MATHAÏOS 26:55 - KA BAIBL

⁵⁵ Ha kata ka por, U Jisu u la ong ha kita ki paidbah, “Kumba ïa u nongtuh phi la mih bad ki waitlam bad ki diengduh ban kem ïa nga? Ha la ka sngi bad phi nga ju shong hikai ha ka templ, te phim shym la kem ïa nga.

Khasi CL Bible (BSI)

⁵⁵ Nangta U Jisu u la kren ha u paidbah, “Hato phi donkam ban wan bad ki waitlam bad ki dieng tangon ban kem ïa nga, la kumba nga dei u riewsniew? Man la ka sngi nga la shong bad hikai hapoh ka Templ, bad phim shym la kem ïa nga.

MATHAÏOS 26:55 ပူးပေါင်းရင်းမြစ်များ

MATHAÏOS 21:23

Haba u la wan te ha ka templ, ki rangbah lyngdoh bad ki tymmen basan jong u paidbah ki la wan ha u haba u dang hikai, ki da ong, “Da ka bor aïu ba me leh ïa kine kiei kiei ruh? Bad uei ba la ai ïa kane ka bor ha me?”

MATHAÏOS 26:47

Haba U dang kren ruh, ha khmih u Judas, uba uwei na ki khat-ar ngut, u la wan, bad u paidbah babun lem bad u bad ki waitlam bad ki diengduh ruh, na ki rangbah lyngdoh bad na ki tymmen basan jong u paidbah.

MARKOS 10:1

Haba u la mih nangta, u la wan ha ki phang Judia, sha shiliang ka Jordan: bad ki paidbah ki la ïalum lang pat ha u; te kumba u la ju leh, u la hikai pat ïa ki.

MARKOS 12:35

U Jisu u la ïathuh u la ong ruh, haba u dang hikai ha ka templ, “Kumno ba ki nongthoh ki ong ba U Khrist u long u khun u Dabid?

LOUKAS 19:47

U la ju hikai ha la ka sngi ruh ha kata ka templ. Hynrei, ki rangbah lyngdoh, bad ki nongthoh, bad kiba kham rangbah na u paidbah, ki la ïawad dong ban pynïap noh ïa U:

LOUKAS 20:1

Ka la jia te ha kawei na kita ki sngi, haba U dang hikai ïa u paidlang ha ka templ, bad ba U dang ïalap ïa ka gospel, ba ki rangbah lyngdoh bad ki nongthoh, lem bad ki tymmen basan, ki la wan lap ïa U.

LOUKAS 4:20

Te u la kli ïa kata ka kitab, bad u la ai noh pat ha uba sumar, bad u la shong. Te ki khmat jong kiba ha kata ka synagog baroh ki la neh ha u.

ÏOANNIS 7:14

Te hamar pdeng kata Ka Jingkhawai Niam, U Jisu u la leit kiew sha ka templ, bad u la hikai.

ÏOANNIS 7:28

Namar kata, U Jisu u la pyrta haba u dang hikai ha kata ka templ, u ong ruh, “Phi ithuh te ïa nga? bad phi tip ruh nangno nga long? ngam shym la wan te na lade hi, hynrei, u long uba shisha uta uba la phah ïa nga, ïa uba phi phim ithuh.

ÏOANNIS 8:2

Te la dang step eh u la wan pat sha ka templ, bad u paidbah baroh u la wan ha U: bad haba U la shong, U la hikai ïa ki.

ÏOANNIS 8:20

Ïa kine ki ktien, U Jisu u la kren ha ka jaka jingkynshew, haba u dang hikai ha ka templ; te ym don ba la kem ïa u, naba ka por jong u kam pat la jia.