MATHAÏOS 27:60 - KA BAIBL

⁶⁰ bad u la buh ïa ka ha ka jingtep thymmai jong u, ïa kaba u la tih ha u mawsiang; bad haba u la pyntyllun ïa u maw bakhraw ha ka jingkhang ka jingtep, u la leit noh.

Khasi CL Bible (BSI)

⁶⁰ bad u la buh ïa ka ha ka jingtep jong u hi, ïa kaba u dang phah tih shen na u mawsiang. Nangta u la pyntyllun ïa u maw uba heh na khmat ka jaka rung sha ka jingtep bad u la leit noh.

MATHAÏOS 27:60 ပူးပေါင်းရင်းမြစ်များ

JENESIS 50:5

u kpa jong nga u la pynsmai ïa nga, u da ong, ‘Ha khmih, ngan sa ïap noh: ha ka jingtep jong nga ïa kaba nga la tih ïa lade hi keiñ ha ka ri Kanaan, hangta men tep ïa nga.’ Bad mynta to shah, nga kyrpad ïa me, ba ngan leit kiew khnang ban ïoh tep ïa u kpa jong nga, hadien kata, ngan wan phai pat.”

ISAÏAH 22:16

‘Me leh aïu hangne? bad me don mano hangne, ba me la pom maw jingtep ïa lade hangne?’ da pom ïa u maw jingtep hajrong, da mutdur ïa ka jaka tep ïa lade ha u mawsiang!

ISAÏAH 53:9

Bad ki la pynlong ïa ka jingtep jong u lem bad ki bymman, lem bad u bariewspah ruh ha ka jingïap jong u; la um shym la leh jubor, lymne ym shym la don ka buit phon ha ka shyntur jong u.

MATHAÏOS 27:59

Haba u Joseph u la shim te ïa ka met, u la sop spaiñ ïa ka da ka jaiñ linen bani ka bakhuid,

MATHAÏOS 27:66

Ki la leit te, ki la pynskhem ïa ka jingtep, ki da shon shab ïa u maw, ki nongap ruh ki da don lem.

MATHAÏOS 28:2

Ha khmih ruh, la khih jumai bakhraw; naba u angel U Trai u la lah hiar na bneng, bad haba u la wan u la pyntyllun noh ïa uta u mawkhang, bad u la shong halor jong u.

LOUKAS 24:2

Bad ki la shem ba la pyntyllun noh ïa u maw na kata ka jingtep.

ÏOANNIS 11:38

Namar kata, U Jisu u la ud noh pat ha lade, bad u la wan sha kata ka jingtep. Te ka la long ka krem, bad ïa u mawkhang la buh ha ka.

ÏOANNIS 11:41

Ynda kumta, ki la ïakhyllie noh ïa uta u mawkhang, uba la don ha kaba la buh ïa uta uba la ïap. U Jisu te u la khmied la ki khmat, bad u la ong, “Ko Kpa, nga nguh ïa me ba me ju sngew ïa nga.

ÏOANNIS 19:41

Te ha kata ka jaka ha kaba la sahnarphna ïa U, la don ka kper, bad ha kata ka kper, ka jingtep thymmai, ha kaba ym pat shym la buh ïano ïano ruh;

ÏOANNIS 20:1

Te ha ka sngi nyngkong jong ka taïew, ka Mari ka nong Magdala ka la leit mynstep haba ka dang dum, sha kata ka jingtep; bad ka la ïohi ba la rah noh ïa uta u maw na kata ka jingtep.