MATHAÏOS 5:34 - KA BAIBL

³⁴ Hynrei, nga ong ha phi: Wat smai satia, lymne ha ka bneng, naba ka long ka khet U Blei;

Khasi CL Bible (BSI)

³⁴ Hynrei mynta nga ong ha phi: wat pyndonkam ïa kano kano ka jingsmai haba phi pynlong ka jingkular. Wat smai da ka bneng, naba ka long ka khet jong U Blei;

MATHAÏOS 5:34 ပူးပေါင်းရင်းမြစ်များ

SALM 11:4

U Trai u don ha ka templ bakhuid jong u, U Trai, ka khet jong u ka ha bneng; ki khmat jong u ki khmih, ki irmat jong u ki tynjuh, ïa ki khun bynriew.

EKLESIASTIS 9:2

Kiei kiei baroh ki jia kumjuh ha baroh: don kajuh ka jingjia ha u bahok bad ha u bymman; ha u babha bad ha u bakhuid bad ha u bymkhuid; ha uta uba kñia bad ha uta u bymkñia: kumba u babha u long, kumta u nongpop u long; bad uta uba smai, kum uta uba sheptieng ïa ka jingsmai.

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 66:1

Kumne u ong U Trai, “Ka bneng ka long ka khet jong nga, bad ka khyndew ka jingïuh kjat jong nga: kaba kumno ka ïing phin tei ïa nga? Bad kaba kumno ka jaka ka jingshongthait jong nga?

KI KAM 7:49

“ ‘Ka bneng ka long ka khet jong nga, bad ka khyndew, ka jingïuh ki kjat jong nga; ka ïing kaba kumno te phin tei ïa nga?’ ong U Trai; ‘lane kaba kumno ka jaka shongthait jong nga?

JAKOB 5:12

Hynrei, nalor kiei kiei baroh, ko parabangeit jong nga, to wat smai, lymne da ka bneng lymne da ka khyndew, lymne da kano kano kawei pat ka jingsmai: hynrei, kaba “Ho-oid” jong phi, to ai kan long “Ho-oid”, bad kaba “Em” jong phi, “Em”; ba phin ym hap ha ka jingbishar.