MATHAÏOS 27:52 - KA BAIBL

⁵² bad ki jingtep ki la ang, bad shibun ki met jong ki riewkhuid kiba la ïohthiah ki la mihpat,

Khasi CL Bible (BSI)

⁵² ki jingtep ki la ang, bad ïa shibun ki briew jong U Blei kiba la ïap la pynmihpat.

MATHAÏOS 27:52 ပူးပေါင်းရင်းမြစ်များ

2 SYIEM 13:21

Te katba ki la dang ïatep ïa u briew, ha khmih, ki la ïohi ïa ka kynhun; bad ki la ïabred ïa uta u briew ha ka jingtep u Elisha: te tang ba uta u briew u shu dei ha ki shyieng u Elisha u la im pat, bad u la ïeng joit da la ki kjat.

ISAÏAH 25:8

U la nguid tylli ïa ka jingïap junom; te U Trai U Blei un ñiad noh ïa ki ummat na ki khmat baroh; bad ka jingkrenbeiñ ïa u paidlang jong u, un shim noh na ka khyndew baroh: namar U Trai u la kren ïa ka.

ISAÏAH 26:19

Kiba ïap jong me kin im; ki metïap jong nga kin mih. To peit bad to rwai, phi kiba shong ha ka 'dewmet: namar ka umjer jong me ka long kum ka umjer ki jhur, bad ka khyndew kan bred noh ïa ki baïap.

DANIEL 12:2

Bad bun na kita kiba ïohthiah ha ka 'dewmet ka khyndew kin kyndit, kiwei sha ka jingim bymjukut, bad kiwei pat sha ka jinglehrain bad ka jingjahburom bymjukut.

HOSIA 13:14

“Ngan siewspah ïa ki na ka kti ka jingtep; ngan pyllait ïa ki na ka jingïap: A ka jingïap, hangno ki jingïapkhlam jong pha? A ka jingtep, hangno ka jingpynjot jong pha? ïa ka jingkylla-ka-bamut yn buhrieh noh na ki khmat jong nga.

ÏOANNIS 11:11

U la kren ïa kine kiei kiei ruh, hadien kata, U ong ruh ha ki, “U lok jong ngi, u Lasaros u ïohthiah; hynrei, ngan sa leit ba ngan kyrsiew ïa u.”

KI KAM 7:60

Te u la dem la ki khohsiew, bad u la pyrta da ka ktien bajam, “A Trai, wat thew ha ki ïa kane ka pop.” Te ynda u la lah ong ïa kane, u la ïohthiah noh.

1 KORINTH 11:30

Namar kane, bun ki long ki bapang sangem bad ki bapang khrew hapdeng jong phi, bad shibun ruh ki ïohthiah noh.

1 KORINTH 15:20

Hynrei, mynta, ïa U Khrist la pynmih pat na ki baïap, bad u la jia long u soh nyngkong keiñ na kita kiba la ïohthiah noh.

1 KORINTH 15:51

Ha khmih, nga ïathuh ha phi ïa ka jingmaïan: ngin ym ïohthiah baroh, hynrei, yn pynkylla ïa ngi baroh shisyndon, ha kaba shi khyllipmat keiñ, ha ka turoi ka bakhatduh.

1 THESSALONI 4:14

Namar lada ngi ngeit ba U Jisu u la ïap bad ba u la mihpat, kumta ruh, ïa kita kiba la ïohthiah ha U Jisu, U Blei un wallam lem bad u.

1 THESSALONI 5:10

uba la ïap na ka bynta jong ngi, ba, la ngi peit la ngi thiah, ngin ïoh im lem bad u.