MATHAÏOS 25:5 - KA BAIBL

⁵ Haba uta u nongleit-kurim u pyntud, ki la samthiah baroh, bad ki la ïohthiah.

Khasi CL Bible (BSI)

⁵ U nongleitkurim u la slem ban wan, kumta ki theisotti ki la sdang ban kohnguh samthiah.

MATHAÏOS 25:5 ပူးပေါင်းရင်းမြစ်များ

JINGRWAI SOLOMON 3:1

Mynmiet halor ka jingthiah jong nga, nga la wad ïa uta uba ka mynsiem jong nga ka ieit: nga la wad ïa u, hynrei, ngam shem.

JINGRWAI SOLOMON 5:2

Nga la ïohthiah, hynrei, ka dohnud jong nga ka la kyndit: ka long ka jingsawa uta u ba-ieit jong nga ba tied, ka da ong, “To plie ïa nga, ko ka para jong nga, ka ba-ieit jong nga, ka paro jong nga, ka bakhuid jong nga: namar ka khlieh jong nga ka dap da ka umjer, bad u shñiuh jong nga da ki jingjaw jong ka miet.”

JINGRWAI SOLOMON 5:3

Nga la law noh ïa ka sopti jong nga; kumno ngan phong ïa ka? Nga la sait ïa ki sla'jat jong nga; kumno ngan pyntngit ïa ki?

HABAKKUK 2:3

Naba kane ka jingithuhpaw ka long, pynban, ïa ka por ba la buh, bad ka pynkloi sha ka bakut, bad kan ym lamler: la ka pynslem ruh, to ap ïa ka; naba kan poi shisha, kan ym pyntud.

MATHAÏOS 24:48

Hynrei, lada uta u shakri bymman te un ong ha la ka dohnud, ‘U kynrad jong nga u tud ban wan;’

MATHAÏOS 25:19

Te ynda la kham slem, u kynrad jong kita ki shakri u wan, u ïakheiñ bad ki.

MATHAÏOS 25:4

Hynrei, kita ki bastad ki la shim ïa ka umphniang ha ki khulpi jong ki lem bad ki sharak jong ki.

MATHAÏOS 25:6

Hynrei, mynshiteng synñia la long ka jingpyrta, ‘Ha khmih, u wan u nongleit-kurim! to mih ban leit tan ïa u.’

MATHAÏOS 26:40

U wan te ha kita ki synran, bad u shem ba ki la ïohthiah, bad u la ong ha u Petros, “Wa! phim lah ban ïa-ap lem bad nga shi por?

MATHAÏOS 26:43

Haba u la wan te, u shem ba ki la ïohthiah pat, naba ki khmat jong ki, ki la khia.

LOUKAS 1:21

Uta u paidlang te u dang ïa-ap ïa u Sakharaïa, bad ki la sngewlyngngoh naba u slem katta katta ha kata ka jaka kyntang.

LOUKAS 12:45

Hynrei, lada uta u shakri un ong ha la ka dohnud, ‘U Kynrad jong nga u tud ban wan’; bad un sdang ban shoh ïa ki shakri shynrang bad kynthei, bad ban bam ban dih, bad ban buaid de;

LOUKAS 18:8

Nga ong ïa phi, ba un bishar hok ïa ki kumne kumne ruh. Hynrei, ynda wan U Khun u briew, un shem ne em ïa ka jingngeit ha ka pyrthei?”

LOUKAS 20:9

Ynda kumta, U la sdang ban kren ha uta u paidlang ïa kane ka pharshi. “Uwei u briew u la thung ka brisoh, bad u la ai wai ïa ka ha ki nongsumar bri, bad u la leit noh sha kawei pat ka ri kham slem.

Ka Shithi U Paul Sha Ki Nong Rom 13:11

Bad ïa kane, haba ngi ithuh ïa ka Ïa, ba mynta, la dap biang ka por ïa ngi ban khie joit na kaba ïohthiah; namar mynta, ka jingpynim ka kham hajan ïa ngi ïa kaba mynba ngi la ngeit.

EPHESOS 5:14

Naba kumta, u ong: “To khie joit me uba ïohthiah, bad to mih na ki baïap, te U Khrist un pynshai ha me.”

1 PETROS 5:8

To phin leh adkar, to phin ïasharai; naba uta u nongïaleh jong phi uba u Soitan, kum u sing bakyrhuh u ïaid kylleng, u da wad khnang ïa uno uno ruh ba un ïoh nguid tylli.

JINGPYNPAW 2:25

Hynrei, ïa kata kaba phi don, to ïabat skhem tad ynda nga wan.