MATHAÏOS 26:53 - KA BAIBL

⁵³ Me mut ba ngam lah mynta ban duwai ïa U Kpa jong nga, ba un phah ïarap ïa nga wat mynta da ki khat-ar paidbah tam ki angel?

Khasi CL Bible (BSI)

⁵³ Hato phim tip ba nga lah ban kyrpad jingïarap na U Kpa jong nga, bad shisyndon un da la phah palat khat-ar kynhun ki angel?

MATHAÏOS 26:53 ပူးပေါင်းရင်းမြစ်များ

2 SYIEM 6:17

Bad u Elisha u la duwai, bad u la ong, “A Trai, nga kyrpad ïa me, to pynpeit ïa ki khmat jong u, ba un ïohi.” Te U Trai u la pynpeit ïa ki khmat jong uta u samla; bad u la ïohi: te ha khmih, u lum u la dap da ki kulai bad ki kali ding baroh sawdong u Elisha.

DANIEL 7:10

Ka wah ding ka la mih bad ka la tuid noh na khmat jong u: hajar ki hajar ki la shakri ïa u, bad shiphew hajar sien shiphew hajar ki la ïeng ha khmat jong u: ka jingbishar la long, bad ki kitab la plied.

MATHAÏOS 25:31

“Ynda U Khun u briew un wan te ha ka burom jong u, bad ki angel bakhuid baroh lem bad u, ynda kumta, un shong halor ka khet ka burom jong u,

MATHAÏOS 4:11

Haba kumta, u Soitan u la iehnoh ïa U; ha khmih ruh, ki angel ki la ïawan bad ki la shakri ïa U.

MARKOS 5:15

Bad ki wan ha U Jisu, bad ki ïohi ïa uta uba ju shong ksuid ba u shong, bad ba u la kup jaiñ, bad ba u la tipbriew, ïa uta keiñ uba la ju don “u Paidbah”: bad ki la sheptieng.

MARKOS 5:9

Te U la kylli ïa u, “Kaei ka kyrteng jong me?” U te u la ïathuh, u da ong, “Ka kyrteng jong nga long ‘U Paidbah’: naba ngi long shibun.”

LOUKAS 8:30

Bad U Jisu u la kylli ïa u, “Kaei ka kyrteng jong me?” u te u la ong, “U Paidbah”, naba bun ki ksuid ki la lah leit rung hapoh jong u.

ÏOANNIS 10:18

Ym don uba shim ïa ka na nga, hynrei, nga aiti noh ïa ka na lade hi: nga don bor ban aiti noh ïa ka, bad nga don bor ban shim pat ïa ka. Ïa kane ka hukum nga la pdiang na uta U Kpa jong nga.”

ÏOANNIS 18:36

U Jisu u la ïathuh, “Ka hima jong nga kam long na ka jong kane ka pyrthei; lada ka hima jong nga ka la long na ka jong kane ka pyrthei, ki shakri jong nga kin da ïaleh, ba yn ym aiti noh ïa nga ha ki Jiw; hynrei, mynta, ka hima jong nga kam long nangne.”

2 THESSALONI 1:7

te ïa phi kiba shah jynjar, ïa ka jingjahthait lem bad ngi, ha kata ka jingpynpaw ïa U Trai Jisu na bneng lem bad ki angel ka bor jong u,

JUDAH 1:14

Bad dei ïa kine, ba u Enokh ruh, u bahynñiew na u Adam, u la ïathuhlypa, u da ong, “Ha khmih U Trai u la wan bad ki shiphew hajar ki bakhuid jong u,