka nongteh kurim jong nga: nga la lum ïa ka mirr lem bad ka musla jong nga; nga la bam ïa ka rewngap bad ka ngap jong nga; nga la dih ïa ka Waiñ bad ka dud jong nga. To bam, ko lok; to dih, to dih pahuh keiñ, ko ba-ieit jong nga.

ISAÏAH 25:6

Te ha une u lum, U Trai ki paid un pynlong ka jingkhawai ïa ki paidlang baroh da kiei kiei ki basngaid, ka jingkhawai Waiñ ba la buh slem, da kiei kiei ki basngaid kiba dap da ka khleiñ shyieng, da ki Waiñ ba la buh slem ba la pynkhuid bha.

ISAÏAH 41:17

Ki baduk bad ki bakyrduh ki wad um te ym don, bad u thylliej jong ki u tyrkhong da ka jingsliang; nga U Trai ngan shahshkor ïa ki, nga U Blei ki Israel ngan ym iehnoh ïa ki.

ISAÏAH 44:3

Naba ngan theh um ha uta u basliang, bad ki wah duid ha ka khyndew barkhiang: ngan theh ïa la U Mynsiem halor u symbai jong me, bad ïa la ka jingkyrkhu halor ki khun ki ksiew jong me:

ISAÏAH 65:13

Namar kata, kumne u ong U Trai U Blei, “Ha khmih, ki shakri jong nga kin ïoh bam, hynrei, phi phin thngan: ha khmih, ki shakri jong nga kin ïoh dih, hynrei, phi phin sliang: ha khmih, ki shakri jong nga kin ïashadkmen, hynrei, phi phin lehrain:

ISAÏAH 66:11

ba phin ïoh buiñ bad phin sngewkdang da ki jymbuiñ ki jingpyntngen jong ka; ba phin ïoh pynmih buiñ, bad ba yn pynsngewbha ïa phi da ka jingdap kyrhai ka burom jong ka.”

JEREMAÏAH 31:25

Naba nga la pynhun ïa ka mynsiem bathait, bad nga la pyndap ïa ka mynsiem baroh kaba khuslai.”

LOUKAS 1:53

ïa ki bathngan U pyndap da kiei kiei ki babha; ïa ki bariewspah te U phah noh suda.

LOUKAS 6:21

“Suk ma phi kiba shah thngan mynta; naba yn pynkdang ïa phi. Suk ma phi kiba ïam mynta; naba phin rkhie.

LOUKAS 6:25

“Kordit ïa phi, kiba la dap mynta! naba phin thngan. Kordit ïa phi, kiba rkhie mynta! naba phin sngewsih bad phin ïam de.

ÏOANNIS 4:14

hynrei, uno uno ruh u ban dih na kata ka um, ïa kaba nga ngan ai ha u, un ym sliang lano lano ruh; hynrei, kata ka um, ïa kaba ngan ai ha u, kan long ha u ka pukri ka um kaba kyrsoi sha ka jingim bymjukut.”

ÏOANNIS 6:27

Wat trei minot ban ïoh ïa kata ka jingbam ka ban jot noh, hynrei, ïa kata ka jingbam kaba ïaisah sha ka jingim bymjukut, ïa kaba U Khun u briew un ai ha phi: namar ïa une, uta U Kpa, U Blei hi, u la pynskhem.”

ÏOANNIS 7:37

Te ha ka sngi ka bakhatduh, ka sngi ka bakhraw jong Ka Jingkhawai Niam, U Jisu u la ïeng bad u la pyrta, u da ong, “Lada uno uno ruh u sngew-sliang, ai ba un wan ha nga ba un dih ruh;

JINGPYNPAW 7:16

Kin ym thngan shuh, lymne sliang shuh, lymne ka sngi kan ym ïoh shoh ha ki, lymne kano kano ka jingshit;