MATHAÏOS 5:39 - KA BAIBL

³⁹ hynrei, nga ong ha phi, wat ïeng ïaleh markylliang ïa u basniew: hynrei, mano mano ruh uba thab ïa me ha ka ngab kamon jong me, to pynphai sha u ïa kawei pat ruh.

Khasi CL Bible (BSI)

³⁹ Hynrei mynta nga ong ha phi: wat pynhiarkput ïa uno uno uba leh sniew ïa phi. Lada uno uno u thab ïa phi na ka ngab kamon, ai ba un thab ïa ka ngab kadiang jong phi ruh.

MATHAÏOS 5:39 ပူးပေါင်းရင်းမြစ်များ

1 SYIEM 22:24

Ynda kumta, u Sedekaïah u khun u Khenaanah u la wan hajan, bad u la thab ïa u Mikaïah ha ka ngab, bad u la ong, “Da kano ka lad U Mynsiem U Trai u la mih na nga ban wan kren ha me?”

Ka Kitab U Job 16:10

Ki la ang ïa la ka shyntur ha nga; ki la shohbeiñ ïa nga na ka ngab: ki ïalum lang pyrshah ïa nga.

PROBERB 20:22

Wat ong ma me, “Ngan siew kylliang ïa ka basniew:” to ap khmih ïa U Trai, te un pynim ïa me.

PROBERB 24:29

Wat ju ong, “Ngan leh ha u kumba u la leh ha nga; ngan ai ha uta u briew katba kum ka kam jong u.”

ISAÏAH 50:6

Nga la pynshah la ka ingdong ha ki nongsympat, bad la ki ngab ha kiba phut ïa u shñiuh: ngam shym la buhrieh la ka khmat na ka jinglehrain bad ka jingbynthiew.

SNGEWSYNEI 3:30

To un ai la ka ngab ha uta u ban thab ïa u; to yn pyndap bha ïa u da ka jingkrenbeiñ.

LEBITIKOS 19:18

Men ym pynhiar kput, lymne bat nud pyrshah ïa la ki khun u paidlang jong me, hynrei, men ieit ïa la u paramarjan kumba ïa lade: Nga long U Trai keiñ.

MIKAH 5:1

Mynta to ïalum paid ïa lade, ko ka khun ki paid: u la ap thap pyrshah ïa ngi: kin shoh ïa u nongbishar ki Israel da u diengduh ha ka ngab.

MATHAÏOS 5:40

Uba imon ruh ban tian bishar ïa me, bad ban shim noh ïa ka sopti jong me, to iehnoh ha u ïa ka jaiñkup jong me ruh.

LOUKAS 22:64

Haba ki la lah ïatap matlah ruh ïa u, ki la shoh ïa u na ka khmat, bad ki la kylli ïa u, ki da ong, “To ïathuh, uei uba la shoh ïa me?”

LOUKAS 6:7

Te ki nongthoh bad ki Pharisi ki la ïa-ap thap ïa U, la un pynkhiah ne em ha ka Sabbaton, ba kin ïoh mudui ïa U.

ÏOANNIS 18:23

U Jisu u la ïathuh ha u, “Lada nga la kren bymdei, to pyni shaphang kata ka bymdei; hynrei, lada dei, balei me thap ïa nga?”

1 KORINTH 6:7

Te mynta hi ruh, phi la duna naduh haduh, ha kaba phi don ka jingtian bishar parabangeit hi. Hato balei phim kham ïamon ban shah bymdei? Hato balei phim kham ïashah ban leh klop ïa phi?

1 THESSALONI 5:15

To khmih ba uno uno ruh un ym leh kylliang ïa ka basniew namar ka basniew hano hano ruh; hynrei, ha la ka sngi keiñ to ïabeh brai ïa kata ka babha, sha la ki paralok hi, bad sha ki briew baroh.

HEBRU 12:4

Phim pat ïaleh pyrshah ha ban da mihsnam, da kaba ïa-pyneh pyrshah bad ka pop:

JAKOB 5:6

Phi la pynrem noh, phi la pynïap noh ïa uta u bahok; te um ïeng ïaleh pyrshah ïa phi.

1 PETROS 3:9

ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu.