MATHAÏOS 26:38 - KA BAIBL

³⁸ Haba kumta u la ong ha ki, “Ka mynsiem jong nga ka sngewpisa eh, kat ban sa ïap; ïaishong hangne, to ïa-ap ruh lem bad nga.”

Khasi CL Bible (BSI)

³⁸ bad u la ong ha ki, “Ka jingsngewsih hapoh ka dohnud jong nga ka long kaba khraw katta kata kat haduh ba ka jan pynlwet ïa nga. To sah hangne bad ïa-ap lem bad nga.”

MATHAÏOS 26:38 ပူးပေါင်းရင်းမြစ်များ

SALM 116:3

Ki jingkhum ka jingïap ki la kyllaiñ sawdong ïa nga, ki jingshitom ka jingtep ki la bat ïa nga: nga la shem ka jynjar bad ka jingkhuslai.

SALM 42:5

Balei pha long kaba la pynnoh, ko ka mynsiem jong nga? bad ba pha pynkhih hapoh jong nga? To kyrmen pha ha U Blei: naba ngan sa ïaroh ïa u pat namar ka jingkhiah ka khmat jong u.

JINGRWAI SOLOMON 5:3

Nga la law noh ïa ka sopti jong nga; kumno ngan phong ïa ka? Nga la sait ïa ki sla'jat jong nga; kumno ngan pyntngit ïa ki?

ISAÏAH 53:10

Pynban, U Trai u la mon ban pynlwet ïa u; u la pynkhuslai ïa u: haba men pynlong ïa ka mynsiem jong u ka jingainguh namar ka pop, un ïohi ïa la u symbai, un pynslem ïa la ki sngi, bad ka mon U Trai kan roi ha ka kti jong u.

ISAÏAH 53:12

Namar kata, ngan ïasam bynta ha u bad ki bakhraw, bad un ïabynta ïa ka jinglute bad ki bakhlaiñ; namar u la theh noh ïa la ka mynsiem haduh kaba ïap, la ñiew ruh ïa u bad ki nongryngkang: pynban u la bah ïa ka pop jong kiba bun, bad u la ïasaid na ka bynta ki nongryngkang.

ISAÏAH 53:3

U la long ba la ibeiñ, bad ba la kyntait da ki briew: u briew ki jingsngewsih, bad uba tip ïa ka khuslai: bad kum uba ki briew ki ju buhrieh ïa la ka khmat na u la ibeiñ ïa u, te ngim shym la ñiew ïa u.

MATHAÏOS 25:13

Namar kata, to sharai, naba phim tip lymne ïa ka sngi lymne ïa ka por ha kaba u wan U Khun u briew.

MARKOS 14:34

U la ong te ha ki, “Ka mynsiem jong nga ka pisa eh, kum ban sa ïap; to ïaishong hangne, to ïa-ap ruh.”

ÏOANNIS 12:27

“Mynta ka mynsiem jong nga ka la khih khuslai; te kaei ngan ong? ‘Ko Kpa, to pyllait ïa nga na kane ka por?’ Hynrei, na ka bynta kane nga la wan khnang ha kane ka por:

Ka Shithi U Paul Sha Ki Nong Rom 8:32

Uta u bym shym la bynnud wat ïa la U Khun jong u hi, hynrei, u la aiti noh ïa u na ka bynta jong ngi baroh, kumno te un ym ai ei lem bad u ruh ïa kiei kiei baroh ha ngi?

2 KORINTH 5:21

Namar ïa uta u bym shym la tip ïa ka pop, u la pynlong ka pop na ka bynta jong ngi, khnang ba yn pynlong ïa ngi ka hok U Blei ha u.

GALATIA 3:13

U Khrist u la siewspah ïa ngi na ka jingtim ka hukum, da kaba la pynlong ïa u ka jingtim na ka bynta jong ngi: namar la thoh: “Long ba la tim ïa uwei uwei baroh uba sdien ha u dieng”:

1 PETROS 2:24

uba da lade hi u la bah noh ïa ki pop jong ngi ha ka met jong u halor kata ka dieng, ba, haba la ïap noh sha kita ki pop ngin ïoh im sha ka hok; uba da ki jingjngem snam jong u, la pynkhiah ïa phi.

1 PETROS 3:18

Naba U Khrist ruh, u la shah shitom shi sien namar ki pop, U Bahok na ka bynta ki bymhok, khnang ba un ïoh ïalam ïa ngi ha U Blei; haba la pynïap ïa u ha ka doh, hynrei, ba la pynlong im ïa u ha U Mynsiem:

1 PETROS 4:7

Hynrei, kata ka bakut kiei kiei baroh ka la jan keiñ; namar kata, to phin khan adkar, bad to phin sharai shaphang ki jingduwai.