MATHAÏOS 5:10 - KA BAIBL

¹⁰ “Suk kiba ïoh pynshitom na ka bynta ka hok: naba jong ki, long ka hima ki bneng.

Khasi CL Bible (BSI)

¹⁰ Suk kito kiba shah pynshitom beiñ namar ba ki leh ïa kaei kaba U Blei u dawa; ka Hima ki bneng ka long ka jong ki!

MATHAÏOS 5:10 ပူးပေါင်းရင်းမြစ်များ

SALM 37:12

U bymman u ïashet pyrshah ïa u bahok, bad u kyr-iat ïa la ki bniat ha u.

ISAÏAH 66:5

To sngap ïa ka ktien U Trai, phi kiba khynñiuh ha ka ktien jong u: “Ki para jong phi kiba shun ïa phi, kiba la shop noh shabar ïa phi na ka bynta ka kyrteng jong nga, ki la ong, ‘Ai ba yn pyndonburom ïa U Trai, ba ngin ïohi ïa ka jingkmen jong phi;’ ki, hynrei, kin sngewlehrain.

MATHAÏOS 10:23

Hynrei, haba ki ïabehbeiñ ïa phi ha kawei ka shnong, to ïaphet sha kawei pat: naba shisha nga ong ha phi, ba phin ym pat lah pyndep ïa ki shnong ki Israel, tad ynda un wan U Khun u briew.

MATHAÏOS 19:14

U Jisu te u la ong, “Shah ïa ki khunlung ban wan ha nga, bad wat khang ïa ki, naba ïa kiba kum kita, long ka hima ki bneng.”

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

MATHAÏOS 5:3

“Suk ki baduk ha ka mynsiem: naba jong ki, long ka hima ki bneng.

MARKOS 10:14

Hynrei, haba U Jisu u la ïohi ïa kata, u la sngewsih eh, bad u la ong ha ki, “To shah ïa ki khunlung ban wan ha nga, to wat khang ruh ïa ki: naba ïa kiba kum kita, long ka hima U Blei.

MARKOS 10:30

hynrei, un ïoh diang keiñ shispah shah ïa katta mynta ha kane ka por, ïa ki ïing, bad ïa ki hynmen hynbew shynrang bad kynthei, bad ïa ki kmie, bad ïa ki khun, bad ïa ki bri de, lem bad ki jinglehbeiñ; bad ha ka pyrthei ka ban sa wan, ka jingim bymjukut.

LOUKAS 21:12

Hynrei, shuwa ïa kine kiei kiei baroh, kin kem ïa phi bad kin pynshitom ruh ïa phi, ki da ai noh ïa phi ha ki synagog bad ha ki ïing byndi, ki da leit lam ruh ïa phi ha khmat ki syiem bad ki nongsynshar, na ka bynta ka kyrteng jong nga.

LOUKAS 22:29

Nga te nga kular skhem ha phi ïa ka hima, kumba U Kpa jong nga u la ai ha nga,

LOUKAS 6:20

U te haba u la peit la ki khmat ha ki synran jong u, u la ong, “Suk ma phi ki baduk; naba ka jong phi long ka hima U Blei.

LOUKAS 6:22

“Suk ma phi ynda ki briew kin shun ïa phi, bad ynda kin tait ïa phi bad kin lehbeiñ ïa phi, bad kin ot beiñ noh ruh ïa ka kyrteng jong phi kum ka bymman, na ka bynta U Khun u briew.

ÏOANNIS 15:20

To kynmaw ïa kata ka ktien kaba nga la ong ma nga ha phi, ‘U shakri um long uba kham khraw ïa u kynrad jong u.’ Lada ki la lehbeiñ ïa nga, kin lehbeiñ ruh ïa phi; lada ki la sumar ïa ka ktien jong nga, kin sumar ïa ka jong phi ruh.

KI KAM 5:40

Bad ki la ïakohnguh ha u; te haba ki la lah khot ha ki ïa ki apostol, ki la sympat ïa ki, bad ki la adong ïa ki ban ïalap ha ka kyrteng jong U Jisu, bad ki la pyllait noh ïa ki.

KI KAM 8:1

Te u Saul u la ïamynjur lem ïa ka jingpynïap ïa u. Ha kata ka sngi te, la jia ka jingpynshitom beiñ bakhraw ïa ka balang kaba ha Jerusalem, te la pynsakma ïa ki baroh, kylleng ki ri Judia bad Samaria, lait sa tang ki apostol.

2 KORINTH 4:17

Namar ka jingjynjar basting jong ngi kaba tang shibit, ka nang pynlong na ka bynta jong ngi ka jingkhia ka burom kaba palat eh bad ka bymjukut,

PHILIPPI 1:28

bad khlem da pynsheptieng ïa phi ha kaei kaei ruh, da kita ki nongshun: kaba long ha ki, ka dak shynna ka jingpynjot, hynrei, ha phi ka jingpynim keiñ, kata ruh, na U Blei.

2 TIMOTHI 2:12

lada ngi ïaishah, ngin ïasynshar ruh lem bad u; lada ngin len ïa u, u ruh un len ïa ngi:

2 TIMOTHI 3:11

ki jingshah behbeiñ, ki jingshahshitom jong nga; kiba katno ki la jia ha nga ha Antiok, ha Ikoniom, ha Lystra; ïa kiba katno ki jingbehbeiñ nga la shah: hynrei, na ki baroh U Trai u la pyllait ïa nga.

JAKOB 1:12

Suk uta u briew uba ïaishah ïa ka jingtynjuh; naba haba la tynjuh ïa u, un ïoh diang ïa kata ka pansngiat ka jingim, ïa kaba U Trai u la kular ha kita kiba ieit ïa u.

JAKOB 5:11

Ha khmih, ngi ñiew suk ïa kita kiba ïaishah: phi la ïohsngew shaphang ka jingïaishah u Job, bad phi la ïohi ïa kata ka jingpynkut U Trai, ba U Trai u long uba dap da ka jingisynei, bad uba leh isynei thoiñ.

1 ÏOANNIS 3:12

ym kumba u Kain u la long na uta u basniew, bad u la pynïap noh ïa la u para. Te na ka balei u la pynïap noh ïa u? Naba ki jingleh jong u hi ki long ki basniew, hynrei, kita ki jong uta u para jong u ki bahok.

JINGPYNPAW 2:10

To wat sheptieng ïa kita kiei kiei ruh kiba phan sa shah: ha khmih, uta u Soitan un sa bred ïa kiba na phi ha ka ïing byndi, ba yn ïoh tynjuh ïa phi; te phin ïoh ïa ka jingshahshitom shiphew sngi. To long pha kaba ïaineh haduh ka jingïap, bad ngan ai ha pha ïa kata ka pansngiat jong ka jingim.