MATHAÏOS 5:1 - KA BAIBL

¹ Te haba u ïohi ïa ki paidbah, u la kiew sha u lum: haba u la shong ruh, ki la ïawan ha u ki synran jong u:

Khasi CL Bible (BSI)

¹ U Jisu u la ïohi ïa ki paidbah bad u la kiew sha u lum, ha uba u la shong. Ki synran jong u ki la ïalum sawdong ïa u,

MATHAÏOS 5:1 ပူးပေါင်းရင်းမြစ်များ

MATHAÏOS 13:2

Ki paidbah babun ruh ki la ïawan lang ha u, katba u la kiew halor ka lieng, bad u la shong; uta u paidbah baroh te u dang ïeng harud duriaw.

MATHAÏOS 15:29

Te haba U Jisu u la leit noh nangta, u la wan hajan ka duriaw Galilaïa; haba u la kiew ruh sha u lum, u la shong hangta.

MATHAÏOS 4:25

Ki la ïabud ruh ïa u ki paidbah byllien kiba na Galilaïa bad na Dekapolis bad na Jerusalem bad na Judia bad na sha shiliang ka Jordan ruh de.

MATHAÏOS 5:2

bad haba u la ang ïa la ka shyntur u la hikai ruh ïa ki, u da ong:

MARKOS 3:13

Ynda kumta, u kiew sha u lum, bad u khot ha u ïa kiba u mon hi, te ki la wan ha u.

MARKOS 3:20

Te ki la wan sha ïing. U paidbah te u la wan lang pat, katba kim ïoh shuh wat ïa ka ban bam jingbam.

MARKOS 4:1

U la sdang ruh ban hikai pat harud ka duriaw: te u paidbah byllien u la wan lang ha U, katba U la kiew ha ka lieng ban ïoh shong halor ka duriaw; uta u paidbah baroh te u la don harud kata ka duriaw ha ryngkew.

LOUKAS 6:12

Ka la jia ruh ha kita ki sngi, ba u la leit noh sha u lum ban duwai; u la sah ruh baroh shi miet ha ka jingduwai ha U Blei.

LOUKAS 6:17

Te haba u la hiar arsut lem bad ki, u la ïeng ha ka jaka madan, bad shibun na ki synran jong u, bad u paidbah byllien na Judia baroh, bad na Jerusalem, bad narud duriaw Tyros bad Sidon, kiba la wan ban ïohsngew ïa U, bad ba yn pynkhiah ruh ïa ki na ki jingpang jong ki;

LOUKAS 6:20

U te haba u la peit la ki khmat ha ki synran jong u, u la ong, “Suk ma phi ki baduk; naba ka jong phi long ka hima U Blei.

LOUKAS 9:28

Ka la jia te kumba phra sngi hadien kine ki ktien, ba u la shim lem ïa u Petros, bad ïa u Ïoannis, bad ïa u Jakob, bad u la leit kiew sha u lum ban duwai.

ÏOANNIS 6:15

Namar kata, haba U Jisu u la tip ba kin sa wan thung syiem ïa u da ka bor, u la kynriah noh pat sha uta u lum marwei hi.