MATHAÏOS 3:6 - KA BAIBL

⁶ bad la pynbaptis ïa ki da u ha wah Jordan; ki da ïaphla noh ïa ki pop jong ki.

Khasi CL Bible (BSI)

⁶ Ki la phla ïa la ki pop, bad u la pynbaptis ïa ki ha ka wah Jordan.

MATHAÏOS 3:6 ပူးပေါင်းရင်းမြစ်များ

ESRA 10:1

Te katba u Esra u duwai, bad u phla, da kaba ïam bad pyndem ngon ïa lade ha khmat ka ïing U Blei, la ïalum lang ha u na ki Israel u paidlang bakhraw eh ki shynrang bad ki kynthei bad ki khynnah: namar u paidlang u la ïam shikatdei eh.

SALM 32:5

Nga la phla ïa la ka pop ha me, bad ïa la ka jingbymhok ngam shym buhrieh: nga la ong, “Ngan phla ïa la ki jingpalat ha U Trai;” te me la map ïa ka jingbymhok ka pop jong nga. Selah.

PROBERB 28:13

Uta uba tap ïa la ki jingpalat un ym man bha: hynrei, jar uba phla bad ba iehnoh noh ïa ki un ïoh ka jingisynei.

ESEKIEL 36:25

Bad ngan synreit ïa phi da ka um khuid, te phin long khuid: na ka jakhlia jong phi baroh, bad na ki bleithaw jong phi baroh, ngan pynkhuid ïa phi.

DANIEL 9:4

Bad nga la duwai ha U Trai U Blei jong nga, bad nga la phla, bad nga la ong, “A Trai, U Blei u bakhraw bad uba itieng, uba bat ïa ka jutang bad ïa ka jingisynei bad kita kiba ieit ïa u bad kiba sumar ïa ki hukum jong u;

LEBITIKOS 16:21

bad u Aaron un buh ïa la ki kti baroh ar ha ka khlieh jong u blang ba-im, bad un phla ïa ki jingleh bymman ki khun Israel baroh, bad ïa ki jingryngkang jong ki baroh ha ki pop jong ki baroh, da kaba buh ïa ki halor ka khlieh jong u blang, ynda kumta, un phah pyllait noh ïa u sha ri khlaw da ka kti u briew uba bit.

LEBITIKOS 26:40

“Bad kin phla ïa ka jingleh bymman jong ki, bad ïa ka jingleh bymman ki kpa jong ki, bad ïa ka jingpalat ïa kaba ki la leh palat pyrshah ïa nga, bad ba ki, ki la ïaid pyrshah ïa nga,

JINGKHEIÑ 5:7

te kumta kin ïaphla ïa la ka pop ba ki la leh: bad un sa buria ïa la ka jingpalat da ka bai trai jong ka, bad un ai lang ruh lem bad kata, ïa shi bynta na kaba san bynta jong ka, bad un ai ïa ka ha uta ïa uba u la leh palat.

MATHAÏOS 3:11

“Nga shisha nga pynbaptis ïa phi da ka um ïa ka ban kylla-ka-bamut: hynrei, uta uba wan nadien jong nga u long uba kham khraw bor ïa nga, uba kam dei ïa nga ban rah wat tang ïa ki juti jong u: uta keiñ, un pynbaptis ïa phi da U Mynsiem Bakhuid bad da ka ding:

MARKOS 1:5

Hangta te kiba na ka ri Judia, bad ki Jerusalem baroh ki la leit ha u, bad la pynbaptis ïa ki da u ha ka wah Jordan, ki da ïaphla noh ïa ki pop jong ki.

LOUKAS 1:16

shibun te na ki khun Israel un pynphai sha U Trai uba U Blei jong ki.

LOUKAS 3:16

u Ïoannis u la ïathuh ha ki baroh, u da ong, “Nga shisha nga pynbaptis ïa phi da ka um; hynrei, un sa wan uba kham khraw ïa nga, uba kam dei ïa nga ban loit noh wat ïa ka jingteh ki juti jong u; uta keiñ un pynbaptis ïa phi da U Mynsiem Bakhuid bad da ka ding:

KI KAM 1:5

Naba u Ïoannis shisha u la pynbaptis da ka um, hynrei, yn pynbaptis ïa phi da U Mynsiem Bakhuid sa khyndiat sngi naduh mynta.”

KI KAM 11:16

te nga la kynmaw ïa kata ka jingong U Trai, kumno ba u la ong, ‘U Ïoannis shisha u la pynbaptis da ka um, hynrei, yn pynbaptis ïa phi da U Mynsiem Bakhuid.’

KI KAM 19:18

Shibun te na kita kiba la lah ngeit ki la ïawan, ki da ïaphla bad ki da ïathuh ïa la ki jingleh.

KI KAM 22:16

Mynta te, balei me pyntud? To ïeng, to shah ba yn pynbaptis ïa me bad sait noh ïa ki pop jong me, da kaba khot kyrpad ïa ka kyrteng jong u.’

1 KORINTH 10:2

bad la pynbaptis ïa ki baroh ïa u Moses, ha uta u lyoh bad ha kata ka duriaw;

KOLOSSAI 2:12

haba la btep lem bad u ha kata ka jingbaptis, ha kaba la pynmih lem ïa phi ruh bad u da ka jingngeit ha ka jingtrei U Blei, uba la pynmih pat ïa u na ki baïap.

HEBRU 6:2

ka jinghikai shaphang ki jingbaptis, bad kaba buh ki kti, ka jingmihpat ki baïap ruh, bad ka jingbishar bymjukut.

HEBRU 9:10

haba ki long tang (da ki jingbam bad ki jingdih bad ki jingsait babun jaid) ki niam ki rukom bakynja doh, ba la buh tad ynda ka Ïa ka jingpynbha.

JAKOB 5:16

To ïaphla noh paralok hi ïa la ki jingpalat, bad to ïaduwai na ka bynta paralok hi, ba yn dup pynkhiah ïa phi; ka jingkyrpad minot u bahok ka lah shibun.

JOSHUA 7:19

Te u Joshua u la ong ha u Akhan, “Ko khun, to ai burom, nga kyrpad ïa me, ha U Trai, U Blei ki Israel, bad to phla ha u; bad ïathuh ha nga mynta ïa kaei me la leh; wat buhrieh na nga.”

1 PETROS 3:21

Kaba ha ka jingpynshisha jong ka, kata ka jingpynbaptis, ka pynim ïa ngi mynta ruh (ym kaba buh noh ïa ka jingtngit ka doh, hynrei, ka jingwad ka jingïatiplem babha sha U Blei), da ka jingpynmihpat ïa U Jisu Khrist,

1 ÏOANNIS 1:9

Lada ngi phla ïa ki pop jong ngi, u long uba ïaineh bad u bahok, ban map noh ïa kita ki pop jong ngi bad ban pynkhuid ïa ngi na ka bymhok baroh.