MATHAÏOS 3:7 - KA BAIBL

⁷ Hynrei, haba u la ïohi ba bun na ki Pharisi bad ki Saddusi ki ïawan sha ka jingbaptis jong u, u la ong ha ki, “A phi ki khun ki ksiew ki bseiñ, uei ba la maham ïa phi ban phet ïap noh na kata ka jingbitar ka ban sa lap?

Khasi CL Bible (BSI)

⁷ Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

MATHAÏOS 3:7 ပူးပေါင်းရင်းမြစ်များ

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

PROBERB 28:4

Kita kiba iehnoh noh ïa ka hukum ki ïaroh ïa ki bymman: hynrei, kat kiba sumar ïa ka hukum, ki ïaleh ïa ki.

ISAÏAH 59:5

Ki pdem ïa ki pylleng jong u bseiñ, bad ki thain ïa ka snur thapbawa: uta uba bam ïa ki pylleng jong ki, u ïap, bad kata ïa kaba la khñiot, ka kylla 'seiñpuh.

JEREMAÏAH 51:6

“To phet noh napdeng ka Babilon, bad man u briew to un pynim ïa la ka jingim; wat ai ba yn ot noh ïa phi ha ka jingbymhok jong ka: naba ka dei ka por ka jingpynhiar kput U Trai; un siew ha ka, ïa ka kput.

JEREMAÏAH 6:10

Hano ngan kren bad ngan phla, ba kin dup sngew? Ha khmih, ka shkor jong ki ka long khlem otsher, bad kim lah ban sngap: ha khmih, ka ktien U Trai ka la long ha ki ka jingbeiñ; kim don ka jingsngewbha ha ka.

MATHAÏOS 12:24

Hynrei, haba kita ki Pharisi ki la ïohsngew ki la ïa-ong, “Une u briew um beh noh ïa ki ksuid, lymda da u Belsebul u rangbah ki ksuid.”

MATHAÏOS 12:34

A phi ki khun ki ksiew ki bseiñ! Phi ki bymman, kumno phi lah ban kren ka babha? naba na ka jingshlei ka dohnud ba ka kren ka shyntur.

MATHAÏOS 15:12

Ynda kumta, ki synran jong u ki la ïawan, bad ki la ïa-ong ha u, “Me tip ne em ba haba kita ki Pharisi ki la ïohsngew ïa kane ka ktien, ki la sngewthut?”

MATHAÏOS 16:1

Haba ki Pharisi bad ki Saddusi ruh ki la ïawan hajan, ki da tynjuh ïa u, ki la ïapan ba un pyni ïa ka dak na bneng ha ki.

MATHAÏOS 16:6

U Jisu te u la ong ha ki, “To sumar, to kiar na u thiat ki Pharisi bad ki Saddusi.”

MATHAÏOS 22:15

Ynda kumta, ki Pharisi ki la leit ban ïasylla kumno ba kin ïoh ïariam ïa u ha ka ktien.

MATHAÏOS 22:23

Ha kata ka sngi ki la wan ha u ki Saddusi, kiba ong ba ka jingmihpat kam long: te ki la kylli ïa u,

MATHAÏOS 22:34

Te haba ki Pharisi ki la ïohsngew ba u la pynduh nia ïa ki Saddusi, ki la ïalum lang.

MATHAÏOS 23:33

A ki bseiñ! Ki khun ki ksiew ki 'seiñpuh! kumno phin ïohlait na ka jingshitom ka dujok?

MATHAÏOS 5:20

Naba nga ong ha phi, ba lada ka hok jong phi kam da long kaba kham palat shikatdei ïa ka jong ki nongthoh bad ki Pharisi, phin ym ïoh rung satia ha ka hima ki bneng.”

MARKOS 12:13

Ki la phah te ha u kiba na ki Pharisi bad kiba na ki nongbud u Herod, ba kin riam ïa u ha kaba kren.

MARKOS 12:18

Ynda kumta, ki Saddusi ki la wan ha u, kiba ong bymdon ka jingmihpat, bad ki la kylli ïa u, ki da ong,

MARKOS 8:15

Te u la hukum ïa ki, u da ong, “To sumar, to kiar na u thiat ki Pharisi, bad na u thiat u Herod.”

LOUKAS 16:14

Kita ki Pharisi ruh, kiba ieit sbai eh, ki la ïohsngew ïa kine kiei kiei baroh, te ki la pynran beiñ ïa la ki khmut ïa u.

LOUKAS 18:11

Uta u Pharisi, haba u la ïeng, u la duwai ha lade kumne: ‘A U Blei, nga nguh ïa me ba ngam long kum kiwei ki briew, kiba shim da ka bor, ki bymhok, ki baklim, lane kum une u nongkhrong ruh.

LOUKAS 7:30

Hynrei, ki Pharisi bad ki riewsaid, ki la kyntait noh ïa ka mon U Blei sha ka ban sniew ïa lade, haba ym shym la pynbaptis ïa ki da u.

ÏOANNIS 1:24

Kita te ïa kiba la phah, ki la long na ki Pharisi.

ÏOANNIS 8:44

Phi, phi long na u kpa jong phi, u Soitan, bad ïa ki jingkwah jong uta u kpa jong phi, phi ïamon ban leh; uta u la long u nongshohnoh briew naduh kaba mynnyngkong, bad um ju sah ha ka jingshisha, naba kaba shisha kam don satia ha u: haba u kren ïa kaba lamler, u kren na kiei kiei la ki jong, naba u long uba lamler, bad u kpa jong ki jinglamler.

ÏOANNIS 9:40

Kiba na ki Pharisi te kiba ïadon lem bad U, ki la ïohsngew ïa kine kiei kiei ruh, bad ki la ïakylli ïa U, “Ngi ruh ngi long te ki bamatlah?”

KI KAM 15:5

Hynrei, la ïeng kiba na ki kynja Pharisi kiba la ngeit, ki da ong, “Ka dei ban otsher ïa ki, bad ban hukum ïa ki ban sumar ïa ka hukum u Moses.”

KI KAM 20:31

Naba kumta, to ïasharai, da kynmaw ruh ba jin lai snem, mynmiet bad mynsngi, ngam shym la wai noh ban sneng ïa uwei pa uwei na phi da ki jingjaw ummat.

KI KAM 26:5

ki da ithuh ïa nga na ka banyngkong, lada ki ïamon ban ïaphla, ba kum ka jaid niam kaba bniah tam jong ka niam jong ngi, nga la long u Pharisi.

KI KAM 5:17

Te haba uta u rangbah lyngdoh u la ïeng joit, bad kita baroh kiba ïadon lem bad u, kiba long ka jaid niam ki Saddusi, la pyndap ïa ki da ka jingïa-ing;

Ka Shithi U Paul Sha Ki Nong Rom 1:18

Namar ïa ka jingbitar U Blei la pynpaw na bneng pyrshah ïa ka jingbymriewblei bad ïa ka jingbymhok baroh phar ki jong ki briew, kiba pynpep keiñ ïa ka jingshisha da ka jingbymhok jong ki.

Ka Shithi U Paul Sha Ki Nong Rom 5:9

Te kham tam shibun, haba mynta la pynksan ïa ngi da ka snam jong u, yn pynim ïa ngi da u na kata ka jingbitar U Blei.

1 THESSALONI 1:10

bad ban khmih lynti ïa U Khun jong u na bneng, ïa uba u la pynmih pat na ki baïap, U Jisu keiñ, uba pyllait ïa ngi na kata ka jingbitar ka ban sa wan.

HEBRU 11:7

Da ka jingngeit, u Noah haba la maham ïa u da U Blei shaphang kita kiei kiei ïa ki bym pat shym la ïohi, haba la pynkhih ïa u da ka jingtieng riewblei, u la thaw ka ïinglieng ban pynim ïa ka ïing jong u; da kaba u la pynrem ïa ka pyrthei, bad u la jia long u nongïoh pateng ïa kata ka hok kaba katba kum ka jingngeit.

HEBRU 6:18

ba da ki ar tylli kiei kiei ki bymkylla, ha kiba ka long ka bym lah ïa U Blei ban lamler, ngi lah ban ïoh ka jingpynshlur badonbor, kiba la phet ban rieh ïa ka ban ïoh bat ïa kata ka jingkyrmen ba la buh ha khmat jong ngi;

1 ÏOANNIS 3:10

Ha kane keiñ, ki la paw kita ki khun U Blei, bad kita ki khun u Soitan. Uwei pa uwei baroh u bym ju leh ïa ka hok um long na U Blei, lymne uta u bymieit ïa la u para.