MATHAÏOS 26:28 - KA BAIBL

²⁸ naba kane ka long ka snam jong nga, kaba ka jong ka jutang bathymmai, ïa kaba yn sa pynmih noh na ka bynta kiba bun, ïa ka ban map ki pop.

Khasi CL Bible (BSI)

²⁸ “kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

MATHAÏOS 26:28 ပူးပေါင်းရင်းမြစ်များ

JEREMAÏAH 31:31

“Ha khmih, ki sngi kin poi,” ong U Trai, “ba ngan thaw ïa ka jutang bathymmai bad ka ïing Israel, bad ka ïing Judah ruh:

LEBITIKOS 17:11

Naba ka jingim jong ka doh ka don ha kata ka snam: te nga la ai ïa ka ha phi halor ka duwan ban pynlong ka jingpynïasuk na ka bynta ki mynsiem jong phi: naba kane ka snam kaba pynlong ka jingpynïasuk na ka bynta ka mynsiem.

SEKHARAÏAH 9:11

“Ma pha ruh, namar kata ka snam ka jutang jong pha, nga la pyllait noh ïa ki nongsah byndi jong pha na kata ka 'liewlep ka bymdon um.

MATHAÏOS 20:28

kumba U Khun u briew um shym la wan ba yn shakri ïa u, hynrei, ba u un shakri, bad ba un ai ïa la ka jingim ban long ka jingsiewspah ïa kiba bun.”

MATHAÏOS 26:27

Ynda u la shim ïa ka khuri ruh, bad ba u la nguh, u la ai ha ki, u da ong, “To dih na kane phi baroh;

MATHAÏOS 26:29

Nga ong ruh ha phi, ba ngan ym dih shuh naduh mynta na kane ka umsoh u dieng Waiñ, tad ynda kata ka sngi ba ngan dih thymmai ïa ka lem bad phi ha ka hima U Kpa jong nga.”

MATHAÏOS 6:12

To map ruh ïa ngi ïa ki ryngkang jong ngi, kumba ngi ruh ngi map ïa kiba leh sniew ïa ngi.

MARKOS 1:4

U Ïoannis u la pynbaptis ha ka ri khlaw, bad u la ïalap ïa ka jingbaptis ka jingkylla-ka-bamut ïa ka ban map ki pop.

MARKOS 14:24

U la ong ruh ha ki, “Kane ka long ka snam jong nga ka jong ka jutang ka bathymmai, ïa ka ban sa pynmih noh na ka bynta kiba bun;

LOUKAS 22:19

U la shim ruh ïa u kpu, bad haba u la lah nguh de, u la kdiah ïa u, bad u la ai ha ki, u da ong, “Une u long ka met jong nga ïa kaba la ai noh na ka bynta jong phi; to phin leh ïa kane ïa ka ban kynmaw ïa nga.”

LOUKAS 22:20

Kumjuh ruh ïa kata ka khuri, hadien kaba bam ja miet, U da ong, “Kane ka khuri ka long kata Ka Jutang Ka Bathymmai da ka snam jong nga, ïa kaba yn sa theh noh na ka bynta jong phi:

Ka Shithi U Paul Sha Ki Nong Rom 5:15

Hynrei, ym kum kata ka jingryngkang, kumta ruh, ka long kata ka jingaiei: namar, lada da kata ka jingryngkang jong uta uwei, kita kiba bun ki la ïap noh, da kham tam shibun keiñ kata ka jingaiei U Blei, bad kata ka jingai kaba da ka jingaiei ka jong uta uwei u briew, uba U Jisu Khrist, ki la roi kyrhai sha kita kiba bun.

Ka Shithi U Paul Sha Ki Nong Rom 5:19

Namar, kat kumba da kata ka jingbymkohnguh jong uta uwei u briew, la pynlong ki bapop ïa kita kiba bun; kumta ruh, da kata ka jingkohnguh ka jong uta uwei pat, yn pynlong ki bahok ïa kita kiba bun.

1 KORINTH 11:25

Kumjuh ruh ïa ka khuri, hadien kaba bam ja miet, u da ong, “Kane ka khuri ka long ka jutang ka bathymmai da ka snam jong nga: ïa kane to leh phi, katno katno sien ruh ba phi dih ïa ka, ban kynmaw ïa nga.”

EPHESOS 1:7

ha uba ngi ïoh ka jingsiewspah da ka snam jong u, ka jingmap ïa ki jingpalat jong ngi, katba kum ka jingkynrei ka jingaiei jong u;

KOLOSSAI 1:14

ha uba ngi ïoh ïa ka jingsiewspah jong ngi, ka jingmap keiñ ïa ki pop jong ngi.

KOLOSSAI 1:20

bad da u ban pynïasuk noh ïa kiei kiei baroh ha lade hi, haba la lah pynlong ïa ka jingpynïasuk da ka snam ka diengphna jong u; da u, nga ong, la kiei kiei kiba ha ka khyndew, lane kiei kiei kiba ha ki bneng.

HEBRU 10:29

ka jingpynshitom ba kham jur katno, phi tharai, kan dei ïa uta uba la ïuh hapoh ki kjat ïa U Khun U Blei, bad ba la ñiew bymkhuid ïa ka snam ka jutang, da kaba la pynkhuid ïa u, bad ba la lehbeiñ ïa U Mynsiem ka jingaiei?

HEBRU 13:20

Te U Blei ka jingsuk uba la wallam pat na ki baïap ïa U Nongap u bakhraw ki langbrot, da ka snam ka jutang bymjukut, ïa U Jisu U Trai jong ngi keiñ,

HEBRU 9:28

kumta, U Khrist ruh, haba la kñia ainguh tang shi sien ïa u, ïa ka ban bah noh ïa ki pop jong kiba bun, un mihpaw ha ka ba-ar sien, khlem bah ka pop, ha kita kiba khmih lynti ïa u, ïa ka jingpynim.

1 ÏOANNIS 2:2

bad ma u hi ruh, u long ka kuna na ka bynta ki pop jong ngi, bad ym tang na ka bynta kita ki jong ngi hi, hynrei, na ka bynta ki jong ka pyrthei baroh ruh.

JINGPYNPAW 7:14

Te nga la ïathuh ha u, “Ko Kynrad, me tip ma me.” Te u la ong ha nga, “Kine ki long kita keiñ kiba wan na kata ka jingjynjar bakhraw, bad ki la sait ïa kita ki jaiñkup jong ki, bad ki la pynkhuid lieh ïa ki ha ka snam jong uta U Khun langbrot.

JINGPYNPAW 7:9

Hadien kine kiei kiei ruh, nga la khmih, bad ha khmih, u paidbah byllien, ïa uba uno uno um lah ban ñiew, na ki kynja bynriew bad na ki jaid bad na ki paidlang bad na ki thylliej baroh, ba ki da ïeng ha khmat kata ka khet bad ha khmat uta U Khun langbrot, kiba la kup ki jaiñkup balieh, bad ki dieng Tlai ha ki kti jong ki;