MATHAÏOS 27:54 - KA BAIBL

⁵⁴ Te haba u rangbah shispah bad kita kiba bad u, kiba ïa-ap ïa U Jisu, ki la ïohi ïa ka jingkhynñiuh ka khyndew, bad ïa kiei kiei ruh kiba la long, ki la ïasheptieng shikatdei eh, ki ïa-ong, “Shisha une u la long U Khun U Blei.”

Khasi CL Bible (BSI)

⁵⁴ Haba u rangbah shipai bad ki shipai kiba bad u, kiba la ïa-ap ïa U Jisu ki la ïohi ïa u jumai bad ïa kiei kiei baroh kiba la jia, ki la sngewshyrkhei bad ki la ong, “Da shisha u la long U Khun U Blei!”

MATHAÏOS 27:54 ပူးပေါင်းရင်းမြစ်များ

MATHAÏOS 26:63

Hynrei, U Jisu u la shu sngap. Te u rangbah lyngdoh u da ïathuh u la ong ha U, “Nga pynsmai ïa me ha U Blei U Ba-im, ba men ïathuh ha ngi, la me long uba U Khrist, U Khun U Blei!”

MATHAÏOS 27:36

Te haba ki da ïashong, ki la ïa-ap ïa U hangta.

MATHAÏOS 27:40

bad ki ïa-ong, “Me uba pynduh ïa ka templ, bad uba tei lai sngi ïa ka, to pynim ïa lade! lada me long U Khun U Blei, to hiar noh na kato ka diengphna!”

MATHAÏOS 27:43

U la shaniah ha U Blei, to un pyllait ïa u mynta, lada u mon bha ïa u! naba u la ong, ‘Nga long U Khun U Blei.’ ”

MATHAÏOS 27:51

Ha khmih ruh, ka jingkah ha ka templ ka la kad ar bynta, naduh na jrong haduh ha tbian, bad ka khyndew ka la khynñiuh, bad ki mawsiang ki la pdang,

MATHAÏOS 4:3

Te haba uta u nongpynshoi u la wan ha U, u la ong, “Lada me long U Khun U Blei, to hukum ïa kine ki maw ba kin long ki kpu.”

MATHAÏOS 8:5

Haba U Jisu u la poi ha Kapernam, u rangbah shispah u la wan ha U, bad u la kyrpad ïa U,

MARKOS 15:39

U rangbah shispah te uba ïeng hajan ha pyrshah jong U, haba u ïohi ba kumta U ai noh la ka mynsiem, u la ong, “Shisha une u briew u la long U Khun U Blei.”

LOUKAS 22:70

Te ki la ïa-ong baroh, “Haba kumta me long U Khun U Blei?” U te u la ïathuh ha ki, “Phi ong ba nga long.”

ÏOANNIS 19:7

Kita ki Jiw ki la ïathuh ha u, “Ngi, ngi don ka hukum, bad da ka hukum jong ngi ka dei ïa U ban ïap, namar U la leh Khun U Blei ïa lade.”

KI KAM 10:1

Te la don ha Kaisaria uwei u briew uba kyrteng “u Kornilios”, u rangbah shispah na ka kynhun shipai ba la khot “Ka Italia”,

KI KAM 2:37

Te haba ki la ïohsngew ïa kane, la dung ngak ïa ki ha la ka dohnud, bad ki la ong ha u Petros, bad ha kita kiwei ki apostol, “A para, kumno ngin leh?”

KI KAM 21:32

Kumne kumne ruh, u la shim ïa ki shipai bad ïa ki rangbah shispah, bad u la phet arsut sha ki, ki te haba ki la ïohi ïa uta u rangbah shihajar bad ïa ki shipai, ki la sangeh na kaba shoh ïa u Paul.

KI KAM 23:17

U Paul te haba u la khot ha u ïa uwei na kita ki rangbah shispah, u la ong, “To ïalam ïa une u samla ha u rangbah shihajar, namar u don ei ei ban ïathuh ha u.”

KI KAM 23:23

Te haba u la khot ha u ar ngut na ki rangbah shispah u la ong, “Khreh arspah ngut ki shipai ba kin leit haduh Kaisaria, bad hynñiewphew ngut ki shipai shong kulai, bad arspah ngut ki nongbat sum, hamar kaba lai baje mynmiet:

KI KAM 27:1

Te mynba la pynkut ba ngin leit da ka lieng sha Itali, ki la ïa-aiti pateng ïa u Paul bad kiwei pat ki nongsah byndi ha u rangbah shispah uba kyrteng “u Julios”, uba na ka kynhun u Agustos.

KI KAM 27:43

Hynrei, uta u rangbah shispah, ba u da kwah ban pynim ïa u Paul, u la khang noh ïa ki na kata ka jingthmu, bad u la hukum kat kiba nang jngi ba kin ryngkoh na ka lieng, bad ban poi nyngkong sha ryngkew,

Ka Shithi U Paul Sha Ki Nong Rom 1:4

ïa uba la pynithuh shynna ba u long U Khun U Blei da ka bor, katba kum U Mynsiem ka jingkhuid, da ka jingmihpat na ki baïap, U Jisu Khrist keiñ uba U Trai jong ngi,

JINGPYNPAW 11:13

Bad ha kata kajuh ka por ka la long ka jingkhynñiuh jumai bakhraw, te kaba shiphew ka bynta na kata ka nongbah ka la kyllon khram; bad la pynïap noh ha kata ka jingkhynñiuh jumai hynñiew hajar ki briew: te kita kiba sah ki la ïasheptieng eh, bad ki la ïa-ai burom ha U Blei ka bneng.