MATHAÏOS 4:24 - KA BAIBL

²⁴ Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.

Khasi CL Bible (BSI)

²⁴ Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh.

MATHAÏOS 4:24 ပူးပေါင်းရင်းမြစ်များ

2 SAMUEL 8:6

Hangta u Dabid u la buh ïa ki karod ha Syria jong ka Damaskos: te kita ki Syria ki la long ki khun kliarwait ha u Dabid, bad kiba ai khrong. Bad U Trai u la ai ka jingjop ïa u Dabid kat shaba u la leit.

1 SYIEM 10:1

Te haba ka syiem Sheba ka la ïohsngew ïa ka nam u Solomon shaphang ka kyrteng U Trai, ka la wan ban tynjuh ïa u da ki jingkylli kiba eh.

1 SYIEM 4:31

Naba u la long kham stad ban ïa ki briew baroh; ban ïa u Ethan u nong Esrah, bad ïa u Heman, bad u Kalkol, bad u Darda, ki khun u Mahol: bad ka nam jong u ka la don ha baroh ki jaid bynriew kiba kylleng sawdong.

1 KHRONIKL 14:17

Bad ka nam u Dabid ka la phriang ha ki ri baroh; bad U Trai u la wallam ka jingsheptieng ïa u ha ki jaid bynriew baroh.

1 KHRONIKL 29:2

Te nga la khreh katba lah la ka bor na ka bynta ka ïing U Blei jong nga, ka ksiar ïa kiei kiei kiba da ka ksiar, bad ka rupa ïa kiei kiei kiba da ka rupa, bad ka rnong ïa kiei kiei kiba da ka rnong, u nar ïa kiei kiei kiba da u nar, bad ka dieng ïa kiei kiei kiba da ka dieng; ki maw Oniks, bad ki maw ban buh, ki maw ban pynitynnad, bad kiba bun rong, bad ki kynja mawkordor baroh, bad ki mawleiñ byllai.

EKSODOS 15:26

bad u la ong, “Lada men sngap biang biang ruh ïa ka ktien jong U Trai U Blei jong me, bad lada men leh ruh ïa kata kaba dei ha khmat jong u, bad men shahshkor ruh ïa ki hukum jong u, da kaba rakhe ïa ki niam ki rukom jong u baroh, ngan ym da buh ha me kawei ruh keiñ na kita ki jingpang ïa kiba nga la wallam halor ki Ijipt: naba ma nga, nga long U Trai uba pynim ïa me.”

MATHAÏOS 12:22

Ynda kumta, la wallam ha U ïa uba shong ksuid u bamatlah bad u bymnangkren; bad U la pynkhiah ïa u, kat haduh ba uta u bamatlah bad u bymnangkren u la ïohi bad u la kren ruh.

MATHAÏOS 14:1

Mynkata u Herod uba u Tetrark u la ïohsngew ïa ka jingbna shaphang U Jisu,

MATHAÏOS 15:22

Ha khmih ruh, ka kynthei ka nong Kanaan ka la wan na kita ki phang, bad ka la kyrpad ïa u, ka da ong, “To isynei ïa nga, ko Trai, U Khun u Dabid! ka khun jong nga ka kordit eh ba ka shong ksuid.”

MATHAÏOS 17:15

“Ko Trai, to isynei ïa u khun jong nga; naba u pang bhur, u kordit eh ruh, naba u hap jyndei ha ka ding, jyndei ha ka um ruh.

MATHAÏOS 17:18

Te U Jisu u la sneng ïa uta u ksuid, u ruh u la mih noh na u; te uta u khynnah u la khiah naduh kata ka por.

MATHAÏOS 4:23

Bad U Jisu u la leit kylleng ka Galilaïa baroh, u da hikai ha ki synagog jong ki, bad u da ïalap ïa ka gospel ka hima, u da pynkhiah de ïa ki jingpang baroh bad ïa ki jingkhrew baroh ruh ha ki briew.

MATHAÏOS 8:28

Te haba u la wan sha shiliang sha ka ri ki Gadara, la ïawan tan ïa u ar ngut kiba shong ksuid, kiba da mih noh na ki maw jingtep, kiba runar eh, katba ym don uba shlan ban leit na kata ka lynti.

MATHAÏOS 8:33

Te kita kiba ïa-ap ïa ki, ki la ïaphet noh; bad haba ki la ïapoi ha kata ka shnong, ki la ïathuh ïa kiei kiei baroh, bad ïa kaba la jia ha kita kiba shong ksuid ruh.

MATHAÏOS 8:6

u da ong, “Ko Kynrad, u shakri jong nga u thiah ha ïing ba u pang ïapshiliang, u da kordit eh.”

MATHAÏOS 9:26

Ka jingbna ïa kata te ka la leit kylleng ha kata ka ri baroh.

MATHAÏOS 9:35

U Jisu u la ïaid ruh kylleng sha ki nongbah bad ki nongrit baroh, u da hikai ha ki synagog jong ki, bad u da ïalap ïa ka gospel ka jong ka hima, bad u da pynkhiah ïa ka jingpang baroh bad ïa ka jingkhrew baroh de.

MARKOS 1:28

Te shen shen ruh, ka jingbna shaphang jong U ka la phriang kylleng sawdong kata ka ri Galilaïa baroh.

MARKOS 1:32

Ynda la janmiet te, haba la sep ka sngi, ki la wallam ha u ïa ki bapang baroh, bad ïa kita kiba shong ksuid ruh.

MARKOS 2:3

Ki wan ruh ha U kiba wallam ïa uwei u bapang ïapshiliang, ïa uba ki bah saw ngut.

MARKOS 2:4

Te ynda kim lah wan hajan jong U namar uta u paidbah, ki la ïalied noh ïa ka jingsop na ka jaka ha kaba U la don, bad haba ki la pynpei, ki la ïa-pynhiar noh ïa ka jingthiah ha kaba u la thiah uta u bapang ïapshiliang.

MARKOS 2:9

kano kaba kham jem, ban ong ha uta u bapang ïapshiliang, ‘La map ïa ki pop jong me’; ne ban ong, ‘To ïeng, to rah noh ïa la ka jingthiah, to ïaid ruh?’

LOUKAS 2:2

(Kane ka la long ka jingkheiñ ka banyngkong mynba u Kyrinios u long lyngskor ha ri Syria.)

LOUKAS 4:14

Ynda kumta, U Jisu u la wan phai pat ha ka bor U Mynsiem sha Galilaïa: te ka nam shaphang jong u ka la phriang baroh sawdong kata ka ri.

LOUKAS 4:38

Ynda U la ïeng noh na kata ka synagog, U la leit rung hapoh ka ïing u Simon. Te ka khieshoh kaba jur eh ka la ngat ha ka syngken kurim u Simon; bad ki la kyrpad ïa U na ka bynta jong ka.

LOUKAS 5:15

Hynrei, ka ktien shaphang jong U ka la nang kham phriang pynban; bad ki paidbah babun ki la ïawan lang ban ïohsngew, bad ban ïoh pynkhiah na ki jingpang jong ki.

LOUKAS 5:24

Hynrei, ba phin ïoh tip ba U Khun u briew u don bor ha ka khyndew ban map ïa ki pop” (U la ong ha uta u bapang ïapshiliang), “Nga ong ha me, To ïeng, to bah noh ïa la ka jingthiah, to khie leit noh ruh sha la ïing.”

LOUKAS 7:17

Te kane ka jingbna shaphang jong U ka la phriang noh kylleng ka Judia baroh, bad kylleng kata ka ri kaba baroh sawdong.

ÏOANNIS 10:21

Kiwei ki la ïa-ong, “Kine kim long ki jingong jong uba don u ksuid: u ksuid u lah ban pynpeit ïa ki khmat jong ki bamatlah?”

KI KAM 10:38

shaphang U Jisu uba na Nasaret, kumno ba U Blei u la pynsleh ïa u da U Mynsiem Bakhuid, bad da ka bor, uba la ïaid kylleng u da leh babha, bad u da pynkhiah ïa kita baroh kiba la ban shitom da u Soitan; naba U Blei u long ryngkat bad u.

KI KAM 15:23

Te ki la thoh lem bad ki kumne: “Ki apostol bad ki tymmen basan, ha kita ki parabangeit kiba na ki Jentil ha Antiok bad Syria bad Kilikia de, Khublei.

KI KAM 15:41

Bad u la leit lyngba ïa ka Syria bad ka Kilikia, u da pynskhem ïa kita ki balang.

KI KAM 28:9

Te ynda la leh ïa kane, kita kiwei ruh kiba la don ki jingpang ha kata ka 'dewlynnong ki la ïawan ha u, bad la pynkhiah ïa ki;

KI KAM 8:7

Namar ki mynsiem bymkhuid haba ki la pyrta da ka ktien bajam, ki la mih noh na shibun ha kiba ki la ju shong; shibun kiba la pang ïapshiliang, bad ki ba-dkoh, la pynkhiah.

JOSHUA 6:27

Kumta U Trai u la don lem bad u Joshua; bad ka nam jong u, ka la phriang ïa ka ri baroh.