MATHAÏOS 5:48 - KA BAIBL

⁴⁸ Namar kata, phin ïalong kiba janai, kumba U Kpa jong phi uba ha bneng u long uba janai.”

Khasi CL Bible (BSI)

⁴⁸ Phi dei ban long kiba janai — kumba U Kpa jong phi uba ha bneng u long uba janai!

MATHAÏOS 5:48 ပူးပေါင်းရင်းမြစ်များ

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

2 SAMUEL 22:31

U Blei uba janai la ka lynti; ïa ka ktien jong U Trai la pynphrang; u long ka stieh ha kita baroh kiba shaniah ha u.

SALM 37:37

To khmih thuh ïa u bajanai, bad to khmih ïa uba beit: naba ka bakut jong uta u briew long ka jingsuk.

LEBITIKOS 11:44

Naba nga long U Trai U Blei jong phi: namar kata, to pynkyntang ïa lade, bad phin long ki bakhuid; naba nga long u bakhuid: bad wat pyntngit ïa lade da kaei kaei bapar halor ka khyndew.

LEBITIKOS 19:2

“To kren ha u paidlang ki khun Israel baroh, bad to ong ha ki, ‘To long ki bakhuid; naba nga u bakhuid, U Trai U Blei jong phi hi.

LEBITIKOS 20:26

Phin long ki bakhuid ïa nga: naba ma nga U Trai nga long u bakhuid, bad nga la pynkyrpang ïa phi na ki jaid bynriew, ïa ka ban long ki jong nga hi.”

MATHAÏOS 5:16

To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

MATHAÏOS 5:45

ba phin ïoh long ki khun U Kpa jong phi uba ha bneng: naba u pynmih ïa ka sngi jong u ha ki basniew bad ha ki babha, u phah ruh ïa u slap ha ki bahok bad ha ki bymhok.

MATHAÏOS 5:47

Lada phi nguh ruh tang ïa ki kur jong phi, phi leh kaba kham kor aïu? hato ki nongkhrong kim leh kumjuh?

LOUKAS 6:36

To long phi kiba isynei, kumba U Kpa jong phi ruh U long uba isynei.”

LOUKAS 6:40

U synran um long halor u nonghikai jong u; hynrei, ynda la hikai bha ïa u, un long kum u nonghikai jong u.

2 KORINTH 13:11

Ha kaba wai noh, ko parabangeit, khublei ïa phi. To phin long ïa kiba la pynjanai noh, to phin long ïa kiba la pyntngen, to phin ïamut ïa kajuh, to phin ïashong suk noh; te U Blei ka jingieit bad ka jingsuk un long ryngkat bad phi.

2 KORINTH 13:9

Namar ngi sngewkmen haba ngi long tlot ma ngi, bad phi phin long kiba khlaiñ: te ïa kane ngi duwai ruh, ka jingpynjanai ïa phi keiñ.

2 KORINTH 7:1

Namar kata, haba ngi don kine ki jingkular, ko ki hep, to ngin ïapynkhuid noh ïa lade na ka jingbit-tngit ka doh bad ka mynsiem baroh, da kaba pynjanai ïa ka jingkhuid ha ka jingsheptieng ïa U Blei.

EPHESOS 3:1

Namar kane ka daw, nga, u Paul, u nongsah byndi U Khrist Jisu na ka bynta jong phi ki Jentil,

DEUTERONOMI 18:13

To men long uba janai bad U Trai uba U Blei jong me.

DEUTERONOMI 27:10

To men kohnguh, namar kata, ïa ka ktien U Trai uba U Blei jong me, to men leh ruh ïa ki hukum jong u bad ïa ki aiñ jong u, kiba nga hukum ïa me ha kane ka sngi.”

KOLOSSAI 1:28

ïa uba ngi ïalap, da kaba sneng ïa u briew baroh bad da kaba hikai ïa u briew baroh ha ka jingstad baroh, ba ngin ïoh pynïeng ïa u briew baroh uba janai ha U Khrist Jisu;

KOLOSSAI 4:12

U Epaphras, uba long uwei na phi, u shakri U Khrist Jisu, u ai khublei ïa phi, u da ïaleh ha la ka sngi na ka bynta jong phi ha ki jingduwai jong u, ba phin ïoh ïeng janai bad ba la pynskhem bha ha ka mon U Blei baroh.

JAKOB 1:4

Hynrei, kane ka jingïaishah, to ai kan ïoh ïa la ka jingtrei bajanai, ba phin ïoh long kiba janai bad kiba tylli biang, ki bymduna ha kaei kaei ruh.

1 ÏOANNIS 3:3

Te uwei pa uwei baroh uba don kane ka jingkyrmen ha u, u pynkhuid ïa lade, kat kumba ma u, u long u bakhuid.