MATHAÏOS 4:10 - KA BAIBL

¹⁰ Ynda kumta, U Jisu u la ong ha u, “Khie leit noh, me u Soitan: naba la thoh: “ ‘Men mane ïa U Trai uba U Blei jong me, tang ïa u hi ruh men shakri.’ ”

Khasi CL Bible (BSI)

¹⁰ Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

MATHAÏOS 4:10 ပူးပေါင်းရင်းမြစ်များ

1 KHRONIKL 21:1

Te u Soitan u la ïeng ïaleh ïa ki Israel, bad u la pynkhih ïa u Dabid ban kheiñ ïa ki Israel.

Ka Kitab U Job 1:12

Te U Trai u la ong ha u Soitan, “Ha khmih, kiei kiei baroh kat kiba u don ki ha ka bor jong me; tang halor jong u hi wat rah la ka kti.” Kumta u Soitan u la leit mih noh na khmat U Trai.

Ka Kitab U Job 1:6

Te la jia ka sngi haba ki khun U Blei ki la wan ïeng ha khmat U Trai, bad u Soitan ruh u la wan hapdeng jong ki.

Ka Kitab U Job 2:1

Te la jia ka sngi pat ïa ki khun U Blei ban wan ïeng ha khmat U Trai, bad u Soitan ruh u la wan hapdeng jong ki ban ïeng ha khmat U Trai.

SALM 109:6

To buh ma me da u riewbymman halor jong u: bad ai un ïeng ha ka kti kamon jong u da u nongïaleh pyrshah.

EKSODOS 23:25

Phin shakri te ïa U Trai U Blei jong phi, te un kyrkhu ïa u kpu jong me, bad ïa ka um jong me; bad ngan shim noh ïa ka jingpang napdeng jong me.

ISAÏAH 30:22

Bad phin pyntngit ïa ka jingsuit ïa ki durblei rupa ba la mut, bad ïa ka jingsop la ki durblei ksiar ba la saiñ: men bred noh ïa ki kum ïa kaei kaei ka basang; men ong ha ka, “To khie noh nangne.”

MATHAÏOS 16:23

Haba U la phai te U la ong ha u Petros, “Khie leit shadien jong nga, me u Soitan! Me long u mawjynthut ïa nga! naba mem ñiew ïa kiei kiei ki jong U Blei, hynrei, ïa kiei kiei ki jong ki briew.”

MARKOS 1:13

U la don te ha kata ka ri khlaw sawphew sngi, ba la pynshoi ïa u da u Soitan; bad u la don ryngkat bad ki mrad khlaw, bad ki angel ki la ïashakri ïa u.

LOUKAS 10:18

U te u la ong ha ki, “Nga la ïohi ïa u Soitan ba u hap kum ka leilieh na bneng.

LOUKAS 11:18

Te lada u Soitan ruh u ïaleh hi ïa lade, kumno kan neh ka hima jong u? naba phi ong ba nga beh noh ïa ki ksuid da u Belsebul.

LOUKAS 13:16

Ïa kane ka briew te, kaba long ka khun u Abraham, ïa kaba u Soitan u la khum, ha khmih, jin khatphra snem, kam dei ban pyllait ïa ka na kane ka jingkhum ha ka sngi Sabbaton?”

LOUKAS 22:3

Ynda kumta, u Soitan u la leit bsut hapoh u Judas ïa uba la sin “Iskariot”, uba long uwei na ki khat-ar ngut.

LOUKAS 22:31

U Trai u la ong ruh, “Ko Simon, Simon, ha khmih u Soitan u la pan ban ïoh ïa phi, ïa ka ban ïoh tai ïa phi kum ïa u Kew:

LOUKAS 4:8

U Jisu te U la ïathuh bad U la ong ha u, “Khie leit noh shadien jong nga, me u Soitan: naba la thoh: “ ‘Men mane dem ïa U Trai uba U Blei jong me, tang ïa u hi ruh men shakri.’ ”

ÏOANNIS 13:27

Te hadien kata ka shi dkhot, hangta u Soitan u la bsut ha u. Namar kata, U Jisu u la ong ha u, “Ïa kaba men sa leh, to leh kloi kloi ruh.”

KI KAM 26:18

ban pynpeit ïa ki khmat jong ki, ba kin ïoh phai na ka jingdum sha ka jingshai, bad na ka bor jong u Soitan sha U Blei, ba kin ïoh pdiang kaba map ki pop, bad ka bynta hapdeng kita ïa kiba la pynkhuid da ka jingngeit kaba ha nga.’ ”

KI KAM 5:3

Hynrei, u Petros u la ong, “Ko Ananias, hato balei ba u Soitan u la pyndap ïa ka dohnud jong me, ïa ka ban shukor ïa U Mynsiem Bakhuid, bad ban buhrieh noh shi bynta na ka dor kata ka bri?

1 KORINTH 5:5

ban aiti noh ïa uba kat uta ha u Soitan, ïa ka ban pynjot ïa ka doh, khnang ba yn ïoh pynim ïa ka mynsiem ha ka sngi U Jisu uba U Trai.

1 KORINTH 7:5

Wat ïashukor phi shi tnga lymda na kaba ïakut lem shi por, khnang ba phin ïoh aiti ïa lade ha kaba duwai, te to ïapoi lem pat hajuh, ba u Soitan un ym ïoh pynshoi ïa phi namar ka jingkwah awria jong phi.

2 KORINTH 11:14

Ngin lyngngoh lei ïa kata? namar u Soitan hi u pynsyriem ïa lade ïa u angel ka jingshai.

2 KORINTH 12:7

Hynrei, khnang ba ngan ym sngewkhraw palat eh namar ka jingkhraw kor tam eh kita ki jingpynpaw, la buh ha nga ïa u shiah ha ka doh, ka jingphah u Soitan ban ïoh pynshitom ïa nga, khnang ba ngan ym sngewkhraw palat eh keiñ.

2 KORINTH 2:11

ba yn ym leh phon ïa ngi da u Soitan, namar ngim long ki bymtip ïa ki buit jong u!

DEUTERONOMI 10:20

Men sheptieng ïa U Trai uba U Blei jong me; ïa u hi men shakri; bad ha u men snoh, bad ha ka kyrteng jong u ruh men smai.

JAKOB 4:7

Namar kata, to da pynkohnguh ïa lade ha U Blei; hynrei, to ïaleh pyrshah ïa u Soitan, te un phet ïap noh na phi.

JOSHUA 24:14

“Mynta namar kata, to sheptieng ïa U Trai, bad to shakri ïa u ha ka jingjanai bad ha ka jingshisha: bad to iehnoh ïa kita ki blei kiba ki kpa jong phi ki la ïashakri sha shiliang kata ka Wah, bad ha Ijipt; bad to shakri phi ïa U Trai.

1 PETROS 5:9

Ïa uta to phin ïaleh pyrshah, kiba skhem ha la ka jingngeit, da kaba tip ba dang pyndep ïa kita kijuh hi ki jingshahshitom ha kita ki parabangeit jong phi kiba ha ka pyrthei.

1 SAMUEL 7:3

Te u Samuel u la kren ha ka ïing Israel baroh, u da ong, “Lada phin phai noh sha U Trai da ka dohnud jong phi baroh, to bred noh ïa kita ki blei khyllah bad ïa ki Ashtaroth napdeng jong phi, bad to khreh ïa la ki dohnud sha U Trai, to shakri ruh tang ïa u hi: u te un pyllait noh ïa phi na ka kti ki Philistia.”