MATHAÏOS 5:12 - KA BAIBL

¹² To ïakmen, to ïashadkmen ruh: namar ka bakhraw ka bainong jong phi ha ki bneng: naba kumta ki la ïa-pynshitom ïa ki nongïathuhlypa kiba la mynshuwa jong phi.”

Khasi CL Bible (BSI)

¹² To kmen, to sngewkmen, namar ïa ka bainong bakhraw la buh na ka bynta jong phi ha ki bneng. Kane ka long da kumno la pynshitom beiñ ïa ki nongïathuhlypa kiba la im ha shuwa jong phi.

MATHAÏOS 5:12 ပူးပေါင်းရင်းမြစ်များ

JENESIS 15:1

Ynda la lah kine kiei kiei ruh, ka ktien U Trai ka la wan ha u Abram ha ka jingïohipaw, ka da ong, “To wat sheptieng, ko Abram: Ma nga, nga long ka stieh jong me, bad ka bainong jong me kan long kaba khraw eh.”

1 SYIEM 18:13

Ym shym la ïathuh ïa u kynrad jong nga ïa kaei ba nga la leh, mynba ka Jesebel ka la pynïap ïa ki nongïathuhlypa U Trai, kumno ba nga la buhrieh shispah ngut na ki nongïathuhlypa U Trai sanphew sanphew ha ka krem, bad nga la bsa ïa ki da u kpu bad da ka um?

1 SYIEM 18:4

naba mynba ka Jesebel ka la pynïap ïa ki nongïathuhlypa U Trai, u Obadaïah u la shim shispah ngut ki nongïathuhlypa, bad u la buhrieh ïa ki sanphew sanphew ha ka krem, bad u la bsa ïa ki da u kpu bad da ka um.)

1 SYIEM 19:2

Ynda kumta, ka Jesebel ka la phah nonglam-ktien sha u Elijah, ka da ong, “To ki blei kin leh kumta ïa nga, bad palat ruh, lada ngan ym pynlong hamar kane ka por lashai ïa ka jingim jong me kum ka jingim jong uwei na kita.”

1 SYIEM 21:20

U Ahab te u la ong ha u Elijah, “Me la shem ïa nga, ko nongshun jong nga?” U te u la ïathuh, “Nga la shem ïa me keiñ: namar me la die noh ïa lade ban leh ïa kata ka basniew ha khmat U Trai.

1 SYIEM 22:8

Te u syiem ki Israel u la ong ha u Jehoshaphat, “Dang don sa uwei u briew da uba ngi lah ban ïakylli na U Trai, u Mikaïah u khun u Imlah: hynrei, nga isih ïa u; namar um ju ïathuhlypa ka babha shaphang jong nga, hynrei, tang ka basniew.” Te u Jehoshaphat u la ong, “Wat ai ba u syiem un ong kumta.”

2 SYIEM 1:9

Ynda kumta, u syiem u la phah sha u ïa u rangbah sanphew lem bad la ki sanphew ngut. Bad u la leit kiew sha u: te ha khmih, u la shong halor u lum rit. Bad u la kren ha u, “A u briew jong U Blei, u syiem u la ong, ‘To hiar noh.’ ”

2 KHRONIKL 16:10

Ynda kumta, u Asa u la bitar ïa uta u nongïohi, bad u la buh ïa u ha ka ïing byndi; namar u la sngewbitar lep ïa u namar kane. Bad u Asa u la ban bor ïa katto katne na ki briew ha kata ka por.

2 KHRONIKL 36:16

Hynrei, ki la rkhiebeiñ ïa ki nonglam-ktien jong U Blei, bad ki la ñiewbeiñ ïa ki ktien jong u, bad ki la pyrthuhbeiñ ïa ki nongïathuhlypa jong u, haduh ba ka jingbitar U Trai ka la mih pyrshah ïa ki briew jong u, katba ym don jingshna shuh.

NEHEMAÏAH 9:26

“Pynban, ki la long ki bymkohnguh bad ki la ïaleh pyrshah ïa me, bad ki la bred noh ïa ki hukum jong me shadien ka ingdong jong ki, bad ki la pynïap ïa ki nongïathuhlypa jong me kiba la phla pyrshah ïa ki, ban pynphai pat ïa ki sha me, bad ki la pynlong ïa ka jingpankwah bakhraw.

SALM 19:11

Ruh putet ha ki la maham ïa u shakri jong me: ha kaba sumar ïa ki ka don ka nong ka bakhraw.

SALM 58:11

Ba kumta ki briew kin ong, “Shisha ka don ka nong ïa u bahok: shisha don U Blei uba bishar ha ka khyndew.”

PROBERB 11:18

U bymman u ïoh ïa ka bainong kaba shukor: hynrei, uta uba bet ïa ka hok u ïoh ka nong kaba skhem.

ISAÏAH 3:10

Ong phi shaphang u bahok, ba kan bha ïa u: namar kin bam ïa u soh ki kam jong ki.

JEREMAÏAH 2:30

“Nga la sympat lehnohei ïa ki khun jong phi; kim shym la pdiang ïa ka jingsneng: ka waitlam jong phi hi ka la bam duh ïa ki nongïathuhlypa jong phi, kum u sing u bapynjot.

JEREMAÏAH 26:8

Te haba u Jeremaïah u la dep kaba kren ïa kata baroh ba U Trai u la hukum ïa u ban kren ha u paidbah baroh, ki lyngdoh bad ki nongïathuhlypa bad u paidbah baroh ki la kem ïa u, ki ïa-ong, “Da shisha men ïap!

JEREMAÏAH 37:14

Te u Jeremaïah u la ong, “Kata ka long kaba lamler; ngam kynriah sha ki Khaldi;” hynrei, um shym pynsngew ïa u: kumta, u Irijah u la kem ïa u Jeremaïah, bad u la leit lam ïa u ha ki rangbah.

MATHAÏOS 16:27

Naba U Khun u briew un sa wan ha ka burom U Kpa jong u lem bad ki angel jong u, ynda kumta, un ai ha uwei pa uwei katba kum ka jingleh jong u.

MATHAÏOS 6:16

“Haba phi shah jingit ruh, wat long kiba 'matsngewsih kum ki nongarsap; naba ki pynkynriang ïa ki khmat jong ki, ba kin pynpaw ha ki briew ba ki shah jingit. Shisha nga ong ha phi, ki la ïoh ïa la ka nong.

LOUKAS 13:34

A Jerusalem, Jerusalem, kaba pynïap noh ïa ki nongïathuhlypa, kaba lynthem maw ruh ïa kiba la phah ha pha! Katno sien nga la mon ban kdup ïa ki khun jong pha, kumba ka syiar ka kdup ïa la ki khun hapoh ki thapniang jong ka! phi te phim mon.

LOUKAS 6:23

To kmen phi ha kata ka sngi, to shadkmen ruh! naba ha khmih, ka nong jong phi ha bneng ka long kaba khraw; naba kumjuh hi ki kpa jong ki, ki la leh ïa ki nongïathuhlypa.

LOUKAS 6:35

Hynrei, to ieit ïa ki nongshun jong phi, to leh bha ruh, bad to ai kylliang, khlem da duh jingkyrmen satia; te ka nong jong phi kan long kaba khraw, bad phin long ki khun U Bahakhlieh Tam Eh; naba U long uba sbun ïa ki bymnguh bad ïa ki bymman.

KI KAM 16:25

Hynrei, hamar kaba shiteng synñia, u Paul bad u Silas ki la ïaduwai, bad ki la ïarwai ïaroh ïa U Blei, bad ki nongsah byndi ki la shahshkor ïa ki.

KI KAM 5:41

Ki te, ki la ïamih noh na khmat kata ka dorbar, ki da ïakmen namar ba la ñiew ïa ki, kiba bit ban shah jahburom na ka bynta kata ka Kyrteng.

Ka Shithi U Paul Sha Ki Nong Rom 5:3

Bad ym tang kumta hi keiñ, hynrei, ngi sngewkmen ruh ha ki jingjynjar, da tip biang ba ka jingjynjar ka pynlong ïa ka jingïaishah;

1 KORINTH 3:8

Te uta uba thung bad uta u ba ai um ki ïalong kawei, hynrei, uwei pa uwei un pdiang ïa la ka jong ka bainong katba kum ka jingtrei jong u hi.

2 KORINTH 4:17

Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut,

PHILIPPI 1:29

Naba ha phi, la ai na ka bynta U Khrist, ym tang ban ngeit ha u, hynrei, ban shah shitom ruh na ka bynta jong u;

PHILIPPI 2:17

Ho-oid, wat lada la theh noh ïa nga kum ka jingainguh dih ha ka jingkñia bad ka jingshakri ka jingngeit jong phi, nga sngewkmen, bad nga leh kmen lem bad phi baroh.

KOLOSSAI 1:24

Mynta, nga kmen ha ki jingshah jong nga na ka bynta jong phi, bad nga, ha lade hi, nga pyndap ha ka doh jong nga ïa kita kiei kiei kiba dang sah na ki jingshahshitom U Khrist na ka bynta ka met jong u, kaba long ka balang:

KOLOSSAI 3:24

haba phi tip ba na U Trai phin ïoh pdiang ïa ka bainong jong kata ka bynta: naba phi shakri ïa U Khrist uba U Trai.

1 THESSALONI 2:15

kiba la pynïap noh ïa U Jisu uba U Trai bad ïa ki nongïathuhlypa, bad kiba la beh noh ïa ngi; bad kim pynsngewbha ïa U Blei, bad ki ïaleh pyrshah ïa ki briew baroh;

HEBRU 10:34

Namar phi la sngewlem bad kita kiba shah ha ki jingkhum, bad phi la ïashah da kaba kmen ïa ka ban lute ïa kita kiei kiei kiba phi don, da kaba tip skhem ba phi hi, phi don ka bynta kaba kham bha, bad kaba neh.

HEBRU 11:26

u da ñiew ïa ka jingkrenbeiñ ïa U Khrist ka spah ba kham khraw ban ïa ki jingkynshew ka Ijipt; namar u la khmih keiñ sha kata ka jingïoh bainong.

HEBRU 11:33

kiba, da ka jingngeit, ki la jop noh ïa ki hima, ki la leh ïa ka hok, ki la ïoh ïa ki jingkular, ki la set ïa ka shyntur ki sing,

HEBRU 11:6

hynrei, khlem ka jingngeit, ym lah ban pynsngewbha ïa u: namar ka dei ïa uta uba wan hajan U Blei ban ngeit ba u don, bad ba u long uba ai nong ïa kita kiba wad ïa u.

JAKOB 1:2

To phin ñiew ïa ka, ka jingkmen suda, ko parabangeit jong nga, haba phi hap ha ki jingtynjuh babun jaid;

JAKOB 5:10

To shim, ko parabangeit jong nga, ïa kita ki nongïathuhlypa kiba la kren ha ka kyrteng U Trai, kum ka rukom ka jingshahshitom bad ka jingshahslem.

1 PETROS 4:13

hynrei, kat kumba phi ïoh bynta lem na kita ki jingshahshitom U Khrist, to kmen noh; ba ha kata ka jingpynpaw ïa ka burom jong u, phi ruh, phin ïoh kmen da ka jingkmen kaba khraw.

RUTH 2:12

To U Trai un pynbiang kum ka kam jong pha, bad to ai ba ka bainong jong pha kan long kaba janai na U Trai, U Blei ki Israel, uba pha la wan ban rieh hapoh ki thapniang jong u.”