MATHAÏOS 27:32 - KA BAIBL

³² Haba ki dang ïamih noh te, ki la shem ïa u briew u nong Kyrini, uba kyrteng “u Simon”; ïa une ki la ïa-pynbor ba un leit bah ïa ka diengphna jong U.

Khasi CL Bible (BSI)

³² Katba ki dang ïamih shabar, ki la ïakynduh ïa u briew na Kyrini uba kyrteng u Simon, bad ki shipai ki la pynbor ïa u ban bah ïa ka diengphna jong U Jisu.

MATHAÏOS 27:32 ပူးပေါင်းရင်းမြစ်များ

1 SYIEM 21:10

bad buh ar ngut ki briew, ki khun u Belial, ha khmat jong u, bad to kin sakhi pyrshah ïa u, da kaba ong, ‘Me la tim ïa U Blei bad ïa u syiem.’ Bad hadien kata sa sei ïa u, bad phin lynthem maw ïa u, ba un ïap.”

1 SYIEM 21:13

Bad kita ar ngut ki briew, ki khun u Belial, ki la rung bad ki la shong ha khmat jong u: bad kita ki briew u Belial ki la sakhi pyrshah ïa u, ïa u Naboth keiñ, ha khmat uta u paidbah, ki da ong, “U Naboth u la tim ïa U Blei bad ïa u syiem.” Ynda kumta, ki la leit lam noh ïa u shabar ka shnong bad ki la lynthem ïa u da ki maw, ha ban da ïap.

LEBITIKOS 4:12

ïa uta u masi lyngraw baroh keiñ, un lam noh shabar ka jaka shong dara sha ka jaka bakhuid, ha kaba la ju theh ïa ka dpei, bad un thang ïa u halor ki dieng ha ka ding: hajan kata ka jaka ba ju theh ïa ka dpei, yn thang ïa u.

LEBITIKOS 4:21

Hadien kata, un leit lam ïa uta u masi lyngraw shabar ka jaka shong dara, bad un thang ïa u kumba u la thang ïa uta u masi lyngraw bamynshuwa; kane keiñ, ka long ka jingkñia namar ka pop jong uta u paidbah.

LEBITIKOS 4:3

lada uta u lyngdoh ba la pynsleh un leh pop kat ban pynlong pop ïa u paidbah; te un kñia na ka bynta kata ka pop jong u ba u la leh, da u masi lyngraw bajanai bha, ïa ka ban long ka jingkñia namar ka pop ha U Trai.

MATHAÏOS 16:24

Ynda kumta, U Jisu u la ong ha ki synran jong u: “Lada uno uno ruh u mon ban wan nadien jong nga, ai ba un len ïa lade, bad un rah ïa la ka diengphna, bad un wan bud ïa nga.

MATHAÏOS 5:41

Mano mano ruh u ban pynïaid ïa me shilynter, to khie leit lem bad u ar lynter.

MARKOS 15:21

Ki la pynbor te ïa uwei u Simon u nong Kyrini, uba ïaid lait, haba u wan na ka ri bri (u kpa u Alexander bad u Ruphos), ban bah ïa ka diengphna jong U.

LOUKAS 23:26

Te katba ki dang ïalam noh ïa U, ki la ïakem ïa uwei u Simon u nong Kyrini, uba wan na ka ri bri, bad ki la ïapynbah ha u ïa ka diengphna, ban bah nadien U Jisu.

ÏOANNIS 19:17

Te da kaba U bah hi ïa la ka diengphna, U la leit noh sha kata ka jaka ba la khot “Maloi khlieh”, ïa kaba la khot ha ka Hebru, “Golgotha”;

KI KAM 11:20

Hynrei, la don na ki, ki briew kiba na Kypros, bad na Kyrini, kiba haba ki la poi sha Antiok, ki la kren ha ki Grik ruh, ki da ïalap ïa U Jisu uba U Trai.

KI KAM 13:1

Te la don ha Antiok, ha ka balang kaba la don hangta, ki nongïathuhlypa bad ki nonghikai, u Barnabas, bad u Simeon ïa uba la khot “Niger”, bad u Loukios uba na Kyrini, bad u Manain u para ba la ïoh jingbsa lem bad u Herod u Tetrark, bad u Saul de.

KI KAM 2:10

ha Phrygia, bad ha Pamphilia, ha Ijipt, bad ha ki phang ka Libya kaba hajan Kyrini, ki nongshong basa kiba na Rom, ki Jiw bad kiba la kylla niam ruh,

KI KAM 6:9

Hynrei, la mih kiba na ka synagog, ba la khot “ka synagog ki Libertin”, bad na ki nong Kyrini, bad na ki nong Aleksandria, bad na kiba na Kilikia bad Asia, ki da ïasaid bad u Stephan,

KI KAM 7:58

bad ki la ïashop noh ïa u shabar kata ka shnong, bad ki la ïalynthem maw ïa u: kita ki nongphla te, ki la buh noh ïa la ki jaiñ ha ki kjat uwei u samla, uba kyrteng “u Saul”.