MATHAÏOS 26:65 - KA BAIBL

⁶⁵ Mynkata u rangbah lyngdoh u la kad ïa la ki jaiñ, u da ong, “U la krenbeiñ blei! Ngi dang donkam aïu pat ïa ki sakhi? ha khmih, mynta phi la ïohsngew ïa ka jingkrenbeiñ blei jong U!

Khasi CL Bible (BSI)

⁶⁵ Ha kane, u Rangbah Lyngdoh u la tar ïa la ki jaiñ bad u la ong, “Ka jingkrenbeiñ blei! Ngim donkam shuh bun ki sakhi! Phi la dang shu ïohsngew ïa ka jingkrenbeiñ blei jong u!

MATHAÏOS 26:65 ပူးပေါင်းရင်းမြစ်များ

2 SYIEM 18:37

Ynda kumta, u Eliakim u khun u Hilkiah, uba halor ka ïing, bad u Shebnah u nongthoh, bad u Joah u khun u Asaph u nongthoh rekord, ki la wan ha u Hesekaïah bad la ki jaiñ ba la kad, bad ki la ïathuh ha u ïa ki ktien u Rabshakeh.

JEREMAÏAH 36:24

Te kim shym la sheptieng, lymne kad ïa ki jaiñ jong ki, lymne u syiem, lymne uno uno na ki shakri jong u kiba la ïohsngew ïa kine ki ktien baroh.

LEBITIKOS 21:20

lymne uba at kuda na ka ingdong, lymne u baraid, lymne uba don ka jingsniew ha ka khmat jong u, lane ka sur, lane kaba sarew, lymne uba la mong la ki pylleng;

JINGKHEIÑ 14:6

U Joshua u khun u Nun ruh, bad u Kaleb u khun u Jephunneh de, kiba na kita kiba la ïakhmih syntiat ïa kata ka ri, ki la kad ïa la ki jaiñ:

MATHAÏOS 9:3

Ha khmih ruh, kiba na ki nongthoh ki la ïa-ong ha lade, “Une u krenbeiñ Blei.”

LOUKAS 5:21

Ki nongthoh bad ki Pharisi ki la ïasdang ban ïapyrkhat te, ki da ong, “Uei une uba kren ïa ki jingkrenbeiñ Blei? uei ba lah ban map noh ïa ki pop, hynrei, tang U Blei hi?”

ÏOANNIS 10:33

Kita ki Jiw ki la ïathuh ha u, ki ong, “Namar ka jingleh babha ngim lynthem ïa me, hynrei, namar ka jingkrenbeiñ Blei; bad naba me, uba long u briew, me pynlong U Blei ïa lade.”

ÏOANNIS 10:36

ïa uta ba U Kpa u la pynkyntang, bad ba u la phah sha ka pyrthei, phi, phi ong, ‘Me krenbeiñ Blei’; namar ba nga la ong, ‘Nga long U Khun U Blei?’

KI KAM 14:14

Hynrei, haba kita ki apostol – u Barnabas bad u Paul – ki la ïohsngew ïa kata, ki la kad la ki jaiñkup, bad ki la ïarynsied kynsan hapdeng uta u paidbah, ki da pyrta,