MATHAÏOS 27:25 - KA BAIBL

²⁵ Ki briew baroh ki da ïathuh ki la ong ruh, “To ka snam jong U kan long halor jong ngi, bad halor ki khun jong ngi.”

Khasi CL Bible (BSI)

²⁵ U paidbah baroh u la jubab, “Ai ba ka jingkitkhlieh na ka bynta ka jingïap jong u kan hap halor jong ngi bad halor ki khun jong ngi!”

MATHAÏOS 27:25 ပူးပေါင်းရင်းမြစ်များ

2 SAMUEL 1:16

U Dabid te u la ong ha u, “To ka snam jong me kan long halor ka khlieh jong me; naba ka shyntur jong me hi ka la phla sakhi pyrshah ïa me, ka la ong, ‘Nga la pynïap ïa uba la sleh jong U Trai.’ ”

1 SYIEM 2:32

Te U Trai un pynphai ïa ka snam jong u halor ka khlieh jong u hi, namar u la ktah kti ïa ki ar ngut ki rangbah kiba kham hok bad kham bha ban ïa u, bad u la pynïap ïa ki da ka waitlam, te u Dabid u kpa jong nga um shym da tip ïa kata, kita, u Abner u khun u Ner, u kaptan ki paidïapom ki Israel, bad u Amasa u khun u Jether, u kaptan ki paidïapom ki Judah.

EKSODOS 20:5

men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

JINGKHEIÑ 35:33

Ba phin ym pyntngit sang ïa ka ri ha kaba phi shong: namar kane ka snam kan pyntngit sang ïa ka khyndew: bad yn ym lah pynkhuid ïa kata ka khyndew na kata ka snam ïa kaba la theh ha ka, hynrei, tang da ka snam jong uta uba la theh ïa ka.

MATHAÏOS 21:44

Jar uba hap te halor une u maw, yn pynmong ïa u: hynrei, jar ha uba un hap, un pynlwet jin ïa u.”

KI KAM 18:6

Te haba ki la ïeng ïaleh pyrshah bad krenbeiñ, u la kynther noh ïa la ki jaiñ, bad u la ong ha ki, “Ka snam jong phi kan long halor ka khlieh jong phi hi! nga khuid: naduh mynta ngan leit sha ki Jentil.”

KI KAM 5:28

u da ong, “Ngi la hukum skhem ïa phi ban ym hikai ha kane ka kyrteng, te ha khmih, phi la pyndap ïa ka Jerusalem da ka jinghikai jong phi, bad phi ïathmu ban pynkit ha ngi ïa ka snam jong une u briew.”

KI KAM 7:52

Ïano na ki nongïathuhlypa ba ki kpa jong phi kim shym la pynshitombeiñ? bad ki la ïa-pynïap noh ïa kita kiba la pyni lypa shaphang ka jingwan jong uta U Bahok, ïa uba phi mynta phi la long ki nongdie bad ki nongpynïap;

DEUTERONOMI 19:10

ban ym theh keiñ ïa ka snam balui lui ha ka ri jong me, ïa kaba U Trai uba U Blei jong me u ai ha me ban long ka jingïoh pateng, bad kumta ka snam kan long halor jong me.’

DEUTERONOMI 19:13

Ka khmat jong me kan ym isynei ïa u, hynrei, men pyndam noh ïa ka jingrem jong ka snam balui lui na Israel, ba kan ïoh long bha ïa me.

JOSHUA 2:19

Kan long ruh, ba jar uba mih na ki jingkhang ka ïing jong pha sha lynti shnong, ka snam jong u kan long halor ka khlieh jong u hi, bad ngi ngin long khlem jingrem: bad jar ba don lem bad pha ha ïing, ka snam jong u kan long halor ka khlieh jong ngi, lada yn buh ka kti ha u.