MATHAÏOS 27:24 - KA BAIBL

²⁴ Haba u Pilat u ïohi te ba um lah ei ei ruh, hynrei, tang ba long ka jingkhihwin pynban, u la shim ka um, bad u la thet ïa la ki kti ha khmat uta u paidbah, u da ong, “Ngam don jingrem na ka snam une u bahok: phin khmih hi ma phi.”

Khasi CL Bible (BSI)

²⁴ Haba u Pilat u la ïohi ba kam donkam ban pynjlan, hynrei ba kan pynmih pynban ka jingkhynwin, u la shim khyndiat ka um, u la thet ïa la ki kti ha khmat u paidbah, bad u la ong, “Ngam don jingkitkhlieh na ka bynta ka jingïap jong une u briew! Kane ka dei ka jingleh jong phi!”

MATHAÏOS 27:24 ပူးပေါင်းရင်းမြစ်များ

SALM 26:6

Ngan thet ïa la ki kti ha ka jinglui lui; kumta, ngan ïaid sawdong ïa ka duwan jong me, A Trai:

JEREMAÏAH 2:27

kiba ong ha u dieng, ‘Me long u kpa jong nga;’ bad ha u maw, ‘Me la pynkha ïa nga:’ naba ki la pynphai ïa la ka ingdong sha nga, te ym ïa la ka khmat: hynrei, ha ka por ka jingjynjar jong ki kin ong, ‘To ïeng, bad to pynim ïa ngi.’

JEREMAÏAH 2:35

Pynban, pha la ong, ‘Nga khuid; da shisha la pynphai noh ïa ka jingbitar jong u na nga.’ Ha khmih, ngan tian bishar ïa pha, naba pha ong, ‘Ngam shym la leh pop.’

MATHAÏOS 26:5

Hynrei, ki la ïa-ong, “Ym ha Ka Niam Ka Jinglait, ba ïoh ka jingkhihwin kan long hapdeng u paidbah.”

MATHAÏOS 27:19

Haba u dang shong te ha ka jingshong bishar, ka tnga jong u ka la phah ha u, ka da ong, “Wat leh ei ei ruh em ïa uta u bahok, naba nga la shah shibun ha ka jingphohsniew mynta na ka bynta jong u.”

MATHAÏOS 27:23

Uta u lyngskor u la ong te, “Namar ba u la leh ka bymman aïu?” Ki te ki la nang ïapyrta jam eh, ki ïa-ong, “To ai ba yn sahnarphna ïa U.”

MATHAÏOS 27:4

u da ong, “Nga la leh pop haba nga la die noh ïa ka snam balui lui.” Ki te ki la ong, “Kata ka dei aïu ïa ngi? khmih hi ma me keiñ.”

MATHAÏOS 27:54

Te haba u rangbah shispah bad kita kiba bad u, kiba ïa-ap ïa U Jisu, ki la ïohi ïa ka jingkhynñiuh ka khyndew, bad ïa kiei kiei ruh kiba la long, ki la ïasheptieng shikatdei eh, ki ïa-ong, “Shisha une u la long U Khun U Blei.”

MATHAÏOS 27:9

Mynkata la pyndep ïa kata ba la ong da u Jeremaïah u nongïathuhlypa, u da ong: “Ki la shim ruh ïa ki laiphew ki sbai, ka dor jong uta uba ki la kheiñ dor, ïa uba kiba na ki khun Israel ki la kheiñ dor;

ÏOANNIS 13:9

U Simon Petros u ong ha U, “Ko Trai, ym tang ïa ki kjat jong nga, hynrei, ïa ki kti bad ïa ka khlieh jong nga de.”

ÏOANNIS 19:4

Bad u Pilat u la mih noh shabar pat, bad u ong ha ki, “Ha khmih nga ïalam shabar ïa U ha phi, ba phin ïoh tip ba ngam shem ka jingpalat satia ha U.”

KI KAM 3:14

Hynrei, phi, phi la len ïa uta U Bakhuid bad U Bahok; bad phi la ïapan ban pyllait ha phi ïa u nongpynïap briew:

2 KORINTH 5:21

Namar ïa uta u bym shym la tip ïa ka pop, u la pynlong ka pop na ka bynta jong ngi, khnang ba yn pynlong ïa ngi ka hok U Blei ha u.

1 PETROS 3:18

Naba U Khrist ruh, u la shah shitom shi sien namar ki pop, U Bahok na ka bynta ki bymhok, khnang ba un ïoh ïalam ïa ngi ha U Blei; haba la pynïap ïa u ha ka doh, hynrei, ba la pynlong im ïa u ha U Mynsiem: