MATHAÏOS 5:44 - KA BAIBL

⁴⁴ Hynrei, nga ong ha phi, to ieit ïa ki nongshun jong phi, bad to kyrkhu ïa kiba tim ïa phi, to leh bha ïa kiba shun ïa phi, to duwai ruh na ka bynta kiba leh sniew ïa phi, bad lehbeiñ ruh ïa phi;

Khasi CL Bible (BSI)

⁴⁴ Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

MATHAÏOS 5:44 ပူးပေါင်းရင်းမြစ်များ

2 SYIEM 6:22

U te u la ïathuh, “Men ym pom ïa ki: men pom ne em ïa kita ïa kiba me la ring mraw da la ka waitlam bad da la ka ryntieh? to buh kpu bad um ha khmat jong ki, ba kin ïabam ïadih, bad ïaleit sha la u kynrad.”

SALM 7:4

lada nga la siew kylliang da ka basniew ïa uta uba ïasuk bad nga; (shisha, nga la pyllait ïa uta uba la long u nongïaleh ïa nga khlem daw:)

PROBERB 19:11

Ka jingsian u briew ka pynlong ïa u, uba tud ban bitar; bad ka long ka burom jong u ban jam palat ïa ka jingryngkang.

LOUKAS 23:34

Te U Jisu u la ong, “Ko Kpa, to map ïa ki; naba kim tip kaei ba ki leh.” Haba ki la ïabynta ïa ki jaiñkup jong U, te ki la ïakhalai.

ÏOANNIS 13:34

Ka hukum bathymmai nga ai ha phi, ba phin ïa-ieit paralok hi; kumba nga la ieit ïa phi, ba phi ruh phin ïa-ieit paralok hi.

KI KAM 16:28

Hynrei, u Paul u la pyrta noh da ka ktien bajam, u da ong, “Wat pynmynsaw ïa lade, naba ngi don hangne baroh!”

KI KAM 7:60

Te u la dem la ki khohsiew, bad u la pyrta da ka ktien bajam, “A Trai, wat thew ha ki ïa kane ka pop.” Te ynda u la lah ong ïa kane, u la ïohthiah noh.

Ka Shithi U Paul Sha Ki Nong Rom 12:14

To kyrkhu ïa kita kiba lehbeiñ ïa phi; to phin kyrkhu keiñ, bad wat tim phi.

1 THESSALONI 5:15

To khmih ba uno uno ruh un ym leh kylliang ïa ka basniew namar ka basniew hano hano ruh; hynrei, ha la ka sngi keiñ to ïabeh brai ïa kata ka babha, sha la ki paralok hi, bad sha ki briew baroh.

1 PETROS 2:23

uba, haba la krenbeiñ ïa u, um ju krenbeiñ kylliang; haba u shah shitom, um ju byrngem; hynrei, u la ju aiti noh ha uta uba bishar hok:

1 PETROS 3:9

ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu.

1 SAMUEL 24:17

Bad u la ong ruh ha u Dabid, “Me kham hok ma me ban ïa nga: naba ma me, me la ai ïa nga da ka babha, nga te nga ai ïa me da ka basniew.