MATHAÏOS 5:37 - KA BAIBL

³⁷ Hynrei, ka ktien jong phi to ai ba kan long kaba, ‘Ho-oid, Ho-oid’; kaba, ‘Em, Em’: naba, kaba tam na kita ka long na ka basniew.”

Khasi CL Bible (BSI)

³⁷ Shu ong ‘Ho-oid’ lane ‘Em’ — kano kano kawei pat kaba phi ong ka wan na Uta uba Sniew.

MATHAÏOS 5:37 ပူးပေါင်းရင်းမြစ်များ

MATHAÏOS 13:19

Haba uno uno ruh u ïohsngew ïa ka ktien ka hima bad um sngewthuh ïa ka, u bymman u wan bad u rong noh ïa kata ïa kaba la bet ha ka dohnud jong u. Une u long uta ïa uba la bet harud lynti.

MATHAÏOS 13:38

kata ka lyngkha ruh, ka long ka pyrthei; kita ki symbai babha ruh, ki long ki khun ka hima; hynrei, kita ki ñiut, ki long ki khun uta u bymman;

MATHAÏOS 15:19

Naba na ka dohnud ki mih noh ki jingmut bymman, kaba pynïap, kaba klim, kaba ïakai kynthei, kaba tuh, kaba sakhi lamler, kaba krenbeiñ.

MATHAÏOS 5:36

Lymne men ym smai ha ka khlieh jong me, naba mem lah ban pynlieh lymne pynïong ïa iwei i shñiuh.

MATHAÏOS 6:13

To wat ïalam ïa ngi sha ka jingpynshoi ruh, hynrei, sumar ïa ngi na ka basniew. Naba ka jong me long ka hima, bad ka bor, bad ka burom ruh, ha la ka rta: Amen.

ÏOANNIS 17:15

Ngam duwai ba men shim noh ïa ki na kata ka pyrthei, hynrei, ba men sumar ïa ki na u bymman.

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

EPHESOS 4:25

Naba kumta, da kaba buh noh ïa ka jinglamler, to kren ïa kaba shisha uwei pa uwei bad la u paramarjan; naba ngi ïalong ki dkhot jong ki paralok.

EPHESOS 6:16

nalor baroh putet, phin da shim ïa ka stieh ka jingngeit, da kaba phi lah ban pynlip ïa ki sum ba-meh ding baroh ki jong u bymman.

KOLOSSAI 3:9

To wat ïalamler paralok, haba phi la loit noh ïa u briew batymmen bad ïa ki jingleh jong u,

KOLOSSAI 4:6

Ai ba ka jingkren jong phi ha la ka sngi kan long da kaba jali ja-um, ba la pynthiang da ka mluh, ba phin ïoh tip kumno phi dei ban ïa-pynphai ktien ha uwei pa uwei baroh.

2 THESSALONI 3:3

Hynrei, U Trai u long uba ïaineh, u ban pynskhem ïa phi, bad u ban ri kyndong ïa phi na uta u bymman.

JAKOB 5:12

Hynrei, nalor kiei kiei baroh, ko parabangeit jong nga, to wat smai, lymne da ka bneng lymne da ka khyndew, lymne da kano kano kawei pat ka jingsmai: hynrei, kaba “Ho-oid” jong phi, to ai kan long “Ho-oid”, bad kaba “Em” jong phi, “Em”; ba phin ym hap ha ka jingbishar.

1 ÏOANNIS 2:13

Nga thoh ha phi, ko ki kpa, naba phi la ithuh ïa uta uba long naduh kaba mynnyngkong. Nga thoh ha phi, ko ki samla, naba phi la jop noh thiaw ïa uta u basniew. Nga la thoh ha phi, ko khun khynnah, naba phi ithuh ïa U Kpa.

1 ÏOANNIS 3:12

ym kumba u Kain u la long na uta u basniew, bad u la pynïap noh ïa la u para. Te na ka balei u la pynïap noh ïa u? Naba ki jingleh jong u hi ki long ki basniew, hynrei, kita ki jong uta u para jong u ki bahok.

1 ÏOANNIS 5:18

Ngi tip ba uwei pa uwei baroh ïa uba la kha na U Blei, um leh pop shuh; hynrei, uta ïa uba la kha na U Blei, u ri noh ïa lade, te uta u basniew um ktah ïa u.