MATHAÏOS 26:3 - KA BAIBL

³ Ynda kumta, ki la ïalang ki rangbah lyngdoh bad ki nongthoh bad ki tymmen basan jong u paidlang ha ka ïingbah u rangbah lyngdoh, ïa uba ki khot “u Kaïaphas”;

Khasi CL Bible (BSI)

³ Nangta ki rangbah lyngdoh bad ki tymmen ki san ki la ïakynduh lang ha ka ïing paki dulan jong u Kaïaphas, u Rangbah Lyngdoh,

MATHAÏOS 26:3 ပူးပေါင်းရင်းမြစ်များ

SALM 56:6

Ki ïalum lang, ki ïabuhrieh ïa lade, ki khmih thuh ïa ki jingjam jong nga, kumba ki la ap thap ruh ïa ka mynsiem jong nga.

JEREMAÏAH 11:19

Hynrei, nga la long kum u khun langbrot ba jemnud ba la ïalam sha ka jingpynïap; bad ngam shym tip ba ki la thaw ki buit ïa nga, da kaba ong, “To ngin ïa-pynduh bad dieng bad soh, bad ngin ot noh ïa u na ka ri ki ba-im, ba yn ym kynmaw shuh ïa ka kyrteng jong u.”

JEREMAÏAH 17:27

Hynrei, lada phin ym sngap ïa nga, ïa ka ban pynkyntang ïa ka sngi Sabbaton, bad ban ym kit jingkit bad rung na ki khyrdop ka Jerusalem ha ka sngi Sabbaton; te ngan tbeh ka ding ha ki khyrdop jong ka, bad kan bam duh ïa ki ïingpaki ka Jerusalem, bad yn ym pynlip ïa ka.”

MATHAÏOS 26:69

U Petros te u shong shabar ha ka phyllaw. Te ka la wan ha u kawei ka shakri kaba ong, “Me ruh me la long lem bad U Jisu u nong Galilaïa.”

MATHAÏOS 27:27

Ynda kumta, ki shipai jong uta u lyngskor ki la ïalam noh ïa U Jisu ha ka ïingbah u lyngskor, bad ki la ïalum ha U baroh shi kynhun.

MARKOS 14:54

U Petros te u la bud ïa U na sha jngai haduh hapoh phyllaw jong uta u rangbah lyngdoh bad u la shong lem bad kita ki shakri, u da syaid ding ruh.

MARKOS 14:66

Te haba u Petros u dang don harum ha kata ka phyllaw, kawei na kita ki shakri jong u rangbah lyngdoh ka la wan;

MARKOS 15:16

Ki shipai te ki la ïalam noh ïa u hapoh phyllaw, kaba long ka ïingbah u lyngskor, bad ki ïakhot lang baroh shi kynhun;

LOUKAS 22:55

Te ynda ki la sliew ding hapdeng ka phyllaw, bad ba ki la ïashong lem, u Petros u la shong hapdeng jong ki.

LOUKAS 3:2

ha kaba u Annas bad u Kaïaphas ki long rangbah lyngdoh, la wan ka ktien U Blei ha u Ïoannis u khun u Sakharaïa ha ka ri khlaw.

ÏOANNIS 11:57

Te ki rangbah lyngdoh bad ki Pharisi ki la lah ïa-ai ka hukum, ba lada uno uno ruh u ïoh tip hangno U don, un ïathuh, ba kin ïoh kem ïa U.

ÏOANNIS 18:24

Namar kata, u Annas u la phah noh ïa U ba la khum ha u Kaïaphas u rangbah lyngdoh.

ÏOANNIS 18:28

Ynda kumta, ki la ïalam noh ïa U Jisu na u Kaïaphas sha ka ïingbah u lyngskor: te ka la long mynstep eh; hynrei, ki hi kim shym la leit rung shapoh kata ka ïingbah u lyngskor, ba ïoh kin pynsang ïa lade; hynrei, ba kin ïoh bam ïa Ka Jinglait.