MATHAÏOS 26:26 - KA BAIBL

²⁶ Te haba ki dang ïabam, U Jisu u la shim ïa u kpu, bad ynda u la nguh, u la kdiah; bad u la ai ha ki synran, u la ong, “To shim, to bam, une u long ka met jong nga.”

Khasi CL Bible (BSI)

²⁶ Katba ki dang ïabam, U Jisu u la shim shi lyngkhot u kpu, u la duwai ainguh, u la kdiah ïa u, bad u la ai ïa u ha ki synran jong u. “To shim bad to bam ïa u,” u la ong; “une u long ka met jong nga.”

MATHAÏOS 26:26 ပူးပေါင်းရင်းမြစ်များ

MATHAÏOS 14:19

Te u la hukum ban pynshong shaniah ïa ki paidbah ha u phlang, bad u la shim ïa kita ki san tylli ki kpu bad ïa kita ki ar tylli ki dohkha, bad haba u la khmied sha bneng, u la nguh, bad u la kdiah, u la ai ïa ki kpu ha ki synran, bad kita ki synran ha ki paidbah.

MATHAÏOS 26:27

Ynda u la shim ïa ka khuri ruh, bad ba u la nguh, u la ai ha ki, u da ong, “To dih na kane phi baroh;

MARKOS 6:41

Haba u la shim te ïa kita san tylli ki kpu bad ïa kita ar tylli ki dohkha ruh, haba u la khmied sha bneng, u la nguh, bad u la kdiah ruh ïa ki kpu, bad u la ai ha ki synran jong u, ba kin buh ha khmat jong ki; bad ïa kita ki dohkha u la ïasam ha ki baroh.

LOUKAS 22:17

Te u la shim ïa ka khuri, bad haba u la lah nguh de, u la ong, “To shim ïa kane bad to ïasam hi paralok;

LOUKAS 24:30

Ka la jia te haba U dang shong bam bad ki, haba U la shim ïa u kpu, U la kyrkhu, bad U la kdiah, bad U la sam ha ki.

KI KAM 2:46

Ha la ka sngi ruh ki da ïaineh skhem ha kawei ka jingmut ha ka templ; bad haba ki da kdiah kpu ha ka ïing ka ïing, ki la ïabam da ka jingkmen bad da ka jingsngewbeit ka dohnud,

KI KAM 20:7

Te ha ka sngi nyngkong ka taïew, mynba ngi la wan ïaseng ïa ka ban kdiah kpu, u Paul u la ïalap ha ki, ba un sa leit noh lashai; te u la pynslem ïa la ka jingïalap haduh shiteng synñia.

1 KORINTH 10:4

bad baroh ki la ïadih ïa kajuh ka jingdih bakynja mynsiem; namar ki la ïadih na uta U Mawsiang bakynja mynsiem ba la bud ïa ki: te uta U Mawsiang u la long U Khrist.