MATHAÏOS 26:31 - KA BAIBL

³¹ Mynkata U Jisu u la ong ha ki, “Phi baroh phin thut na nga ha kane ka miet, naba la thoh: ‘Ngan shoh ïa u nongsharai bad yn pynsaphred ïa ki langbrot jong ka kynhun.’

Khasi CL Bible (BSI)

³¹ Nangta U Jisu u la ong ha ki, “Ha kane hi ka miet phi baroh phin ïaphet noh bad iehnoh ïa nga, naba ka Jingthoh Bakhuid ka ong, ‘U Blei un pynïap ïa u nongaplangbrot, bad ïa ki langbrot jong ka kynhun yn pynsakma.’

MATHAÏOS 26:31 ပူးပေါင်းရင်းမြစ်များ

SALM 38:11

Kiba ieit jong nga bad ki lok jong nga ki ïeng kyrpang noh na ka jingpang sniew jong nga; bad ki kur jong nga ki ïeng jngai noh.

SALM 69:20

Ka jingkrenbeiñ ka la pynpait ïa ka dohnud jong nga; bad nga dap da ka jingsngewkhia: te nga la khmih lynti ïano ïano ban isynei, hynrei, ym don satia; bad ïa ki nongpyntngen, hynrei, ngam shem shuh.

SALM 88:18

U nongieit bad u lok me la pynjngai na nga, bad ïa kiba ithuh ithaw ïa nga sha ka jingdum.

ISAÏAH 53:10

Pynban, U Trai u la mon ban pynlwet ïa u; u la pynkhuslai ïa u: haba men pynlong ïa ka mynsiem jong u ka jingainguh namar ka pop, un ïohi ïa la u symbai, un pynslem ïa la ki sngi, bad ka mon U Trai kan roi ha ka kti jong u.

SNGEWSYNEI 1:19

“Nga la phah khot ïa ki nongieit jong nga, hynrei, ki la shukor ïa nga: ki lyngdoh jong nga bad ki tymmen basan jong nga ki la dkut mynsiem ha ka shnong, katba ki ïawad ha ki ka jingbam ban pynshait ïa la ka mynsiem.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

MATHAÏOS 11:6

suk ruh ma u, u ban ym thut ha nga.”

MATHAÏOS 26:24

U Khun u briew shisha un sa leit kumba la thoh shaphang jong u, hynrei, kordit ïa uta u briew da uba yn die noh ïa U Khun u briew! ka la bha ïa uta u briew lada ym shym la kha satia ïa u.”

MATHAÏOS 26:56

Hynrei, kane baroh te ka la long ba yn pyndep ïa ki jingthoh ki nongïathuhlypa.” Ynda kumta, ki synran baroh haba ki la iehnoh ïa u, ki la phet noh.

ÏOANNIS 16:32

Ha khmih ka por ka jia, shisha ka la jia mynta, ba yn pynsakma ïa phi uwei pa uwei sha la ka jong ka jong, bad phin iehnoh ïa nga marwei: hynrei, pynban, ngam long marwei, naba uta U Kpa u don lem bad nga.