MATHAÏOS 5:22 - KA BAIBL

²² hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.

Khasi CL Bible (BSI)

²² Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

MATHAÏOS 5:22 ပူးပေါင်းရင်းမြစ်များ

JENESIS 37:4

Bad haba ki hynmen jong u ki la ïohi ba u kpa jong ki u la ieit ïa u nalor ki hynmen jong u baroh, ki la ïashun ïa u, bad kim lah kren suk sngewbha shuh ïa u.

JENESIS 37:8

Ynda kumta, ki hynmen jong u ki la ïa-ong ha u, “Shisha men synshar halor jong ngi? ne me shisha men ïoh long trai halor jong ngi?” Bad ki la nang kham isih shuh ïa u namar kita ki jingphohsniew jong u, bad namar ki ktien jong u.

2 SAMUEL 16:7

Bad u Shimei haba u tim u ong kumne, “Khie leit noh me, Khie leit noh me, u briew uba bit snam, me u briew u Belial:

2 SAMUEL 6:20

Ynda kumta, u Dabid u la leit phai noh ïa ka ban kyrkhu ïa la ki ba-ha-ïing. Te ka Mikhal ka khun u Saul ka la leit tan ïa u Dabid, bad ka la ong, “A katno uba donburom mo u syiem ki Israel u la long ha kane ka sngi, uba ha kane ka sngi u la pynlyngkhuit ïa lade ha khmat ki shakri kynthei jong ki shakri jong u, kumjuh kumba u 'riewthala u pynlyngkhuit khlem rain ïa lade!”

1 SYIEM 21:4

Bad u Ahab u la wan khuslai bad sngewsih sha la ïing namar kata ka ktien kaba u Naboth u nong Jesril u la kren ha u: naba u la ong, “Ngan ym ai ha me ïa ka ri kynti ki kpa jong nga.” Bad u la thiah ha la ka jingthiah, bad u la pynphai noh ïa la ka khmat, bad um treh bam jingbam shuh.

2 KHRONIKL 16:10

Ynda kumta, u Asa u la bitar ïa uta u nongïohi, bad u la buh ïa u ha ka ïing byndi; namar u la sngewbitar lep ïa u namar kane. Bad u Asa u la ban bor ïa katto katne na ki briew ha kata ka por.

2 KHRONIKL 19:5

Bad u la thung ki nongbishar ha ka ri ha ki nongbah ba la ker kynroh ka Judah, kawei pa kawei ka nongbah,

NEHEMAÏAH 5:8

Bad nga la ong ha ki, “Ma ngi katba shong ka bor jong ngi, ngi la thied ïa la ki para ki Jiw, ïa kiba la die noh ha ki Jentil; phi, pynban, phi die ïa la ki para, bad ka dei du ban die noh ïa ki ha ngi?” Te ki la sngap jar, bad kim shym la shem kawei ka jubab.

SALM 109:3

Ki la ker tawiar ïa nga ruh da ki ktien ka jingshun, bad ki la ïaleh pyrshah ïa nga khlem daw.

SALM 14:1

U babieit u la ong ha la ka dohnud, “Ym don U Blei.” Ki long kiba pyut, ki la leh ïa ki kam kiba ijli; ym don shuh uba leh babha.

SALM 25:3

Shisha ym don mano mano uba ap kyrmen ha me u ban ïoh lehrain: kita keiñ ki ban ïoh lehrain kiba shetkylla khlem daw.

SALM 35:19

Wat ai ïa kita kiba long ki nongshun jong nga ba kin shadkmen bymhok halor jong nga: lymne wat ai ba kin kynkhrip khmat kita kiba shun ïa nga khlem daw.

SALM 37:8

To wai noh na ka jingbitar, bad iehnoh noh ïa ka jingotshla: wat pynkhuslai ïa lade, ka lam tang sha kaba leh sniew.

SALM 49:10

Namar u ïohi ba ki bastad ki ïap, uba bieit bad uba runar ki ïaïap duh noh lang, bad ki iehnoh ïa la ka spah ha kiwei pat.

SALM 69:4

Kita kiba shun ïa nga khlem daw ki kham bun ïa u shñiuh ka khlieh jong nga: kita kiba kwah ban ot noh ïa nga, kiba long ki nongshun jong nga da ka bymhok, ki long ki bakhrawbor; hangta nga la buria ïa kaba ngam shym la shim.

SALM 7:4

lada nga la siew kylliang da ka basniew ïa uta uba ïasuk bad nga; (shisha, nga la pyllait ïa uta uba la long u nongïaleh ïa nga khlem daw:)

SALM 92:6

Uba runar um tip; lymne u riewbieit um sngewthuh ïa kane.

PROBERB 14:16

U briew u bastad u sheptieng, bad u kynriah na ka basniew: hynrei, u babieit u leh meng, bad u shngain.

PROBERB 18:6

Ki rmiang shyntur jong u babieit ki bsut sha ka jingïapyneh, bad ka shyntur jong u ka dawa ïa ki jingsympat.

JEREMAÏAH 17:11

Kum ka 'iar khlaw kaba lum khun kiba kam shym la kha, kumta long uta uba lum spah, hynrei, ym da ka hok; hapdeng ki sngi jong u kin iehnoh ïa u, bad ha kaba kut jong u un long u babieit.

SNGEWSYNEI 3:52

“Kiba shun ïa nga khlem daw, ki la beh mrad eh ïa nga kum ïa ka sim.

DANIEL 3:13

Ynda kumta, u Nebukhadnessar ha la ka jingbitar bad ka jingotshla u la hukum ban wallam ïa u Shadrak, ïa u Meshak, bad ïa u Abednego. Ynda kumta, ki la wallam ïa kine ki briew ha khmat u syiem.

DANIEL 3:19

Ynda kumta, la pyndap ïa u Nebukhadnessar da ka jingbitar lep, bad ka dur ka khmat jong u ka la kylla pyrshah ïa u Shadrak, ïa u Meshak, bad ïa u Abednego: namar kata, u la kren bad u la hukum ba kin kham pynshit ïa kata ka lawar ding hynñiew shah ban ïa kaba la ju pynshit.

OBADAÏAH 1:10

“Namar kata ka jingleh-jubor ba la leh ha u para jong me u Jakob, ka jinglehrain kan tap ïa me, bad yn pynduh noh ïa me junom.

OBADAÏAH 1:12

Hynrei, wat khmih ma me ïa kata ka sngi u para jong me, ha ka sngi ka jingjynjar jong u, bad wat leh kmen halor ki khun u Judah ha ka sngi ka jingpynjot jong ki; lymne wat kren sarong ha ka sngi ka jingshipa.

MATHAÏOS 10:17

Hynrei, to ïasumar na ki briew, naba kin ïa-ai noh ïa phi ha ki jingbishar, bad kin ïasympat ïa phi ha ki synagog jong ki;

MATHAÏOS 10:28

To wat sheptieng te ïa kita kiba pynïap ïa ka met, bad ki bym lah ban pynïap ïa ka mynsiem: hynrei, phin kham sheptieng ïa uta uba lah ban pynjot bad ïa ka mynsiem bad ïa ka met ha dujok.

MATHAÏOS 12:24

Hynrei, haba kita ki Pharisi ki la ïohsngew ki la ïa-ong, “Une u briew um beh noh ïa ki ksuid, lymda da u Belsebul u rangbah ki ksuid.”

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

MATHAÏOS 18:21

Ynda kumta, u la wan u Petros ha U, bad u la ong, “Ko Trai, katno sien ba u paralok jong nga un leh pop ïa nga, bad ba ngan map ïa u? haduh hynñiew sien?”

MATHAÏOS 18:35

Kumta ruh, U Kpa jong nga uba ha bneng un leh ïa phi, lada phin ym ïamap uwei pa uwei ïa la u para naduh la ki dohnud.”

MATHAÏOS 23:15

Kordit ïa phi, ki nongthoh bad ki Pharisi kiba arsap! naba phi ïaid sawdong ïa ka duriaw bad ka ryngkew ban pynkylla niam ïa uwei; te haba u la kylla, phi pynlong ïa u, u khun dujok uba ar shah ïa phi hi.

MATHAÏOS 23:33

A ki bseiñ! Ki khun ki ksiew ki 'seiñpuh! kumno phin ïohlait na ka jingshitom ka dujok?

MATHAÏOS 25:41

Ynda kumta, un ong ha kita ruh sha kadiang, ‘To khie leit noh na nga, phi ïa kiba la tim, sha ka ding ka bymjukut, ïa kaba la buh lypa ïa u Soitan bad ïa ki angel jong u!

MATHAÏOS 26:59

Ki rangbah lyngdoh te bad ki tymmen basan bad ka dorbar baroh ruh, ki la ïawad ïa ka sakhi lamler pyrshah ïa U Jisu, ba kin ïoh pynïap ïa U;

MATHAÏOS 3:17

Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

MATHAÏOS 5:34

Hynrei, nga ong ha phi: Wat smai satia, lymne ha ka bneng, naba ka long ka khet U Blei;

MATHAÏOS 5:44

Hynrei, nga ong ha phi, to ieit ïa ki nongshun jong phi, bad to kyrkhu ïa kiba tim ïa phi, to leh bha ïa kiba shun ïa phi, to duwai ruh na ka bynta kiba leh sniew ïa phi, bad lehbeiñ ruh ïa phi;

MARKOS 14:55

Te kita ki rangbah lyngdoh bad kata ka dorbar baroh ki la ïawad ka sakhi pyrshah ïa U Jisu, ïa ka ban pynïap ïa U; te kim shem,

MARKOS 15:1

Te kumne kumne ruh, ynda ka la shai, kita ki rangbah lyngdoh ki la ïasylla bad kita ki tymmen basan bad kita ki nongthoh bad kata ka dorbar baroh ruh; haba ki la khum ïa U Jisu, ki la ïalam noh ïa u, bad ki la ai noh ha u Pilat.

LOUKAS 12:5

Hynrei, ngan maham ïa phi ïano phin sheptieng: To sheptieng ïa uta uba hadien kaba u la pynïap, u don bor ban bred sha dujok; shisha nga ong ha phi: To sheptieng keiñ ïa uta.

LOUKAS 22:66

Te tang shu mih ka sngi, la ïalum lang ïa ka jingïaseng ki tymmen basan jong u paidlang, bad rangbah lyngdoh, bad nongthoh de, bad ki la ïalam ïa u sha ka dorbar jong ki,

ÏOANNIS 11:47

Ynda kumta, ki rangbah lyngdoh bad kita ki Pharisi, ki la ïalang dorbar, bad ki la ïa-ong, “Ngi leh aïu? naba une u briew u leh shibun ki dak khyllah;

ÏOANNIS 15:25

Hynrei, kane ka jia, ba yn ïoh pyndep ïa kata ka ktien kaba la thoh ha Ka Hukum jong ki, ‘Ki la shun ïa nga khlem daw.’

ÏOANNIS 7:20

Uta u paidbah u la ïathuh te, “Me don u ksuid: uei ba wad ban pynïap noh ïa me?”

ÏOANNIS 8:48

Ynda kumta, kita ki Jiw ki la ïathuh bad ki la ïa-ong ha u, “Ngi ngim ïa-ong kaba dei ba me long u kynja Samaria, bad me don u ksuid?”

KI KAM 17:18

Bad la don ki riewstad na ki Epikuri bad na ki Stoik kiba la ïaleh nia bad u: te don kiba la ïa-ong, “Ine iba blab blab i mon ban ong aïu?” Hynrei, kiwei pat, “U i kumba u long u nongïalap ïa ki blei khyllah”; naba u la ïalap ïa U Jisu bad ïa ka jingmihpat.

KI KAM 22:30

Te kum lashai, ba u da kwah ban tip thikna namar balei la mudui ïa u da kita ki Jiw, u la loit noh ïa u na kita ki jingkhum, bad u la hukum ïa ki rangbah lyngdoh, bad ïa kata ka dorbar baroh ban ïawan lang; te haba u la ïalam arsut ïa u Paul, u la pynïeng ïa u ha khmat jong ki.

KI KAM 23:1

Te u Paul haba u la khmih shaiñ ha kata ka dorbar u la ong, “Ko ki para, nga la ïaid beit ha ka jingïatiplem babha baroh ha khmat U Blei haduh kane ka sngi.”

KI KAM 24:20

Lane kine hi to kin ïathuh, lada ki la shem ei ei ka bymdei katba nga la ïeng ha khmat ka dorbar,

KI KAM 4:15

Hynrei, haba ki la hukum ïa ki ban kynriah noh shabar ka dorbar, ki la ïasylla paralok hi,

KI KAM 5:21

Te haba ki la ïohsngew ïa kata, ki la ïarung shapoh ka templ la dang shu shai phar, bad ki la hikai. Hynrei, haba uta u rangbah lyngdoh u la wan, bad kita kiba bad u, ki la ïakhot lang ïa ka dorbar, bad ïa ki tymmen basan baroh jong ki khun Israel, bad ki la ïaphah sha ïing byndi ban wallam noh ïa ki.

KI KAM 5:27

Te haba ki la wallam ïa ki, ki la pynïeng ïa ki ha khmat ka dorbar, bad uta u rangbah lyngdoh u la kylli ïa ki,

KI KAM 6:12

Te ki la ïapynkhih ïa uta u paidbah, bad ïa ki tymmen basan, bad ïa ki nongthoh, bad haba ki la lah ïawan buk ha u, ki la kem ïa u, bad ki la ïalam noh sha ka dorbar.

KI KAM 6:15

Te baroh kiba la ïashong ha kata ka dorbar, haba ki la khmih shaiñ ha u, ki la ïohi ïa ka khmat jong u kum ka khmat u angel.

KI KAM 7:37

Une, u long uta u Moses, uba la ong ha ki khun Israel, ‘U Blei un pynmih ïa u nongïathuhlypa ha phi napdeng ki para jong phi, uba kum ma nga.’

Ka Shithi U Paul Sha Ki Nong Rom 12:10

Ha ka jingïa-ieit parabangeit, to long kiba ïa-ieit noh paralok hi; ha ka jingïañiew burom, to long kiba ïañiew kor paralok hi;

1 KORINTH 6:10

lymne kiba tuh, lymne kiba ikwah lalot, lymne kiba buaid, lymne kiba krenbeiñ, lymne kiba khwan tam eh, kin ym ïoh keiñ ïa ka hima U Blei.

1 KORINTH 6:6

Hynrei, u parabangeit u mudui ïa la u parabangeit, kata ruh ha khmat ki bymngeit!

DEUTERONOMI 15:11

Namar ki baduk kin ym duh noh na kata ka ri: namar kata, nga hukum ïa me, da kaba ong, ‘Shisha men plie kylluid ïa la ka kti ha u para jong me, ha ki baduk jong me, bad ha ki bakyrduh jong me, ha ka ri jong me.’

DEUTERONOMI 16:18

“Men thung ha lade ïa ki nongbishar, bad ïa ki rangbah hapoh ki khyrdop jong me baroh, ïa kiba U Trai uba U Blei jong me u ai ha me, ha ki jaid jong me baroh: bad kin ïabishar ïa ki briew da ka jingbishar bahok.

1 THESSALONI 4:6

ba uno uno ruh un ym leh palat bad leh bymman ïa u parabangeit jong u ha kane ka kam: naba U Trai u long u nongpynhiar kput ha kine kiei kiei baroh, kumba ngi la maham lypa ïa phi bad ngi la phla ruh.

TITOS 3:2

ban ym kren sniew ïano ïano ruh, ban ym long kiba ïania, hynrei, kiba ïaishah da kaba pyni ka jingjemnud baroh sha ki briew baroh.

HEBRU 12:25

To sumar ba phin ym kyntait noh ïa uta uba kren. Namar lada kita kim shym lait, haba ki la kyntait ïa uta uba la maham ïa ki ha ka khyndew, sa katno tam te ma ngi kiba phai noh na uta uba maham na bneng:

HEBRU 5:9

bad haba la pynbit janai ïa u, u la jia long u nongpynlong ka jingpynim bymjukut ïa kita baroh kiba kohnguh ïa u;

JAKOB 2:20

Hynrei, me kwah ban tip, A u briew babieit, ba kata ka jingngeit khlem kita ki jingleh ka long ka baïap?

JAKOB 3:6

Te uta u thylliej u long ka ding: kata ka pyrthei ka jingbymhok long u thylliej hapdeng ki dkhot jong ngi, uba pyntngit ïa ka met baroh kawei, bad uba wiang noh ïa ka shalyntem ka jingpynlong, bad la wiang noh ïa u hi da ka jong ka dujok.

1 PETROS 2:23

uba, haba la krenbeiñ ïa u, um ju krenbeiñ kylliang; haba u shah shitom, um ju byrngem; hynrei, u la ju aiti noh ha uta uba bishar hok:

1 PETROS 3:9

ym kiba leh markylliang ïa ka basniew namar ka basniew, lane ïa kaba krenbeiñ namar kaba krenbeiñ; hynrei, da kumwei keiñ kiba kyrkhu; haba tip ba sha kane khnang la khot ïa phi, ba phin da ïoh ïa ka jingkyrkhu.

1 ÏOANNIS 2:9

Uta uba ong ba u don ha kata ka jingshai, bad uba shun pynban ïa u parabangeit jong u, u don ha kata ka jingdum haduh mynta.

1 ÏOANNIS 3:10

Ha kane keiñ, ki la paw kita ki khun U Blei, bad kita ki khun u Soitan. Uwei pa uwei baroh u bym ju leh ïa ka hok um long na U Blei, lymne uta u bymieit ïa la u para.

1 ÏOANNIS 5:16

Lada uno uno ruh u da ïohi ïa la u parabangeit ba u da leh pop ïa ka pop ym sha ka ban ïap, un pan, te U Blei un ai ha u ïa ka jingim, ïa kita keiñ kiba leh pop ym sha ka ban ïap. Don ka pop sha ka ban ïap; shaphang kata, ngam ong ba un kyrpad.

JUDAH 1:9

Hynrei, u Mikhal u angel rangbah, mynba u dang ïa-pyneh bad u Soitan, ba u da ïasaid nia shaphang ka met u Moses, um nud ban bishar kat ban krenbeiñ ïa u, hynrei, u la ong, “To U Trai un da sneng ïa me!”

JINGPYNPAW 20:14

Bad ïa ka Jingïap bad ka Hades la bred sha kata ka pung ka ding. Kane ka long kata ka jingïap ka ba-ar, kata ka pung ka ding keiñ.