MATHAÏOS 27:30 - KA BAIBL

³⁰ Bad haba ki la bynthiew ha U, ki la shim ïa uta u dieng bad ki la shoh ïa ka khlieh jong U.

Khasi CL Bible (BSI)

³⁰ Ki la bynthiew ïa u, bad ki la shim ïa u dieng bad ki la tied ïa U ha ka khlieh.

MATHAÏOS 27:30 ပူးပေါင်းရင်းမြစ်များ

ISAÏAH 49:7

Kumne u ong U Trai, u nongsiewspah ki Israel, uta U Bakhuid jong u, ha uta uba ki briew ki ibeiñ, ha uta uba ka jaid bynriew ka isih, ha u shakri jong ki nongsynshar: “Ki syiem kin ïohi te kin ïeng; ki bakhraw batri, te kin dem; namar U Trai uba ïaineh U Bakhuid ki Israel keiñ, uba la jied ïa me.”

ISAÏAH 50:6

Nga la pynshah la ka ingdong ha ki nongsympat, bad la ki ngab ha kiba phut ïa u shñiuh: ngam shym la buhrieh la ka khmat na ka jinglehrain bad ka jingbynthiew.

ISAÏAH 52:14

Kumba shibun ki la lyngngoh ha me, (ka khmat jong u ka la kham sniew dur ban ïa uno uno u briew, bad ka dur jong u ban ïa ki khun shynrang ki briew,)

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

ISAÏAH 53:7

La banbeiñ ïa u, pynban, u la pynrit ïa lade bad um shym la ang la ka shyntur; kum i khun langbrot ba la ïalam sha ka jingpynïap, bad kum ka langbrot kaba sngap jar ha khmat ki nongot shñiuh jong ka; shisha, um shym ang la ka shyntur.

MIKAH 5:1

Mynta to ïalum paid ïa lade, ko ka khun ki paid: u la ap thap pyrshah ïa ngi: kin shoh ïa u nongbishar ki Israel da u diengduh ha ka ngab.

MATHAÏOS 26:67

Haba kumta, ki la bynthiew ha ka khmat jong U, bad ki la shoh ïa U, bad kiwei ki la thab ïa U.

MARKOS 10:34

ki te kin lehbeiñ ïa u, bad kin bynthiew ïa u, bad kin sympat ïa u, bad kin pynïap noh ïa u; hynrei, ha ka balai sngi un mihpat.”

MARKOS 14:65

don kiba la sdang te ban bynthiew ïa U, bad ban tap matlah ïa ki khmat jong U, bad ban shoh ïa U, bad ban ong ruh ha U, “To ïathuh antad”: kita ki shakri ruh ki la thab ïa U da ki slakti.

MARKOS 15:19

Ki la shoh ruh ïa ka khlieh jong u da u prew, bad ki la bynthiew ïa u, bad haba ki la dem la ki khohsiew, ki la mane ïa u.