MATHAÏOS 26:7 - KA BAIBL

⁷ ka la wan ka kynthei ha U kaba don ka dabi alabaster ka jingsleh ka bakordor eh, bad ka la theh ha ka khlieh jong U haba U shong bam.

Khasi CL Bible (BSI)

⁷ Katba U Jisu u dang bam, kawei ka kynthei ka la wan sha u lem bad ka dabi alabastar ba la pyndap da ka jingsleh iwbih baremdor, ïa kaba ka la theh halor ka khlieh jong u.

MATHAÏOS 26:7 ပူးပေါင်းရင်းမြစ်များ

2 SYIEM 9:1

Te u Elisha u nongïathuhlypa, ynda u la khot ïa uwei na ki khun ki nongïathuhlypa, u la ong ïa u, “To panpoh ïa la ka syngkai, bad to shim ïa une u khiew umphniang ha la ka kti, bad khie leit sha Ramoth-gilead.

SALM 133:2

Ka long kum ka jingsleh kaba kordor halor ka khlieh, kaba tuid ïa ki 'ñiuh tmoh, ïa ki 'ñiuh tmoh u Aaron keiñ; kaba hiar ha ki rmiang ki jaiñ jong u;

EKLESIASTIS 10:1

Ki skain baïap ki pyniwtung ïa ka jingsleh bakordor u nongshna jingiwbih: kumta, khyndiat ka jingbieit ka kham lah ïa ka jingstad bad ka burom.

EKLESIASTIS 9:8

To ki jaiñ jong me kin long lieh borabor; bad ka khlieh jong me to kan ym duh jingsleh.

JINGRWAI SOLOMON 1:3

Ki jingsleh jong me, ki don ka jingiwbih basngew-sngur; ka kyrteng jong me ka long kum ka jingiwbih ba la theh noh; namar kata, ki theisotti ki ieit ïa me.

ISAÏAH 57:9

Me la leit ruh sha u syiem bad ka jingsleh, bad me la pynbun ïa la ki jingiwbih, me la phah jngai ruh ïa la ki nongkit-ktien, bad me la pynpoh ïa lade haduh ñiamra.

MATHAÏOS 26:8

Haba ki synran jong u te ki la ïohi, ki la sngewbitar, ki da ong, “Ïa ka ban lei kane ka jinglehnohei?

MARKOS 14:3

Haba U dang don te ha Bethania, ha ïing u Simon u bapang 'ñiangthohlieh, katba U shong bam, ka kynthei ka la wan kaba don ka dabi alabaster kaba dap da ka jingsleh basngur, ka bakordor eh; te haba ka la plie ïa kata ka dabi alabaster, ka la theh ruh ha ka khlieh jong U.

LOUKAS 7:46

mem shym la pynsleh ïa ka khlieh jong nga da ka umphniang, hynrei, kane, ka la pynsleh ïa ki kjat jong nga da ka jingsleh: