MATHAÏOS 26:18 - KA BAIBL

¹⁸ U la ïathuh te, “To khie leit shapoh kato ka nongbah sha uta u briew, bad ong ha u, ‘U Nonghikai u ong, “Ka por jong nga ka la jan; ngan rakhe ïa Ka Niam Ka Jinglait ha ïing jong me, lem bad ki synran jong nga.” ’ ”

Khasi CL Bible (BSI)

¹⁸ “To khie leit sha uwei u briew ha ka nongbah,” u la ong ïa ki, “bad ïathuh ha u: ‘U Nonghikai u ong, ka por jong nga ka la poi; ki synran jong nga bad ma nga ngin rakhe ïa ka Jingkhawai Niam Ka Jinglait ha ïing jong me!’ ”

MATHAÏOS 26:18 ပူးပေါင်းရင်းမြစ်များ

MATHAÏOS 21:3

Bad lada uno uno ruh un ong ei ei ha phi, phin ong, ‘U Trai u donkam ïa ki;’ te kumne kumne ruh un phah noh ïa ki.”

MATHAÏOS 23:10

Lymne wat ai ba yn khot ïa phi ‘ki nongïalam’: naba uwei u long U Nongïalam jong phi, uba U Khrist.

MATHAÏOS 23:8

Hynrei, ïa phi wat shah ban khot ‘Rabbi’: naba uwei u long U Nonghikai jong phi uba U Khrist; phi te phi long shipara baroh.

MATHAÏOS 26:19

Ki synran te ki la leh kumba U Jisu u la batai ïa ki; bad ki la ïakhreh ïa kata Ka Niam Ka Jinglait.

MATHAÏOS 26:2

“Phi tip ba ynda sa ar sngi kan long Ka Niam Ka Jinglait; ynda kumta, yn ai noh ïa U Khun u briew ïa ka ban sahnarphna ïa u.”

MATHAÏOS 26:49

Te kumne kumne ruh haba u la wan ha U Jisu, u la ong, “Khublei, ko Kynrad”, bad u la doh ïa U.

MARKOS 5:35

Haba U dang kren, la wan kiba na ka ïing uta u rangbah synagog, ki da ong, “Ka khun jong me ka la ïap; balei men pynshitom shuh ïa U Nonghikai?”

LOUKAS 22:53

Mynba nga la don lem bad phi ha la ka sngi ha ka templ, phim shym la kner satia ïa la ki kti ban kem ïa nga: hynrei, kane ka long ka por jong phi, bad ka bor jong ka jingdum.”

ÏOANNIS 11:28

Ynda ka la lah ong kumta, ka la leit noh bad ka la khot kyrpang ïa ka Mari ka para jong ka, ka da ong, “U Nonghikai u la wan, bad u khot ïa pha.”

ÏOANNIS 12:23

U Jisu u la ïathuh te ha ki, u da ong, “Kata ka por ka la jia, ba yn pyndonburom ïa U Khun u briew.

ÏOANNIS 13:1

Te mynshuwa kata Ka Jingkhawai Niam Ka Jinglait, haba U Jisu u la tip ba kata ka por jong u ka la jia, ba un leit noh na kane ka pyrthei sha U Kpa, haba u la ieit ïa la ki jong kiba don ha ka pyrthei, u la ieit ïa ki haduh ka bakut.

ÏOANNIS 17:1

Ïa kine kiei kiei ruh U Jisu u la kren; bad u la khmied la ki khmat sha bneng, bad u la ong, “Ko Kpa, kata ka por ka la jia; to pyndonburom ïa U Khun jong me, ba uta U Khun ruh un ïoh pyndonburom ïa me:

ÏOANNIS 20:16

U Jisu u ong ha ka, “Wa Mari!” Ka, haba ka la phai, ka ong ha U ha ka ktien Hebru, “Wa Rabboni!” (kata ka ban ong, “Ko Nonghikai”).

ÏOANNIS 7:30

Namar kata, ki la ïawad ban kem ïa u; te ym don ba la buh ïa la ka kti ha u, naba ka por jong u kam pat la jia.

ÏOANNIS 7:6

Ynda kumta, U Jisu u la ong ha ki, “Ka por jong nga kam pat poi: hynrei, ka por ka jong phi ka la kloi ha la ka sngi.

ÏOANNIS 7:8

To leit kiew ma phi sha kane Ka Jingkhawai Niam: nga, ngam pat leit kiew sha kane Ka Jingkhawai Niam, naba ka por jong nga kam pat shym la dap biang.”