MATHAÏOS 5:3 - KA BAIBL

³ “Suk ki baduk ha ka mynsiem: naba jong ki, long ka hima ki bneng.

Khasi CL Bible (BSI)

³ “Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

MATHAÏOS 5:3 ပူးပေါင်းရင်းမြစ်များ

2 KHRONIKL 33:12

Te haba u la long ha ka jingshitom, u la kyrpad ïa U Trai U Blei jong u, bad u la pynrit ïa lade shibun ha khmat U Blei ki kpa jong u.

2 KHRONIKL 33:19

Ka jingduwai jong u ruh, bad kumno ba u la kyrpad ïa U Blei, bad ka pop jong u baroh bad ka jingpalat jong u, bad ki jaka ha kiba u la tei ki jaka bajrong, bad u la buh ïa ki Asherah bad ki dur ba la mut, mynshuwa ba u la pynrit ïa lade: ha khmih, la thoh ïa ki ha Ka Jingïathuhkhana u Hosai.

2 KHRONIKL 33:23

Te um shym la pynrit ïa lade ha khmat U Trai, kumba u Manasseh u kpa jong u, u la pynrit ïa lade; hynrei, une u Amon u la nang leh nang leh palat.

2 KHRONIKL 34:27

namar ba ka dohnud jong me ka long kaba jem, bad me la pynrit ïa lade ha khmat U Blei, haba me la ïohsngew ïa ki ktien jong U pyrshah ïa kane ka jaka, bad pyrshah ïa ki nongshong jong ka, bad me la pynrit ïa lade ha khmat jong nga, bad me la kad ïa la ki jaiñ, bad me la ïam ha khmat jong nga; nga ruh nga la ïohsngew ïa me,’ ” ong U Trai.

2 KHRONIKL 7:14

lada ki briew jong nga, ïa kiba la khot da ka kyrteng jong nga, kin pynrit ïa lade, bad kin duwai, bad kin wad ïa ka khmat jong nga, bad kin phai noh na ki lynti bymman jong ki; kumta te ngan sngew na bneng, bad ngan map ïa ki pop jong ki, bad ngan pynkhiah ïa ka ri jong ki.

Ka Kitab U Job 42:6

namar kata, nga isih ïa lade, bad nga kylla-ka-bamut ha ka 'dewmet bad ka dpei.”

SALM 1:1

Suk uta u briew u bymïaid ha ka jingïasylla ki bymman, lymne u bymïeng ha ka lynti ki nongpop, lymne u bymshong ha ka jingshong kiba rkhiebeiñ.

SALM 112:1

To ïaroh ïa U Trai. Suk uta u briew uba sheptieng ïa U Trai, uba sngewbha shibun ïa ki hukum jong u.

SALM 128:1

Suk uwei uwei baroh uba sheptieng ïa U Trai, uba ïaid ha ki lynti jong u.

SALM 146:5

Suk uta uba ka jingïarap jong u long U Blei u Jakob, uba ka jingkyrmen jong u ka ha U Trai U Blei jong u:

SALM 2:12

To doh ïa u khun, ïoh un bitar, bad ba phi ïap duh noh ha ka lynti, naba ka jingbitar jong u kan sa meh kloi. Suk kita baroh kiba shaniah ha u.

SALM 34:18

U Trai u long hajan kita kiba la pait dohnud, bad u pynim ïa kat kiba sngewsih ka mynsiem.

SALM 41:1

Suk uta uba pyrkhat ïa u baduk: U Trai un pyllait ïa u ha ka sngi ka jingshitom.

SALM 51:17

Ki jingkñia ki jong U Blei ki long ka mynsiem kaba lwet: ka dohnud kaba lwet bad basngewsih, A U Blei, men ym ibeiñ.

SALM 84:12

A Trai ki paid, suk uta u briew uba shaniah ha me.

PROBERB 16:19

Lah kaba long kiba sngewrit ka mynsiem bad ki baduk, ban ïa kaba ïabynta ïa ka jinglute bad kiba sarong.

PROBERB 29:23

Ka jingsarong u briew ka pynpoh ïa u: hynrei uta uba rit ha ka mynsiem un ïoh ka burom.

PROBERB 8:32

“Namar kata te, ko khun, to sngew ïa nga: naba suk kita kiba sumar ïa ki lynti jong nga.

ISAÏAH 30:18

Namar kata te, U Trai un ap, ba un leh sbun ïa phi, bad namar kata, yn pynkyntiew ïa u, ba un leh isynei ïa phi: namar U Trai u long U Blei ka jingbishar; suk kita baroh kiba ap ïa u.

ISAÏAH 57:15

Naba kumne ong uta uba ha khlieh bad hajrong tam uba shong dap ïa ka bymjukut, uba ka kyrteng jong u, “U Bakhuid:” “Nga shong ha ka jaka kaba hajrong bad ka bakhuid, bad kata ka mynsiem ruh kaba sngewsih bad ba sngewrit, ban pynim ruh ïa ka mynsiem jong uba sngewrit, ban pynim ruh ïa ka dohnud jong kiba sngewsih.

ISAÏAH 61:1

U Mynsiem U Trai U Blei u ha nga; naba U Trai u la pynsleh ïa nga ban ïalap ïa kiei kiei ki babha ha ki bajemnud; u la phah ïa nga ban spaiñ ïa kiba la pait dohnud, ban ïalap ïa ka jingpyllait noh ha kiba la ring mraw, bad ïa kaba plie ïa ka byndi ha kiba la khum;

ISAÏAH 66:2

Naba ïa kine kiei kiei baroh ka kti jong nga ka la thaw, te kumta kine kiei kiei baroh ki la wan long,” ong U Trai: “hynrei, ha une u briew ngan khmih, wat ha uta uba sngewduk bad uba sngewsih ka mynsiem, bad uba khynñiuh ha ka ktien jong nga.

MIKAH 6:8

U la pyni ha me, ko briew, kaei ka babha; te U Trai u wad aïu na me, hynrei, tang ban leh hok, bad ban ieit ïa ka jingisynei, bad ban ïaid leh rit bad U Blei jong me?

MATHAÏOS 11:25

Mynkata U Jisu u la ïathuh bad u la ong: “Nga nguh ïa me, ko Kpa, U Trai ka bneng bad ka khyndew, ba me la buhrieh ïa kine kiei kiei ruh na ki bastad bad ki basian, bad ba me la pynpaw ïa ki ha ki khunlung:

MATHAÏOS 11:6

suk ruh ma u, u ban ym thut ha nga.”

MATHAÏOS 13:16

“Hynrei, suk ki khmat jong phi, ba ki ïohi, bad ki shkor jong phi ba ki ïohsngew!

MATHAÏOS 19:14

U Jisu te u la ong, “Shah ïa ki khunlung ban wan ha nga, bad wat khang ïa ki, naba ïa kiba kum kita, long ka hima ki bneng.”

MATHAÏOS 24:46

Suk uta u shakri, ïa uba u kynrad jong u haba u wan un shem ba u leh kumta.

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

MATHAÏOS 3:2

u da ong, “To kylla-ka-bamut; naba ka hima ki bneng ka la jan.”

MATHAÏOS 8:11

Nga ong ruh ha phi, ba shibun kin ïawan na mihngi bad na sepngi, bad kin ïashong shaniah lem bad u Abraham, bad u Isaak, bad u Jakob ruh, ha ka hima ki bneng:

MARKOS 10:14

Hynrei, haba U Jisu u la ïohi ïa kata, u la sngewsih eh, bad u la ong ha ki, “To shah ïa ki khunlung ban wan ha nga, to wat khang ruh ïa ki: naba ïa kiba kum kita, long ka hima U Blei.

LOUKAS 11:28

Hynrei u te u la ong, “Kham suk shisha kita kiba ïohsngew ïa ka ktien ka jong U Blei, bad kiba sumar ruh ïa ka.”

LOUKAS 18:14

Nga ong ha phi, ba une u la leit hiar pat sha la ïing uba la ksan, ban ïa uta uwei pat; naba ïa uei uei baroh uba pynkhraw ïa lade, yn pynpoh; te ïa uta uba pynpoh ïa lade, yn pynkhraw.”

LOUKAS 22:29

Nga te nga kular skhem ha phi ïa ka hima, kumba U Kpa jong nga u la ai ha nga,

LOUKAS 22:30

ba phin ïoh bam bad ïoh dih ha ka miej jong nga ha kata ka hima jong nga, bad halor ki khet phin ïoh shong bishar ïa ki khat-ar ki jaid Israel.”

LOUKAS 4:18

“U Mynsiem U Trai U ha nga: naba U la pynsleh ïa nga ïa ka ban ïalap ïa ka gospel ha ki baduk; U la phah ïa nga ban pynbna ïa ka jingpyllait ha kiba la set byndi, bad ïa ka jingpynpeit pat ha ki bamatlah, ban pyllait noh ïa kiba la ban ka shitom;

ÏOANNIS 20:29

U Jisu u ïathuh ha u, “Naba me la ïohi ïa nga, ko Thomas, me la ngeit? Suk te kita ki bym shym la ïohi, bad kiba ngeit pynban.”

DEUTERONOMI 8:2

To men kynmaw ruh ïa kata ka lynti baroh ïa kaba U Trai uba U Blei jong me u la ïalam ïa me ha kine sawphew snem ha kata ka ri khlaw, ïa ka ban pynrit ïa me, bad ïa ka ban tynjuh ïa me, ïa ka ban tip kaei kaba ha ka dohnud jong me, la men sumar ne em ïa ki hukum jong u.

JAKOB 1:10

hynrei, uta u bariewspah, ha ka jingpynrit ïa u; naba kum u syntiew u phlang un tlor noh.

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 2:5

To da sngew phi, ko parabangeit ba-ieit jong nga: Hato U Blei um ju la jied ïa kita ki baduk jong kane ka pyrthei, ban long ki bariewspah ha ka jingngeit, bad ki nongïoh pateng ïa kata ka hima, ïa kaba u la kular ha kita kiba ieit ïa u?

JINGPYNPAW 19:9

Bad u ong ha nga, “To thoh: Suk kita ïa kiba la khot sha kata ka jingïakhawai miet ka jingshongkurim uta U Khun langbrot.” U ong ruh ha nga, “Kine ki long ki ktien bashisha ki jong U Blei.”

JINGPYNPAW 22:14

Suk kita kiba la sait ïa la ki jaiñkup, ba kin ïoh ka hok ban wan sha uta u dieng ka jingim, bad kin ïoh leit bsut da kita ki khyrdop sha kata ka nongbah.

JINGPYNPAW 3:17

Naba pha ong, “Nga kaba riewbha, bad nga la pynman spah, te ngam don ka jingkyrduh ei ei ruh em,” bad pham tip ba ma pha hi pha long kata kaba lanot khop, bad kaba jynjar sat, bad ka baduk, bad ka bamatlah, bad ka balyngkhuit.