MATHAÏOS 28:4 - KA BAIBL

⁴ Na kaba sheptieng te ïa u, kita ki nongap ki la kyiuh, bad ki la long kum ki baïap.

Khasi CL Bible (BSI)

⁴ Ki nongap phira ki la sheptieng katta katta haduh ba ki la kyiuh bad ki la long kum ki briew kiba la ïap.

MATHAÏOS 28:4 ပူးပေါင်းရင်းမြစ်များ

Ka Kitab U Job 4:14

ka jingsheptieng ka la jia ïa nga, bad ka jingkhynñiuh, kaba la pynkhih ïa ki shyieng jong nga baroh.

SALM 48:6

Ka jingkhynñiuh ka la ngat ha ki hangta; ka jingsuh, kum ka kynthei kaba suhkhun.

DANIEL 10:7

Bad tang ma nga, u Daniel, marwei nga la ïohi ïa kata ka jingithuhpaw: namar kita ki briew kiba la don ryngkat bad nga, kim shym ïohi ïa kata ka jingithuhpaw; hynrei, ka jingkhynñiuh kaba khraw ka la ngat ha ki, bad ki la phet noh ban rieh ïa lade.

MATHAÏOS 28:11

Haba ki la dang leit ruh, ha khmih, kiba na kiba ap ki la wan sha shnong, bad ki la ïathuh ha ki rangbah lyngdoh ïa kiei kiei baroh kiba la long.

MATHAÏOS 28:3

Ka khmat jong u te ka la long kum ka leilieh, bad ka jaiñ jong u ka la lieh kat ka ïor.

MATHAÏOS 28:5

Hynrei, uta u angel u da ïathuh u la ong ha kita ki kynthei, “To wat sheptieng phi; naba nga tip ba phi ïawad ïa U Jisu ïa uba la sahnarphna:

KI KAM 16:29

U te u la pan ïa ki jingshai, bad u la rynsied kynsan shapoh, bad ba u la khynñiuh namar kaba sheptieng, u la dem khop ha khmat u Paul bad u Silas,

JINGPYNPAW 1:17

Bad haba nga la ïohi ïa u, nga la kyllon sbak ha ki kjat jong u kum uba ïap. U te u la buh ïa ka kti kamon jong u ha nga, u da ong, “To wat sheptieng; nga long ma nga u banyngkong bad u bakhatduh, bad uta U Ba-im;