MATHAÏOS 5:5 - KA BAIBL

⁵ “Suk ki bajemnud: naba kin ïaïoh ïa ka khyndew.

Khasi CL Bible (BSI)

⁵ Suk kito kiba sngewrit; kin ïohpdiang ïa kaei kaba U Blei u la kular!

MATHAÏOS 5:5 ပူးပေါင်းရင်းမြစ်များ

SALM 147:6

U Trai u kyrshan ïa ki bajemnud: u pynpoh ïa ki bymman haduh khyndew.

SALM 149:4

Naba U Trai u ieit sngewbha ïa la ki briew: un pynitynnad ïa kiba lui lui da ka jingpynim.

SALM 22:26

Kiba lui lui kin bam bad kin kdang: kita kin ïaroh ïa U Trai kiba wad ïa u: to ai ba ka dohnud jong phi kan im junom.

SALM 25:13

Ka mynsiem jong u kan ïoh shong ha kaba suk; bad u symbai jong u un ïoh kynti ïa ka ri.

SALM 25:9

Ïa uba jemnud un ïalam ha ka jingbishar: bad ïa la ka lynti un hikai ha uba jemnud.

SALM 37:11

Hynrei, kiba lui lui kin ïoh kynti ïa ka ri; bad kin pynsngewbha ïa lade ha ka jingkyrhai ka jingsuk.

SALM 37:22

Namar kat kiba u kyrkhu kin ïoh kynti ïa ka ri; bad ïa kita kiba u tim yn pynïap noh.

SALM 37:29

Ki bahok kin ïoh kynti ïa ka ri, bad kin shong ha ka ha la ka rta.

SALM 37:34

To ap ïa U Trai, bad to sumar ïa ka lynti jong U, te un kyntiew ïa me ban ïoh kynti ïa ka ri: haba la ot noh ïa u bymman, men ïohi ïa kata.

SALM 37:9

Naba ïa ki nongleh sniew yn ot noh: hynrei, kita kiba ap ïa U Trai kin ïoh kynti ïa ka ri.

SALM 69:32

Ki bajemnud ki la ïohi ïa ka, bad ki sngewkmen: phi kiba wad ïa U Blei, to kan im ka dohnud jong phi.

ISAÏAH 11:4

hynrei, da ka hok un bishar ïa ki baduk, bad un sneng da ka jingleh beit ïa ki bajemnud jong ka khyndew: te un shoh ïa ka pyrthei da u diengduh ka shyntur jong u, bad da ka jingpyrsad ki rmiang shyntur jong u un pynïap ïa ki bymman.

ISAÏAH 29:19

Ki bajemnud ruh kin pynroi ïa la ka jingkmen ha U Trai, bad ki baduk hapdeng ki briew kin ïashadkmen ha uta U Bakhuid jong ki Israel.

ISAÏAH 60:21

Ki briew jong pha ruh kin long ki bahok baroh; kin ïoh kynti ïa ka ri junom, ka tnat ka jingthung jong nga, ka kam ki kti jong nga, ba yn pyndonburom ïa nga.

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

SEPHANAÏAH 2:3

To wad ïa U Trai, phi baroh kiba lui lui jong ka khyndew, kiba la leh ïa ka jingbishar jong u; to wad ïa ka hok, wad ïa ka jinglui lui: lehse yn buhrieh ïa phi ha kata ka sngi ka jingbitar U Trai.

JINGKHEIÑ 12:3

Hynrei, uta u briew, u Moses, u la long uba jemnud tam na ki briew baroh kiba ha khmat ka pyrthei.

MATHAÏOS 11:29

To shim ïa ka lyngkor jong nga ha phi, to hikai ruh na nga; naba nga uba lui lui bad u barit ruh ha ka dohnud: te phin shem kaba jahthait ha ki mynsiem jong phi.

MATHAÏOS 21:5

“Ïathuh ha ka khun ka Seïon, ‘Ha khmih, U Syiem jong pha u wan ha pha, uba jemnud bad uba shong halor ka kadda, halor u khun ka kadda kaba la ju mlien bad ka lyngkor ruh.’ ”

Ka Shithi U Paul Sha Ki Nong Rom 4:13

Namar ym da ka hukum la jia kata ka jingkular ha u Abraham, ne ha u symbai jong u, ba un ïoh long ma u, u trai ka pyrthei; hynrei, da ka hok ka jingngeit.

GALATIA 5:23

ban ïaleh pyrshah ïa kiba kum kita, ym don ka hukum.

EPHESOS 4:2

da ka jingsngewrit bad da ka jingjemnud baroh, da ka jingïaishah-slem, da kaba ïaishah paralok hi ha ka jingïa-ieit;

KOLOSSAI 3:12

Namar kata, kum kiba la jied, ki bakhuid bad ba-ieit eh jong U Blei, to phin ïakup ïa ka dohnud ka jingsngewsynei, ka jingsbun, ka jingsngewrit, ka jingjemnud, ka jingïaishah-slem;

1 TIMOTHI 6:11

Hynrei, ma me, A u briew u jong U Blei, to phet ïap noh na kine kiei kiei ruh; bad to beh brai ïa ka hok, ïa ka jingriewblei, ïa ka jingngeit, ïa ka jingieit, ïa ka jingïaishah, ïa ka jingjemnud.

2 TIMOTHI 2:25

ha ka jingjemnud uba sneng ïa kita kiba ïaleh pyrshah; ba lehse U Blei un ai ha ki ka jingkylla-ka-bamut ïa ka ban ithuh ïa ka jingshisha;

TITOS 3:2

ban ym kren sniew ïano ïano ruh, ban ym long kiba ïania, hynrei, kiba ïaishah da kaba pyni ka jingjemnud baroh sha ki briew baroh.

JAKOB 1:21

Naba kumta, haba la buh noh bad ïa ka jingtngit baroh, bad ïa ka jingshlei ka jingbishni, to phin pdiang da ka jingjemnud ïa kata ka ktien ba la thung, kaba lah keiñ ban pynim ïa ki mynsiem jong phi.

JAKOB 3:13

Uei u bastad bad u bashemphang hapdeng jong phi? to un da pynpaw da ka jinglong babha jong u ïa kita ki jingleh jong u da ka jingjemnud ka jingstad.

1 PETROS 3:15

hynrei, to pyndonburom ïa U Khrist kum U Trai ha ki dohnud jong phi. Bad to long kiba kloi ha la ka sngi ïa ka ban ai jubab ha uwei pa uwei baroh uba pan na phi ïa ka jingpyni nia shaphang kata ka jingkyrmen kaba ha phi, hynrei, da ka jingjemnud bad ka jingtieng burom;

1 PETROS 3:4

hynrei, to ai ba kan long uta u briew ba la rieh jong ka dohnud, ha ka jingpynibha ka bymsep ka jong ka mynsiem bajemnud bad ba jar jar, kaba long ha khmat U Blei ka bakordor eh.