MATHAÏOS 5:19 - KA BAIBL

¹⁹ Namar kata, uno uno ruh u ban pynkheiñ ïa iwei, wat iba kham rit tam na kine ki hukum, bad u ban hikai kumta ïa ki briew, yn khot ïa u ‘uba kham rit tam ha ka hima ki bneng:’ hynrei, uno uno ruh u ban leh bad u ban hikai ïa ki, ïa uta te yn khot ‘u bakhraw ha ka hima ki bneng.’

Khasi CL Bible (BSI)

¹⁹ Kumta te, uno uno u bymkohnguh wat ïa iba rit tam jong ki hukum bad uba hikai ïa kiwei pat ban leh kumjuh, un long uba rit tam ha ka Hima ki bneng. Ha kawei pat ka liang, uno uno uba kohnguh ïa ka Hukum bad uba hikai ïa kiwei ban leh kumjuh, un long uba khraw ha ka Hima ki Bneng.

MATHAÏOS 5:19 ပူးပေါင်းရင်းမြစ်များ

SALM 119:128

Namar kata, nga ñiew kiba dei ki hukum jong me shaphang kiei kiei baroh; bad nga isih ïa ka lynti lamler baroh.

SALM 119:6

Haba kumta, ngan ym lehrain, haba nga da khmih ha ki hukum jong me baroh.

DANIEL 12:3

Bad kita ki bastad, kin tyngshaiñ kum ka jingshai ka sahit bneng; bad kita kiba pynkylla bun sha ka hok kum ki khlur junom la junom.

MATHAÏOS 11:11

“Shisha nga ong ha phi, na kiba la kha na ki kynthei, ym don uba la mih uba kham khraw ïa u Ïoannis u Nongpynbaptis: hynrei, uta uba kham rit ha ka hima ki bneng, u kham khraw ïa u.

MATHAÏOS 19:28

U Jisu te u la ong ha ki: “Shisha nga ong ha phi, ba phi kiba la ïabud ïa nga, ha ka jingpynthymmai ynda U Khun u briew un shong ha ka khet ka burom jong u, phi ruh phin shong ha ki khat-ar ki khet, ban bishar ïa ki khat-ar ki jaid Israel.

MATHAÏOS 20:26

kan ym long kumta hapdeng jong phi: hynrei, lada uno uno ruh u mon ban long bakhraw hapdeng jong phi, to ai ba un long u shakri jong phi;

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

LOUKAS 1:15

naba un long uba khraw ha khmat U Trai, bad un ym dih ïa ka Waiñ lane ka kyiad; bad yn pyndap ïa u da U Mynsiem Bakhuid, wat naduh ka kpoh ka kmie jong u:

LOUKAS 11:42

“Hynrei, kordit ïa phi ki Pharisi! Naba phi ai ïa kaba shiphew na u pudina, bad na u rue, bad na u jhur baroh, phi ryngkang te ïa ka hok bad ïa ka jingieit ka jong U Blei; ka la dei ban leh ïa kine kiei kiei ruh, hynrei, ban ym iehnoh keiñ ïa kita kiwei.

LOUKAS 9:48

bad U la ong ha ki, “Uno uno ruh u ban pdiang ïa une u khynnah ha ka kyrteng jong nga, u pdiang ïa nga; bad uno uno ruh u ban pdiang ïa nga, u pdiang ïa uba la phah ïa nga; naba uta uba long uba kham rit hapdeng jong phi baroh, uta keiñ u long uba khraw.”

KI KAM 1:1

Ka jingïathuhkhana ka banyngkong nga la thaw, A Theophilos, shaphang kiei kiei baroh kiba U Jisu u la sdang ban leh bad ban hikai ruh,

Ka Shithi U Paul Sha Ki Nong Rom 3:8

Shisha balei ym ong noh syndon (kat kumba la kynnoh beiñ ïa ngi, bad kumba don kiba ïathuh skhem ba ngi ong), “Ïa, ngin leh ïa ka basniew ba ka babha kan ïoh jia?” kiba ka jingpynrem jong ki ka long kaba hok.

Ka Shithi U Paul Sha Ki Nong Rom 6:1

Aïu pat te ngin ïa-ong? Ngin ïaineh ha kata ka pop, ba kata ka jingaiei kan ïoh nang roi byllien?

Ka Shithi U Paul Sha Ki Nong Rom 6:15

Kumno te? ngin ïai-leh pop, naba ngim long hapoh ka hukum, hynrei, hapoh ka jingaiei? Em, ym kumta.

DEUTERONOMI 12:32

“Ïa ka ktien baroh ba nga hukum ïa phi, to sumar ban leh ïa ka: men ym pyntam ha ka, lymne pynduna na ka.

DEUTERONOMI 27:26

“ ‘Ka jingtim ïa uta u bymïaineh ha ki ktien jong kane ka hukum baroh ban leh ïa ki.’ Bad uta u paidlang baroh kin ïa-ong, ‘Amen.’

1 TIMOTHI 6:11

Hynrei, ma me, A u briew u jong U Blei, to phet ïap noh na kine kiei kiei ruh; bad to beh brai ïa ka hok, ïa ka jingriewblei, ïa ka jingngeit, ïa ka jingieit, ïa ka jingïaishah, ïa ka jingjemnud.

TITOS 3:8

Kaba shisha long kata ka ktien. Te shaphang kine kiei kiei ruh, nga kwah ba men ïathuh skhem, khnang ba kita kiba la ngeit ha U Blei kin ïoh sumar ban ïaiminot ha ki jingleh babha. Kine kiei kiei ruh, ki long ki babha bad bamyntoi ïa ki briew.

1 PETROS 5:4

Te ynda la pynpaw ïa U Nongaplangbrot Rangbah, phin ïoh pdiang ïa kata ka pansngiat ka burom ka bymsep noh.

1 ÏOANNIS 3:4

Uwei pa uwei baroh uba ïai-leh ïa ka pop u ïai-leh ruh ïa ka jingpalat hukum; te ka pop ka long ka jingpalat hukum.

JINGPYNPAW 2:20

Hynrei, nga don kane kaba pyrshah ïa pha, naba pha shah ïa kata ka briew ka Jesabel, kaba khot ïa lade “ka nongïathuhlypa”, bad ka hikai bad ka shukor ïa kita ki shakri jong nga ban klim sih, bad ban bam ïa kiei kiei ruh ba la kñia ïa ki bleithaw.

1 SAMUEL 2:30

Namar kata, U Trai, uba U Blei ki Israel, u ong, ‘Nga la ong shisha ba ka ïing jong me, bad ka ïing u kpa jong me, kin ïaid ha khmat jong nga junom:’ hynrei, mynta U Trai u ong, ‘Kata kaba eh ïa nga; naba kiba pyndonburom ïa nga, ïa kita nga ruh ngan pyndonburom, te ïa kita kiba ñiewbeiñ ïa nga, yn ñiewbeiñ kylliang ïa ki.