MATHAÏOS 27:1 - KA BAIBL

¹ Haba ka la shai te, ki rangbah lyngdoh baroh bad ki tymmen basan jong u paidlang ki la ïasylla shaphang U Jisu, ïa ka ban pynïap ïa u.

Khasi CL Bible (BSI)

¹ Dang step phyrngab, baroh ki rangbah lyngdoh bad ki tymmen ki san ki la pynlong ki jingthmu jong ki pyrshah ïa U Jisu ban pynïap ïa u.

MATHAÏOS 27:1 ပူးပေါင်းရင်းမြစ်များ

SALM 2:2

Ki syiem ka pyrthei ki ïaïeng, bad ki nongsynshar ki ïasylla lang pyrshah ïa U Trai, bad pyrshah ïa uba la sleh jong u, ki ïa-ong,

SALM 31:13

Naba nga la ïohsngew ïa ka jingpynbudnam jong kiba bun, ka jingsngewshyrkhei baroh sawdong: mynba ki la ïasylla lang pyrshah ïa nga, ki la thaw buit ban shim noh ïa ka jingim jong nga.

SALM 71:10

Naba ki nongshun jong nga ki ïakren shaphang jong nga; bad kita kiba ap ban ïoh ïa ka mynsiem jong nga ki ïasylla lang.

MIKAH 2:1

Kordit ïa kita kiba shet ïa ka jingsniew bad bathaw ïa ka jingbymman halor la ki jingthiah! haba ka la shai mynstep, ki pyndep ïa kata, namar ba ka shong ha ka bor jong ki.

MATHAÏOS 23:13

“Hynrei, kordit ïa phi, ki nongthoh bad ki Pharisi, kiba arsap! naba phi bam duh ïa ki ïing ki riewkynthei, te phi duwai jlan khnang ban tyllep: namar kata, phin ïoh diang ka jingshitom kaba kham khraw.

MARKOS 15:1

Te kumne kumne ruh, ynda ka la shai, kita ki rangbah lyngdoh ki la ïasylla bad kita ki tymmen basan bad kita ki nongthoh bad kata ka dorbar baroh ruh; haba ki la khum ïa U Jisu, ki la ïalam noh ïa u, bad ki la ai noh ha u Pilat.

LOUKAS 13:1

Te ha kata hi ka por ki la don kiba ïathuh ha u shaphang ki nong Galilaïa, kiba u Pilat u la lah khleh lang ïa ka snam jong ki bad ki jingkñia jong ki.

LOUKAS 22:66

Te tang shu mih ka sngi, la ïalum lang ïa ka jingïaseng ki tymmen basan jong u paidlang, bad rangbah lyngdoh, bad nongthoh de, bad ki la ïalam ïa u sha ka dorbar jong ki,

ÏOANNIS 18:28

Ynda kumta, ki la ïalam noh ïa U Jisu na u Kaïaphas sha ka ïingbah u lyngskor: te ka la long mynstep eh; hynrei, ki hi kim shym la leit rung shapoh kata ka ïingbah u lyngskor, ba ïoh kin pynsang ïa lade; hynrei, ba kin ïoh bam ïa Ka Jinglait.

KI KAM 5:21

Te haba ki la ïohsngew ïa kata, ki la ïarung shapoh ka templ la dang shu shai phar, bad ki la hikai. Hynrei, haba uta u rangbah lyngdoh u la wan, bad kita kiba bad u, ki la ïakhot lang ïa ka dorbar, bad ïa ki tymmen basan baroh jong ki khun Israel, bad ki la ïaphah sha ïing byndi ban wallam noh ïa ki.

NONGBISHAR 16:2

La ïathuh te ha ki nong Gasa, ki da ong, “U Samson u la wan shane.” Te ki la ker tawiar ïa u, bad ki la ap jar jar baroh shi miet ha ka khyrdop ka shnong, bad ki la ap jar jar baroh shi miet, ki da ong, “Ieh ha ban da shai, ynda kumta ngin sa pynïap ïa u.”

1 SAMUEL 19:11

Bad u Saul u la phah briew sha ka ïing u Dabid, ban ap thap ïa u, bad ban pynïap ïa u mynstep; te ka Mikhal ka tnga jong u, ka la ïathuh ha u, ka da ong, “Lada men ym pynim ïa la ka jingim mynta mynmiet, lashai mynstep yn pynïap ïa me.”