MATHAÏOS 26:24 - KA BAIBL

²⁴ U Khun u briew shisha un sa leit kumba la thoh shaphang jong u, hynrei, kordit ïa uta u briew da uba yn die noh ïa U Khun u briew! ka la bha ïa uta u briew lada ym shym la kha satia ïa u.”

Khasi CL Bible (BSI)

²⁴ U Khun U Briew un ïap kumba ki Jingthoh Bakhuid ki ong ba un shah leh kumta, hynrei katno kaba shyrkhei kan long ïa uta u briew uba shetkylla ïa U Khun U Briew! Kan jin da kham bha ïa uta u briew lada ym shym la kha ïa u!”

MATHAÏOS 26:24 ပူးပေါင်းရင်းမြစ်များ

JENESIS 3:15

Bad ïa ka jingshun ruh ngan buh hapdeng jong me bad kata ka briew, bad hapdeng u symbai jong me bad u symbai jong ka; u symbai jong ka un pynlwet ïa ka khlieh jong me, bad me men pynlwet ïa ka khongdong'jat jong u.”

SALM 55:15

Ai ba ka jingïap kan hap kyndit halor jong ki, to kin hiar im sha ka jingtep: naba ka jingbymman ka don ha ïing jong ki, hapdeng jong ki.

SALM 55:23

Hynrei, ma me, A U Blei, men pynhiar ïa ki sha ka thliew ka jingpynjot: ki briew kiba bit snam bad bashukor kin ym im shiteng ki sngi jong ki; hynrei, nga ngan shaniah ha me.

DANIEL 9:26

Te hadien kita ki hynriewphew ar taïew, ïa uta uba la sleh yn ot noh, bad un ym ïoh ei ei ruh: bad ki briew jong uta u syiem u ban wan, kin pynjot noh ïa kata ka nongbah bad ïa kata ka jaka kyntang; bad ka bakut jong u kan long da ka jingshlei, te haduh ka bakut keiñ kan long ka thma; la thmu ïa ki jingpynjot.

SEKHARAÏAH 12:10

“Te ngan theh buk buk halor ka ïing u Dabid, bad halor ki nong Jerusalem, ïa ka mynsiem ka jingaiei bad ka jingkyrpad; bad kin khmih ha nga ïa uba ki la sum; bad kin ïambriew ïa u, kumba uno uno u ïambriew ïa la u khun marwei, bad kin sngewkthang namar jong u, kumba uno uno u sngewkthang namar uba la kha nyngkong jong u.

SEKHARAÏAH 13:7

“To khie, ko waitlam, pyrshah ïa u nongaplangbrot jong nga, bad pyrshah ïa uta u briew uba long u lok u jong nga,” ong U Trai ki paid. “To pom ïa u nongaplangbrot, te yn pynsakma ïa ki langbrot; te ngan pynphai la ka kti ha kiba rit.

MATHAÏOS 18:7

“Kordit ïa ka pyrthei namar ki jingjynthut! naba donkam ïa kita ki jingjynthut ban wan shisha, hynrei, kordit ïa uta u briew na uba wan kata ka jingjynthut!

MATHAÏOS 26:31

Mynkata U Jisu u la ong ha ki, “Phi baroh phin thut na nga ha kane ka miet, naba la thoh: ‘Ngan shoh ïa u nongsharai bad yn pynsaphred ïa ki langbrot jong ka kynhun.’

MATHAÏOS 26:54

Lada kumta te, kumno ba yn pyndep ïa kita ki jingthoh, kiba ong ba ka dei ban long kumne?”

MATHAÏOS 26:56

Hynrei, kane baroh te ka la long ba yn pyndep ïa ki jingthoh ki nongïathuhlypa.” Ynda kumta, ki synran baroh haba ki la iehnoh ïa u, ki la phet noh.

MARKOS 14:21

U Khun u briew shisha un sa leit, kumba la thoh shaphang jong u, hynrei, kordit ïa uta u briew da uba yn die noh ïa U Khun u briew! Ka la bha ïa uta u briew lada ym shym la kha satia ïa u!”

MARKOS 9:12

U te u da ïathuh, u la ong ha ki, “U Elias shisha u wan shuwa, bad u pynbha ïa kiei kiei baroh ruh; bad kumno la thoh shaphang U Khun u briew? ba un shah bun kiei kiei ruh, bad ba yn ñiewbeiñ ïa u.

LOUKAS 22:22

te shisha U Khun u briew u leit noh, kumba la thmu lypa; hynrei, kordit ïa uta u briew da uba yn die noh ïa u!”

LOUKAS 24:46

U la ong ruh ha ki, “Kumne la thoh ba ka la dei ïa U Khrist ban shah, bad ban mihpat de na ki nongïap ha ka balai ka sngi;

ÏOANNIS 17:12

Mynba nga la don lem bad ki, nga la sumar ïa ki ha ka kyrteng jong me: ïa kita kiba me la ai ha nga, nga la ri kyndong, bad ym don ba la jot noh na ki, hynrei, tang uta u khun ka jingjot, ba yn ïoh pyndep ïa ka jingthoh.

ÏOANNIS 19:24

Namar kata, ki la ïa-ong paralok hi, “Ngin ym ïakad ïa ka, hynrei, ngin ïakhalai ïa ka, ka jongno kan long”: ba yn pyndep ïa kata Ka Jingthoh, kaba ong: “Ki la ïabynta ïa ki jaiñkup jong nga hapdeng jong ki, bad ki la ïakhalai ïa ka jingphong jong nga.” Namar kata keiñ, kita ki shipai ki la leh ïa kine kiei kiei ruh.

ÏOANNIS 19:28

Hadien kane, haba U Jisu u tip ba la pyndep mynta ïa kiei kiei baroh, ba yn ïoh pyndep ïa Ka Jingthoh, u ong, “Nga sliang.”

KI KAM 2:23

ïa une, ba la aiti noh da ka jingthmu ba la buh, bad da ka jingtip lypa U Blei; ma phi da ki kti pop phi la sahnarphna, phi la pynïap ruh;

KI KAM 28:23

Te kumta haba ki la ïabuh sngi bad u, ki la ïawan shibun ha u hapoh ka ïingbasa jong u; ha kita u la pynpaw, u da phla ïa ka hima U Blei, bad u da pynkohnguh ïa ki shaphang U Jisu, na Ka Hukum u Moses, bad na Ki Nongïathuhlypa ruh, naduh mynstep haduh janmiet.

KI KAM 4:28

ïa ka ban leh ïa kiei kiei ruh katba ka kti jong me bad ka jingpyrkhat jong me, ki la lah thmu lypa ba kin jia.

1 KORINTH 15:3

Namar nga la aiti pateng ha phi ka banyngkong eh ïa kata kaba nga la pdiang ruh, ba U Khrist u la ïap namar ki pop jong ngi katba kum Ki Jingthoh,