MATHAÏOS 26:29 - KA BAIBL

²⁹ Nga ong ruh ha phi, ba ngan ym dih shuh naduh mynta na kane ka umsoh u dieng Waiñ, tad ynda kata ka sngi ba ngan dih thymmai ïa ka lem bad phi ha ka hima U Kpa jong nga.”

Khasi CL Bible (BSI)

²⁹ Nga ong ha phi, ngan ym dih shuh ïa kane ka waiñ tad haduh ka sngi ba nga dih ïa ka waiñ thymmai bad phi ha ka Hima jong U Kpa jong nga.”

MATHAÏOS 26:29 ပူးပေါင်းရင်းမြစ်များ

SALM 104:15

bad ïa ka Waiñ kaba pynkmen ïa ka dohnud u briew, bad ka umphniang ïa ka ban pyntyngshaiñ ïa ka khmat jong u, bad ïa u kpu uba pynkhlaiñ ïa ka dohnud u briew.

SALM 4:7

Me la buh kham bun ka jingkmen ha ka dohnud jong nga, ban ïa kaba ki don haba shlei u Kew bad ka Waiñ jong ki.

SALM 40:3

Bad u la buh ïa ka jingrwai bathymmai ha ka shyntur jong nga, ka jingïaroh keiñ ïa U Blei jong ngi: shibun kin ïohi ïa ka, bad kin sheptieng bad kin shaniah ha U Trai.

JINGRWAI SOLOMON 5:1

Nga la wan ha la ka kper, ko ka para jong nga, ko ka nongteh kurim jong nga: nga la lum ïa ka mirr lem bad ka musla jong nga; nga la bam ïa ka rewngap bad ka ngap jong nga; nga la dih ïa ka Waiñ bad ka dud jong nga. To bam, ko lok; to dih, to dih pahuh keiñ, ko ba-ieit jong nga.

ISAÏAH 25:6

Te ha une u lum, U Trai ki paid un pynlong ka jingkhawai ïa ki paidlang baroh da kiei kiei ki basngaid, ka jingkhawai Waiñ ba la buh slem, da kiei kiei ki basngaid kiba dap da ka khleiñ shyieng, da ki Waiñ ba la buh slem ba la pynkhuid bha.

ISAÏAH 53:11

Un ïohi ïa ka jingtrei shitom ka mynsiem jong u, bad yn pynhun: da la ka jingtip u shakri bahok jong nga un pynksan ïa ki babun: bad u un bah ïa ki jingbymhok jong ki.

SEPHANAÏAH 3:17

U Trai U Blei jong pha u don hapdeng jong pha u bakhrawbor u ban pynim: un leh kmen halor jong pha da ka jingkmen, un shongthait ha la ka jingieit, un leh kmen halor jong pha da ka jingrwai.

SEKHARAÏAH 9:17

Naba katno ka khraw ka jingbha jong u, bad katno ka khraw ka jingitynnad jong u! u Kew un pynman ïa ki samla shynrang, bad ka Waiñ thymmai ïa ki samla kynthei.

MATHAÏOS 13:43

Ynda kumta, ki bahok kin ïatyngshaiñ noh kum ka sngi ha ka hima U Kpa jong ki. Uba don ki shkor ban sngew, to un sngew.

MATHAÏOS 16:28

Shisha nga ong ha phi, don kiba ïeng hangne ki ban ym mad ïa ka jingïap, tad ynda ki la ïohi ïa U Khun u briew ba u wan ha ka hima jong u.”

MATHAÏOS 18:20

Naba ha kaba don ar ngut ne lai ngut kiba la ïaseng ha ka kyrteng jong nga, hangta nga don hapdeng jong ki.”

MATHAÏOS 25:34

Ynda kumta, U Syiem un ong ha kita sha kamon jong u, ‘To wan phi ïa kiba la kyrkhu jong U Kpa jong nga, to ïoh ïa ka hima ïa kaba la pynkhreh keiñ ïa phi na myndanglong ka pyrthei.

MATHAÏOS 26:28

naba kane ka long ka snam jong nga, kaba ka jong ka jutang bathymmai, ïa kaba yn sa pynmih noh na ka bynta kiba bun, ïa ka ban map ki pop.

MATHAÏOS 26:30

Te haba ki la ïarwai salm, ki la leit noh sha u lum ki Olib.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”

MARKOS 14:25

shisha nga ong ha phi, ba ngan ym dih shuh na une u soh u dieng Waiñ, tad ynda kata ka sngi haba nga dih thymmai ïa ka ha ka hima U Blei.”

LOUKAS 12:32

“To wat sheptieng, ko kynhun i barit; naba U Kpa jong phi u sngewbha eh ban ai ha phi ïa kata ka hima.

LOUKAS 15:32

Te ka la dei ban ïalehkmen bad ban ïalehsngewbha; naba une u para jong me u la long uba la ïap, te u la im pat, bad u la long uba la jah noh, te la shem pat ïa u.’ ”

ÏOANNIS 15:11

Nga la kren ïa kine kiei kiei ruh ha phi, ba ka jingkmen jong nga kan ïoh long ha phi, bad ba ka jingkmen jong phi kan long kaba dap.

ÏOANNIS 16:22

Kumta, ma phi ruh, phi don ka jingsngewsih shisha mynta, hynrei, ngan wan-i ïa phi pat, bad ka dohnud jong phi kan sngewkmen, bad ïa kata ka jingkmen jong phi ym don u ban shim noh na phi.

ÏOANNIS 17:13

Hynrei, mynta ngan sa wan ha me; bad nga kren ïa kine kiei kiei ruh ha kata ka pyrthei, ba ki lah ban ïoh ïa ka jingkmen jong nga kaba la pyndap ha ki.

KI KAM 10:41

ym ha u paidbah baroh, hynrei, ha ki sakhi ïa kiba la jied mynshuwa da U Blei, ha ngi keiñ, kiba la ïabam ïadih ryngkat bad u, ynda u la mihpat na ki baïap.

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

JINGPYNPAW 14:3

Bad ki ïarwai kum ïa ka jingrwai bathymmai ha khmat kata ka khet, bad ha khmat kita ki saw ki jingthaw ba-im bad kita ki tymmen basan; bad uno uno ruh um lah ban nang keiñ ïa kata ka jingrwai, hynrei, tang kita ki shispah sawphew saw hajar, kita keiñ ïa kiba la siewspah noh na ka khyndew.

JINGPYNPAW 7:17

naba uta U Khun langbrot uba hapdeng kata ka khet un sharai ïa ki, bad un ïalam lynti ïa ki sha ki pukri um ka jingim; bad U Blei un ñiad noh ïa ka jingjaw ummat baroh na ki khmat jong ki.”