MATHAÏOS 4:4 - KA BAIBL

⁴ Hynrei, U la ïathuh bad U la ong, “La thoh: “ ‘Bym tang da u kpu hi ba un im u briew, hynrei, da ki ktien baroh ba mih noh na ka shyntur U Blei.’ ”

Khasi CL Bible (BSI)

⁴ Hynrei U Jisu u la jubab, “Ka Jingthoh bakhuid ka ong, ‘U bynriew um im tang da u kpu hi, hynrei u donkam ïa kawei pa kawei ka kyntien kaba U Blei u kren.’ ”

MATHAÏOS 4:4 ပူးပေါင်းရင်းမြစ်များ

EKSODOS 16:15

Te haba ki khun Israel ki la ïohi ïa ka, ki la ïa-ong paralok hi, “Ka manna?” naba kim tip kaei ka long. Te u Moses u la ong ha ki, “Une uta u kpu ïa uba U Trai u la ai ha phi ba phin bam.

EKSODOS 16:35

Ki khun Israel te ki la ïabam ïa ka manna sawphew snem, tad ynda ki la ïawan poi sha ka ri kaba shong briew; ki la ïabam keiñ ïa ka manna tad ynda ki la ïawan poi sha ki rud ka ri Kanaan.

EKSODOS 16:8

Te u Moses u la ong, “Kane kan long, haba U Trai un da ai ha phi la janmiet ïa ka doh ban bam, bad mynstep ïa u kpu haduh ban da kdang ruh; namar ba U Trai u la ïohsngew ïa ki jingkhñium jong phi ïa kiba phi khñium ïa u: ngi long aïu ma ngi? ki jingkhñium jong phi kim long ïa ngi, hynrei, ïa U Trai keiñ.”

EKSODOS 23:15

Men rakhe ïa Ka Jingkhawai Niam U Kpu Bakhlem Thiat: hynñiew sngi men bam ïa u kpu bakhlem thiat, kumba nga la hukum ïa me ha ka por ba la buh ha u bnai Abib (naba ha uta me la mih na ka ri Ijipt); bad wat ai ban mihpaw suda uwei ruh ha khmat jong nga:

MATHAÏOS 15:11

Ym dei kata kaba rung ha ka shyntur kaba pyntngit ïa u briew, hynrei, kaba mih noh na ka shyntur, kata keiñ kaba pyntngit ïa u briew.”

MATHAÏOS 4:10

Ynda kumta, U Jisu u la ong ha u, “Khie leit noh, me u Soitan: naba la thoh: “ ‘Men mane ïa U Trai uba U Blei jong me, tang ïa u hi ruh men shakri.’ ”

MATHAÏOS 4:7

U Jisu u la ong ha u, “La thoh pat: ‘Men ym tynjuh ïa U Trai uba U Blei jong me.’ ”

MARKOS 7:20

U la ong ruh, “Kata kaba mih noh na u briew, kata keiñ, ka pyntngit ïa u briew:

LOUKAS 4:12

U Jisu te U da ïathuh U la ong ha u, “La ong: ‘Men ym tynjuh ïa U Trai uba U Blei jong me.’ ”

LOUKAS 4:4

Te U Jisu u la ïathuh ha u, “La thoh: ‘Ym tang da u kpu hi ba un im u briew, hynrei, da ki ktien baroh ki jong U Blei.’ ”

LOUKAS 4:8

U Jisu te U la ïathuh bad U la ong ha u, “Khie leit noh shadien jong nga, me u Soitan: naba la thoh: “ ‘Men mane dem ïa U Trai uba U Blei jong me, tang ïa u hi ruh men shakri.’ ”

ÏOANNIS 15:26

“Hynrei, ynda la wan uta U Nongpyntngen, ïa uba nga ngan phah ha phi na U Kpa, ïa U Mynsiem ka jingshisha keiñ, uba mih noh na U Kpa, uta keiñ un phla shaphang jong nga.

ÏOANNIS 6:63

Ka long ka mynsiem kaba pynim: ka doh kam pynmyntoi ei ei ruh em. Kita ki ktien kiba nga la kren ha phi, ki long ka mynsiem, bad ki long ka jingim.

Ka Shithi U Paul Sha Ki Nong Rom 15:4

Namar ïa kiei kiei baroh ba la thoh mynbarim, la thoh khnang ban long ka jinghikai ïa ngi keiñ; ba da ka jingïaishah bad da ka jingpyntngen jong kita Ki Jingthoh, ngin dup ïoh ka jingkyrmen.

EPHESOS 6:17

To shim ruh ïa ka jingda khlieh ka jingpynim, bad ka waitlam U Mynsiem, kaba long ka ktien U Blei keiñ:

DEUTERONOMI 8:3

U la pynrit te ïa me, bad u la shah ïa me ban sngewthngan, bad u la bsa ïa me da ka manna, ïa kaba mem ju tip, lymne ki kpa jong me kim ju tip; khnang ba un pyntip ïa me ba u briew um im tang da u kpu, hynrei, ba u briew u im da ka ktien baroh kaba mih noh na ka shyntur jong U Trai.