MATHAÏOS 5:16 - KA BAIBL

¹⁶ To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

Khasi CL Bible (BSI)

¹⁶ Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

MATHAÏOS 5:16 ပူးပေါင်းရင်းမြစ်များ

EKSODOS 34:35

bad ki khun Israel ki la ïohi ïa ka khmat u Moses, ba ka snieh khmat u Moses ka la tyngshaiñ ber: te u Moses u la buh pat ïa kata ka jingkah halor la ka khmat, haduh ha un da leit hapoh ban kren bad U.

PROBERB 4:18

Hynrei, ka lynti jong u bahok ka long kum ka jingshai ka batyngshaiñ, kaba nang tyngshaiñ nang tyngshaiñ haduh kaba janai ka sngi.

ISAÏAH 58:8

Ynda kumta, ka jingshai jong me kan mih noh kum kaba mynstep, bad ka jingkoit jong me kan mih noh buk: ka hok jong me ruh kan leit sha shuwa jong me; ka burom U Trai kan long na shadien jong me.

ISAÏAH 61:3

ban buh ha ki basngewsih ha Seïon, ban ai ha ki kaba sien syntiew ha ka jaka ki dpei, ka umphniang ka jingkmen ha ka jaka ka jingsngewsih, ka jaiñkup ka jingïaroh ha ka jaka ka mynsiem kaba khia; ba yn khot ïa ki, “ki dieng ka hok,” “u jingthung U Trai,” ba yn pyndonburom ïa U.

MATHAÏOS 23:5

Hynrei, ïa ki jingleh jong ki baroh, ki leh khnang ïa ka ban ïohi da ki briew: namar ki pynpyiar ïa la ki philakteri, bad ki pynkhraw ïa ki rmiang ki jaiñ jong ki,

MATHAÏOS 23:9

Wat khot ruh ‘u kpa jong phi’ ïano ïano ruh uba ha ka khyndew: naba uwei u long U Kpa jong phi, uba ha bneng.

MATHAÏOS 5:45

ba phin ïoh long ki khun U Kpa jong phi uba ha bneng: naba u pynmih ïa ka sngi jong u ha ki basniew bad ha ki babha, u phah ruh ïa u slap ha ki bahok bad ha ki bymhok.

MATHAÏOS 6:16

“Haba phi shah jingit ruh, wat long kiba 'matsngewsih kum ki nongarsap; naba ki pynkynriang ïa ki khmat jong ki, ba kin pynpaw ha ki briew ba ki shah jingit. Shisha nga ong ha phi, ki la ïoh ïa la ka nong.

MATHAÏOS 6:9

Namar kata, phin duwai kumne: “Ko Kpa jong ngi uba ha bneng, long bakhuid ka kyrteng jong me.

MATHAÏOS 9:8

Ki paidbah te haba ki la ïohi ïa kata, ki la ïakyndit, bad ki la ïaroh ïa U Blei, uba la ai bor kum kata ha ki briew.

LOUKAS 11:2

U la ong te ha ki, “Haba phi duwai, to ong: “Ko Kpa jong ngi uba ha bneng, long bakhuid ka kyrteng jong me: wan ka hima jong me: long ka mon jong me ha ka khyndew ruh, kumba ha bneng.

ÏOANNIS 15:8

Ha kane la pyndonburom ïa U Kpa jong nga, ba phi sei soh shibun; kumta, phin long ki synran jong nga.

KI KAM 9:36

Te la don ha Joppa kawei ka synran, kaba kyrteng “ka Tabitha”, kaba haba la batai, la khot “ka Dorkas”; kane ka kynthei, ka la dap da ki jingleh babha bad ki jingai isynei kiba ka la ju leh.

1 KORINTH 14:25

kumta te, la pynpaw ïa kiei kiei ruh kiba rieh ka dohnud jong u; kumta ruh, da kaba dem khrup un mane ïa U Blei, u da phla ba U Blei u long da shisha hapdeng jong phi.

2 KORINTH 9:13

namar da ka jingtynjuh ïa phi da kane ka jingïasam ki da pyndonburom ïa U Blei, namar kata ka jingkohnguh ka jingphla jong phi ïa ka gospel U Khrist, bad namar ka jingkylluid ka jingïasynñiang sbai jong phi sha ki bad sha ki briew baroh;

GALATIA 1:24

Bad ki la ïa-pyndonburom ïa U Blei ha nga.

EPHESOS 2:10

namar ngi long ka jingthaw jong u, ba la pynlong ha U Khrist Jisu ïa ki jingleh babha, ïa kiba U Blei u la lah khreh lypa ba ngin ïoh ïaid ha ki.

EPHESOS 5:8

Namar phi la ju long mynno mynno ka jingdum, hynrei, mynta, phi long ka jingshai ha U Trai: to ïaid te kum ki khun ka jingshai

1 THESSALONI 2:12

khnang ba phin ïaid kumba dei biang ïa U Blei, uba khot ïa phi sha ka hima bad ka burom jong u hi.

1 TIMOTHI 2:10

hynrei, (kaba dei keiñ ïa ki kynthei kiba pynpaw ïa ka jinglong riewblei) da ki jingleh babha.

1 TIMOTHI 5:10

ïa kaba la phla babha shaphang ki jingleh babha; lada ka la ri khun, lada ka la khot basa ïa ki nongwei, lada ka la sait ïa ki kjat ki riewkhuid, lada ka la ïarap ïa kiba shipa, lada ka la ïaibeh biang ïa ka jingleh babha baroh.

1 TIMOTHI 5:25

Kumjuh ruh, don ki jingleh babha kiba paw lypa; bad ïa kita kiba long da kumwei, ym lah ban buhrieh.

1 TIMOTHI 6:18

ba kin leh bha, ba kin man kyrhai ha ki jingleh babha, ba kin long kiba la kloi ban ai, kiba la kloi ban ïasngewlem;

TITOS 2:14

uba la aiti noh ïa lade na ka bynta jong ngi, ba un ïoh siewspah noh ïa ngi na ka jingbymhok baroh, bad ba un pynkhuid ha lade hi ïa u paidlang ban long ka bynta kynti jong u hi, uba shitrhem ïa ki jingleh babha.

TITOS 2:7

Ha kiei kiei baroh, da pyni ïa lade ka rukom ha ki jingleh babha: ha la ka jinghikai da pyni ïa ka jingsngur, ïa ka jingsngewkhia,

TITOS 3:14

To ai ba ki briew jong ngi ruh kin ïaiminot ha ki kam babha, na ka bynta kiei kiei kiba donkam, ba kin ym long ki bymsei soh.

TITOS 3:4

Hynrei, haba la paw ka jinglehsbun U Blei U Nongpynim jong ngi bad ka jingieit jong u sha u bynriew,

HEBRU 10:24

bad to ngin ïapyrkhat ban ïapynkhih paralok ïa ka jingïa-ieit bad ïa ka jingleh babha;

1 PETROS 2:12

da kaba ïaibat ïa ka jinglong jingim jong phi ka babha hapdeng ki Jentil; ba ha kata kaba ki ïakren sniew ïa phi kum ki nongleh basniew, ki lah na kita ki jingleh babha jong phi, ïa kiba ki ïohi, ban pyndonburom ïa U Blei ha ka sngi ka jingwan-i.

1 PETROS 2:9

Hynrei, ma phi, phi long ka kynja ba la jied, ka jinglong lyngdoh bakynja syiem, ka jaid bynriew bakhuid, u paidlang ba dei eh la u jong hi, ba phin da ïoh pynpaw ïa ki jingbha kor tam jong uta uba la khot ïa phi na ka jingdum sha kata ka jingshai baphylla jong u:

1 PETROS 3:1

Kumjuh, ko phi ki kynthei, to da pynkohnguh ïa lade ha ki tnga la ki jong hi; ba lada kino kino ruh ki bymkohnguh ïa ka ktien U Blei, yn da ïoh pynngeit ïa ki ruh khlem kata ka ktien da kata ka jinglong jingim jong kita ki kynthei;

1 PETROS 3:16

da kaba phi ïaibat ïa ka jingïatiplem babha, ba, ha kata kaba ki ïakrenbeiñ ïa phi, yn ïoh pynsngewlehrain ïa kita kiba kren wad daw eh ïa kata ka jinglong jingim babha jong phi ha U Khrist.

1 PETROS 4:11

Lada uno uno ruh u kren, un kren keiñ kum ki jingong U Blei; lada uno uno ruh u leh basan, to un leh kum na ka bor ba ai U Blei: ba ha kiei kiei baroh yn ïoh pyndonburom ïa U Blei da U Jisu Khrist, ha uba long ka burom bad ka jingsynshar sha ki bymjukut ki bymjukut: Amen.

1 PETROS 4:14

Lada la krenbeiñ ïa phi namar ka kyrteng U Khrist, suk ma phi; naba U Mynsiem jong ka burom bad u jong U Blei u ïaishong ha phi: ha phang jong ki shisha la krenbeiñ ïa u, hynrei, ha phang jong phi la pyndonburom ïa u.